We are fasting!!!!! نحن صائمون!!

ممتاز نسبه كبيره فيكم فاهمه هذا الشيء ......

أحس الدراسه العكس يعني تدرسون رمضان برا ؟!

ترا ماتفرق زمان كنا ندرس في رمضان وين المتعب ؟!

أهنيك على هالكلام فلتنفضوا غبار الكسل ههههههه

اشكرك ع موضوعك الهادف واكيد انتم يا مبتعثين سفراء لبلدكم وان شالله تاجرون في كل شي تعملو من اجل الدين الحنيف والله معاكم يارب

الله يجزك خير
والله إنك صادق أختي
الله يهديهم يارب وان شالله تاجرون في كل شي تعملو من اجل الدين الحنيف والله معاكم يارب

كلامك يحز بالخاطر..
بس اللي مستغربه منه عندي في الكلاس كانوا الشباب <<لاني الوحيده بنت في الكلاس
المهم كنت اول وحده اجي دائما كانوا يتأخروا احيانا بس من دخل رمضان
صاروا ماشاءالله يحضروا قبل الكلاس بربع ساعه حتى المدرسات مستغربين يقولوا
هذا عشانكم صايمين شئ مرره حلو ويقولا ماشاءالله عندكم طاقه وانتوا مو ماكلين لو احنا
مكانكم كان تعبانين من جد شئ افرحني ((وهذا كله من رب العالمين ))الحمدلله والشكر يارب..

ممكن نلتمس لهم العذر كون البعض من الطلاب فيهم السكري او امراض اخرى ..
ولا يستطيع ان يتحمل .. وان اشوف ان الوضع متعب جدأ في رمضان العام الماضي حينما كنت ادرس حيث ان بعض الولايات فيها حرارة شديدة
ولكن احب ان انوه ان بعض من الجامعات ( مفضوح امر الطالب السعودي) فـ مهما حولنا التلميع لانستطيع ..
في الأورينتيشن اذكر تحدث ممثل الطلاب الدوليين برسالة وخص فيها السعوديين فقط . قال اغلب المشاكل بالجامعه من السعوديين وذكر امثلة كثيرة
يتحدث عن تجربتة من 2006 الى 2011 وبالأمثلة .. يعني مهما حاولت تكون مجتهد وتبغى تلمع الصورة فية فوج جاي قبلك ومخربها !!!

اشكر الاخت الكريمة على طرح هذا الموضوع
هذا الشهر الفضيل استغرب من بعض الطلاب الذين لا يصمونه بحجج واهمية
كواحد يقول شيخ اجزاله الافطار فيه
والاخر يقول ماينفع الصيام في المجتمع الامريكي
فهل ياخوان و ياخوات هذا كلام معقول ؟؟
ونحن اناس مولودين على فطرة الاسلام وجايين من بلد مهبط الوحي
فين عزيمتنا و قوة ديانتا ولا الدين بس في السعودية وفي الخارج مافي دين والعياذ بالله
احنا لازم نفتخر اننا مميزيين امام الناس في هذا المجتمع الامريكي كوننا صائمين
والناس من امامينا فاطرين و نستشعر مدى علاقتنا برب العالمين
ونكون خير خلف للسلف الصالح اللي كانوا يجاهدوا في سبيل الله وهم صائمون

شكراً لكل من قراء وأضاف رأيه..

أسعدتني جداً إيجابيتكم .. بارك الله فيكم..

ما شاء الله تبارك الله.. والنعم فيهم والله. الله يبارك في اللي تفكيره وهمه كذا..

وشكراً أختي على الأخبار الحلوة..

كلامك واقعي 100%

وهذا مايحدث في معهدي النوم الكسل والارهاق

لاكن بصراحه انا ارى التعب في وجوههم وانا اعذرهم

لاكن لا تصل لدرجة الاهمال وعدم كتابت الواجبات المنزليه

بنسبه لي انا اشعر بالعتب والارهاق لان معهدي بعيد عن مسكني ولا يبين علي التعب ولم اهمل واجباتي المنزليه !! هل هذا سهل علي وصعب على غيري ؟؟؟

ع العموم نتمنى من جميع اخوننا واخواتنا تغير نظرت الامريكان بخصوص الصوم ورمضان وتوضيحه بطريقته السليمه اللذي هو الدعاء وقرائة القران الكريم وغيرها

بالتوفيق للجميع

السلام عليكم ..

ما اقول الا الله هديهم يارب..والله شي يحزن القلب اوصلو فكره سيئه عن الشهر الفضيل ..وماعلمو ان رمضان هو شهر انجازات المسلمين ..وليس شهر التعب والكسل والاسترخاء...فتح مكه ...والقادسيه ..وعين جالوت ...وفتح الجزائر...وفتح مصر..والكثير الكثير من الانتصارت كلها حدثت في رمضان ..كانو يجاهدون رغم الحر الشديد والمسافات الشاسعه وهم صائمون ...والان في المكيف ونايم فيه بيته وما عندهم الا هالدوام...وصار حجة التكاسل...انهم صائمون...

يارب اهديهم ياااارب...واصلحهم واصلح بهم ...واجعلهم يمثلون السلام كماينبغي ان يكون ....اللهم امين

بارك الله فيك اختي وكثر من امثالك ممن يحملون هم الدين ..