اضافة المرافقين (( حبة حبة ياعلالالام ))

من عندهو خبرتن في ذلكا الشي الي يسمونه اضافة مرافقينوه

انا اضفت مرافقي زوجي وقريت هنا بالمنتدى
الاولاد ما اضيفهم لما اوصل الملحقيه اسجلهم فقط
الله يستر لا يكون لازم اضيف الاولاد كمرافين

يعني لو عندي ثلاث اولاد وبنت مثلا اضيف اول اثنين في فترة اللغه والاثنين الباقين في اول سمستر جامعي ؟
بالله عليكم من جد هالكلام اللي تقولون ,كل ما يقبلون واحد اضيف الثاني ؟ وكل واحد ياخذ له اسبوع عشر ايام ؟

تفتيش مطار هذا مو اضافة مرافقين شدعوه
تخيل الموظف اللي على البوابه الالكترونيه يهاوش المرافقين عشانهم جايين ورى بعض ( واحد واحد انت واياه لا تسوي زحمه عالبوابه )

حكم ضميرك ... قبل ما تحكم عليا

الله المستعان حنا بدون ملحقية احسن
لا احد يرد ولا احد يسال ولا احد
موظفين متبطحين حسبنا الله ونعم الوكيل
انا لي ثلاثين يوم وعيالي بدون تأمين لولا الله ثم مركز العناية بالاسرة كشفو على عيالي وطعموهم جزاهم الله خير ( ااااخ لو تدري يبو متعب ان عيالك كنهم صوماليين بسبب هالملحقية )

باركو لي اضفت ام العوال
وضميت واحد من الورعان
باقي اثنين ادعوا لنا ياشاب مع نهاية سبتمبر نكون ضميناههم (الي سوا النظام يحسب ان السعوديين اما عزاب او عقيمين او طفل واحد)
اما التامين الصحي طبعا توه ماوصلنا
على ايش مستعجلين ماورانا شي
نعنبو جدهم ياهم صار كابوس هالملحقية

ليكي الف مبروك
الله ييسر امرك
ويرد كيد كل ظالم بنحره

أنا كل ما عبيت البيانات ورفعت الاوراق المطلوبة وضغطت على زر تسليم تجيني هذي الرسالة "حدث قطع في النظام"
وش الحل ياجماعة الخير ...
مع اني راسلت الدعم الفني قال راسل المشرف راسلت المشرف قال دق على القسم المالي بالملحقية دقيت على المالية ما يردون وش الحل ؟

ههههههههه من جد توني اجرب الحركه الغبيه حق اضافه المرافق
لي اسبوعين ومابعد ضفت الاول باقي اثنين يعني علي ماخلص يبيلي ٦ شهور
والتأمين الطبي ٦ شهور ثانيه
الله يعين