حوار ماهي نظرة الشاب السعودي في البنت المبتعثه..؟؟

بصراحه فيه ردود شباب صدمتني يعني ليش ترضى على زوجتك اللي هي نصفك الثاني توقف على تعليم قاصر وعلى فكره انا من وجهة نظري اشوف ان الفراغ هو سبب الفساد للبنت او الولد وهذا اول عامل خلاني افكر اكمل دراستي فطالما اني ماانخطبت لرجل كفؤ ولا جاني تعيين ليش اجلس حاطه يدي على خدي وانا قادره اطور نفسي واساهم في رقي مجتمعي? واللي حابه اووووصله انه مو كل مبتعثه او موظفه فاسده ومو كل ربة بيت صالحه.

مستحييييييييييييييل بصراحة انصدمت بردود الشباب لاتعليققيمة الله يرزقني الشخص اللي يناسب تفكيري وطموحاتي،،

ينظر لبكرا عاد
ما طقيت لهم خبر ولا اهتميت
لان نظرتهم اصلا فيها مشكلة لان تفكيرهم معوق
طبعا اقصد بكلامي العاهات اللي هم احسن ناس و اللي شغالين في انتاج تهم معلبة للبنات
اما المحترمين فهم محترمين وين ما يروحون و هم عالعين و الراس

خلوني اخذها معاكم وحدة وحدة
علما بأنه شيء مضحك / مبكي / ومخجل في نفس الوقت ان هـ الموضوع يكون
حوار لـ مثقفين اقل واحد فيهم رح يبتعث بكالوريوس!!

اللي اتكلموا من ناحية الدين
المرافق / كل الفتاوى اجمعت على ان المرافق وقت السفر فقط وليس في بلد السكن ,, بمعنى انه مجرد ما يوفر
الشخص لـ البنت امور سكنها واوراقها ويتطمن عليها يقدر يبري ذمته قدام رب العالمين ويرجع للسعودية وهوه مو اثم
ان شاء الله
الحجاب / ليش نضحك على نفسنا الكثير يلبسونه عادة وليس عبادة هذا غير انه مسألة خلافية وهوه في النهاية حرية للمرأة نفسها
عمري ما سمعت انه بنت قاست سمعة الرجال على طول ثوبه او قصره علما بأن المسبل لثوبه لا ينظر له الله يوم القيامة !!
وياما بنات ماهم محجبات ولا معاهم محارم ما معاهم الا الله ثم تربية وثقة مالها حدود من اهلها ووربي انهم ارجل من عشرة رجال
لااااا ولا يفوتكم المبتعثة اللي فزعت لـ طالب سعودي بمبلغ من مكافأتها لانه كان بينطرد من البيت اللي هو واهله ساكنين فيه !!!



من الناحية العلمية /
النبي يقول ( من سلك طريقا يلتمس فيه علما سهل الله له به طريقا الى الجنة ) لاحظوا انه ما حدد رجال او امرأة
ومن احنا صغار واحنا نسمع اطلبوا العلم ولو في الصين ,, ومو بس في التخصصات الصعبة يا ناس احنا حتى قسم الدراسات الاسلامية عندنا
ما ندرس فيه الا المذهب السني يعني ما تعرف شيء عن المذاهب الثانية اصلا ما نعرف شيء عن الارااء المختلفة لعلماء اهل السنة
فما بالكم ببقية التخصصات ؟ احناا ما عندنا تعليم احنا عندنا كلام فاضي وبس


الناحية الاجتماعية /
الرجال عندنا يطلع برى السعودية سياحة او صياعة ما تفرق ويرجع وهو يتبجح بـ هالشيء ونصفق له عاااااااااااااااادي
شبابنا ( البعض منهم ) ابتعاثهم يكون على البارات والنايت كلوبز ويرجع ويورينا الصور ونقول فلها وعاش حياته
البنت اللي تطلع من السعودية بـ نتيجة لا تقل عن 90% ( الحمدالله اغلب بناتنا كذا ) وتمشي يا حيطة داريني نقول لا لازم
نسأل عنها وعن اصلها وعن فصلها ,,,,, الخ !!!
ما اقول الا يا امة ضحكت من جهلها الامم !!


الناحية الزوجية /
خلونا نفترض ان الشاب اتزوج وحدة غير مبتعثة ما رح يضطر انه يتركها لوحدها ؟!
سافر مع اصحابه ,, راح لاهله محتاجينه ,, العمل يبغى يعطيه دوره في مجال عمله ,,, اي سبب في الحياة
انت تبغى وحدة تضمن انها تحافظ على سمعتك في وجودك وفي غيابك صح ولا لا ؟!
اذا البنت وهي مبتعثة قدرت تحافظ على هـ الشي وهي عندها الفرصة انها تسوي اللي تبغاه بدون ما احد يحاسبها
ما تتوقع انها تتحمل مسؤلية والناس كلهم ممكن يحاسبوها ؟!
ثم انه من رح يربي عيالك ويعلمهم مو الحرمة ؟!
المشكلة ان فيه شباب عندهم ازمة ثقة بـ النفس يبغى وحدة جاهله عشان ما تشوف عيوبه !!!



