حوار ماهي نظرة الشاب السعودي في البنت المبتعثه..؟؟

موضوع رائع للنقاش واحب اقول انه البنت المحترمه سواء ببلدها او بالخارج مايتغير منها شي
اما اذا في بلدها مو كويسه اكيد لاطلعت برا نفس الشي والناس يختلفون عن بعض
..
انا هنا شفت بنات قمه بالاحترام وشفت العكككس والله اني احزن بس مانقول غير الهدايه من الله .,
وفيه شباب محترمين مره وفيه العكس هداهم الله جميعا لما فيه الخير والصلاح ..

كمان عندي تعليق واتمنى عدم الهجوم من قبل الشباب
الحين سؤالي ليش احنا المنقبات بالخارج دايما نعاني من معاكسات من السعودييييين عيال الوطن؟؟!!!
يعني ماشين في حالنا وساترين نفسنا ونلاقي كلمه من هنا وكلمه من هنا ليش ؟؟ ودي اتكلم واقولهم عيب عليكم بنات ديرتكم بس حيائي يمنعني بصراحه
واقرب مثال البارح طلعنا انا والولده وامي حرمه كبيره نبي نشتري اغراض من السوق و2 بس ورانا وكلام ويغنون البراقع ومدري وش بجد فيه شباب مهما طلعو برا وتثقفو للاسف عقولهم زي ماهي للاسف شي يخجل وقلت البعض مو الكل ..,
تقبلو رئيي بصدر رحب بس لاني مقهوره صدق
هذا غير اللي نشوفهم مع بنات اجنبيات حسااااااااافه على عيال ديرتي والله ..,,
هدانا الله جميعا وحقق طموحاتنا ونرجع ديرتنا رافعين راسنا ونترفع عن تفاهات الامور الي تصير قدامنا ..

البرنامج عبارة عن (شرهات) ومجاملات توزع على الدول على شكل مبتعثين يصرفون أموالهم وبمليارات الدولارات في الدول الغربية
وأمريكا كالعادة تأخذ نصيب الأسد
وتم إعلان البرنامج بعد زيارة بوش للملك عبدالله بمزرعة العاذرية قبل أكثر من 8 سنوات بالرياض
والسبب هو تأثر الجامعات الأمريكية بعد خروج عشرات الآلاف من الطلاب السعوديين من أمريكا بعد أحداث سبتمبر
وبالنسبة للملك صاحب النظرة الثاقبة زي ما بتحكي والله ما درى عنك ولا عن مخرجات جامعات السعودية ولا همه مخرجات جامعات أمريكا وإلا ماكان أغلب الي يرجعون يرجعون عاطلين
بس عودك طري يا دحمون.. بكرة تكبر وتعرف
تحياتي للعقلاء

رأيي في هذا الموضوع
أن المرأة التي تذهب إلى الخارج لدراسة فهاذا يعني أن لديها جرأه وتحدي في مواجهة الصعاب
لكن الأهم من ذلك هو هل هي محافظة على تعاليم الدين الأسلامي أم لا

فيه الزين وفيه الشين ,
فيه بنآت معنآ بالمعهد تحطهم فوووق الرآس وتعتبرهم مثل اخوآتك , وفيه بنآت استغفر الله مآودي اتلفظ بكلمات وانا صايم

والله هذا اول يوم لي بالمعهد الوضح حلو صراحه من جيت امريكا الحمد الله ماشفت طلاب او طالبات يشربون وللهم الحمد لكن شفت طالبات مره لا حجاب ولا شيء وفيه طالبات ماشاء الله متحجبات معنا طالبة سعودية بالمعهد متحجبة وهاااااااااااادية وخجولة حتى تستحي تشارك خخخخخخخخخخخخخخخخ نشارك عنها

الله يوفقك ويثبتك أختي

انتي فعلا والله فتاة تشرفين دينك ووطنك

وأما بالنسبه لبعض الحثاله من شباب السعوديه

الي يضايقونكم فثقي تمام الثقه أنكي ماجوره على

كل مضايقه لكي لا نكي تطبقين مامر الله به ورسوله

عليه الصلاة والسلام

وعليك بالدعاء والصبر على هولاء الحثاله

الحين يا اختي وش الفرق اذا بتزوج وحده مبتعثه ..و اني بعد الزواج اطلع شهر عسل برا ..كلها واحد

السلام عليكم
بعض البنات اللي برى تشوفها والله انك ترفع القبه لها احترام قمة الاحترام وقمة الادب والاسلوب الراقي وتطبق الشريعه الاسلاميه بحذافيرها والبعض يفتح الله
ولكن في الاول والاخير انا مع ابتعاث المرأة

ان رفعتها في الشارب وان طمنتها فاللحيه