حوار ماهي نظرة الشاب السعودي في البنت المبتعثه..؟؟

الله يوفقنا واياهم

بنت او ولد

اذا وجدت مخافة الله امام العين

فو الله لن يخرج احد منهم للعصيان والفساد خارج المملكة او داخلها ,

وجهـة نظري لـو ما فيـه غيرها ما اتزوجها ][ واذا صرت مجبور اسئل بـ اي ولاية واي مدينة واي معهد واي جامعه ومن كان معها وكم مره رجعت لـ السعودية واراجع ترجاتها كلها من راحت لين جت الخ .. ][


السبب فيها سعوديات اشوفهن احيانـآ اقول لنفس ماهي سعودية وانصدم لا عرفت انها سعودية ][ وفيه بنات محترمات ومتغطيات ولا تخلت عن دينها لما اغتربت هذا افرح اذا قالو انها سعودية ][

وبنسـبة للمبتعثين الشباب فيهم منهم اذا شفت انصدم انه سعودي

ما نضحك على نفسنا ونقول ونقول خلونا واقعيين ,!! ,. من جد ماراح تراضى تتزوج واحده مبتعثة الا بعد ما تسئل عنها كثير وكثير ][ بس لو كانت في بيتها بس تسئل عن اهلها بس ][ هذا الواقع الي اغلبكم يشوفه . بس يحب ينكر

بالنسبة لي انا ما اشوف له داعي للابتعاث

و اذا ابتزوج انشاء الله، شرطي ان بنت الحلال تترك شغلها اذا كانت تشتغل و تتفرغ لتربية العيال

لان هذا وظيفة الام الطبيعية و مستحيل اني اترك عيالي عند خادمة تربيهم

بنات الناس معروفات سواء درسوا في السعودية والا برا...اللي تربيتها سليمة راح تحافظ على نفسها بالسعودية وبرا...وشخصياً اشوف ان البنت اللي براسها خراب بتخرب بالسعودية او برا ما تفرق...
قال تعالى في سورة النور {الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ} (26)

انا اشووف من التفااهه التكلم بهذا المووضوع .....

انا الي يقهرني شي وااحد اذا جتك بنت سعودي تتحاش السعودين مدري على ايش تحسب ابووه امريكي و امها بريطانيه ............. ترا كلكم من لحمه واحدة

فيه بعض الناس يقوولون انها حرية انها ماتبي تمشي مع شباب سعودية لاكن بالمقاابل تمشي مع امريكين (عادي مافيه مشكله ).....الخ

انا مب حبن فيكم كاتب هالتعليق ولاكن لانكم تمثلوون احفااد الرسوول صلى الله عليه وسلاام

وعلى شاان كذاء لزم تصيروون قدوة يحتذاء بها مب هناك سفور و قلت حية واذا رجعوا المملكه ترجع العباايه

استغفر الله كان رب المملكه مب رب العالم كله << تعالى الله عن ذلك




ولا ابخص حق المحجبات الي اذا شفتها تفرح لانها تمثل المعنى الحقيقي للاسلااام ...........


وجه نظري يمكن تعجبكم ويمكن ماتعجبكم ^*^

وجود المحرم ضروري
(وجهة نظر )

بالنسبه لي وربي لو احصل بنت حلال ومستوره والله اتقدم لها علي طول
علي فكره 80٪ من المبتعثات بنات ناس ومستورين وفي 20٪ طايحين بحب البرزليين والامريكان والخليجيين بصفه عامه بس جد بنات الحلال كثير الله يوفقك كل مبتعثه
وبالنهايه هي انسانه وانسانه مميزه كمان نكن لها كل تقدير واحترام
الله يوفق الجميع

موضوع جميل
راح اطرح وجهة نظري وراح اعلق في الجانب السيء فقط
طبعا انا كنت في تامبا في فلوريدا في مقهى اسمه بابليون طبعا البنات السعوديات هناك سلام سلام يعني الي شفتهم بعيني تقريبا خمس وهذا وانا ماجيت الا مرتين بس
وانتقلت لجاكسن فل وشفت الطامه بعيني البنت السعوديه الي صايره قيرل فريند لواحد فنزولي لا زواج ولاهم يحزنون وماخفي كان اعظم الي اقوله اللهم يستر علينا ويجيب العواقب سليمه
وجهة نظر لازم تحترم لاحد يهاجمني ولا اهاجم احد لكن هذه الحقيقه ولا زم تقال وعلى فكره انا بديت موضوعي وقلت اني ماراح اعلق الا على الجانب السيئ بس
اتمنى الارتقاء لكافة اجيال بلدي عيال او بنات..

^^^
الله يستر علينا وعلى بنات المسلمين وشباب المسلمين ويهديهم ربي ......
ما ادري الموضوع مو مترابط ...
بس انا وزوجي رايحين والله يستر ........