اعرف اني طولت
لكن كلمة اخيرة اوجهها للي قال المرأة ناقصة عقل بدليل انه فيه رجال يربيها ابوها بعدين اخوها بعدين زوجها بعدين ولدها
سؤال اوجهه لك : هل انت اهل لانك تربي امك ؟! تخسي وتعقب وتهبى
الا حرام فيك الحليب اللي رضعته منها والليالي اللي سهرتها عشان تهتم فيك !!!!
النوع هذا من الرجال التراب اللي امه تمشي عليه اشرف واكرم من هـ التفكير المنحط
وتذكر ان الانسان الطيب يحسن الظن بالناس كلهم
والانسان الخبيث وصاحب السوابق يشك حتى في ظله



همسة : المرأة التي تحتاج لـ نظرة ايجابية من الرجل حتى تتخذ قرار ليست اهل لـ مقام ( الانسانية ) بالدرجة الاولى

لا يوجد هناك نظرة عامه ولكن هناك نظرة تخص كل مبتعثة على حدة والحق والواقع يقول ان الكثير من المبتعثات شرفوا اهلهم وبلدهم

الصراحه مادري وش اقووول

لكن واحد يقول لي مستحيل ارتبط بمبتعــثه خرجت خارج البلاد وخالطت الرجال

قلت ليه طيب وش السبب الي يخلييك تصرف النظر عنها قال انا مااضمن

انه يجي احد بعدين يكوون متعرف عليها ويدقها فيني

ويقووول ايه فلانه كنت اعرفها (( زميلتي كنت اجلس انا وياها بجنب بعض))


صرراحه والله ماعرفت ارد عليه


لكن افضل شي تتزوج وتروح بعثـه

موضوع جميل ولكن
في احد الردود اباح احد الاخوه او افتاء في مسئله دينيه ان الرجل اذا وفر لبنته مستلزماتها يقدر يعود الى بلده ويتركها ...ًَََ!!!!! وهذا خطاء والبنت كائن بشري له احساس ومشاعر .... والشيطان موجود لم يمت وانا بكلامي لا ادخل في نواي الناس وبالعكس انا مع البنات في الابتعاث ولكن مع محرم لو كان المرافق يذهب الى دياره ويترك المبتعثه هذا والله بالنسبه لي انا اجرم بحقها ....

في اسوى الاحول مرضه صار لها شئ لا قدر الله من يكون معها .؟
والرجل الغيور على دينه وعرضه لا يترك مخارمه ويعدود


في مساله هل تتزوج مبتعثه ام لا
انا من وجهة نظري البنت الملتزمه اين ما كانت اقبل بالزواج منها وراسي مرفوع

والله ضحكت شوي قال هل يثق فيها كزوجه له !!! ليش هي طالعه وش تسوي مثلا؟؟؟
انا من وجه نظري يتعدل الموضوع بس هالمرة هل البنت ممكن تثق فيه لان ربعنا جايبين ابو العيد
الله يستر على الجميع ومااعمم طبعا

اولاً : آيات تدل على اهمية العلم ...
قوله عز وجل: ﴿شهد الله أنه لا إله إلا هو والملائكة وأولو العلم قائما بالقسط﴾
قال تعالى :﴿يرفع الله الذين آمنوا منكم والذين أوتوا العلم درجات﴾
وقال عز وجل: ﴿قل هل يستوي الذين يعلمون والذين لا يعلمون﴾
وقال تعالى: ﴿إنما يخشى الله من عباده العلماء﴾
وقال تعالى: ﴿قل كفى بالله شهيدا بيني وبينكم ومن عنده علم الكتاب﴾
وقال تعالى: ﴿قال الذي عنده علم من الكتاب أنا آتيك به﴾
وقال عز وجل: ﴿وقال الذين أوتوا العلم ويلكم ثواب الله خير لمن آمن وعمل صالحا﴾
وقال تعالى: ﴿وتلك الأمثال نضربها للناس وما يعقلها إلا العالمون﴾
وقال تعالى: ﴿ولو ردوه إلى الرسول وإلى أولي الأمر منهم لعلمه الذين يستنبطونه منهم﴾
قوله تعالى: ﴿ يا بني آدم قد أنزلنا عليكم لباسا يواري سوءاتكم﴾
وقال عز وجل: ﴿ولقد جئناهم بكتاب فصلناه على علم﴾
وقال تعالى: ﴿فلنقصن عليهم بعلم﴾
وقال عز وجل: ﴿بل هو آيات بينات في صدور الذين أوتوا العلم﴾
وقال تعالى: ﴿خلق الإنسان¤ علمه البيان﴾