الأعضاء الإشتراك و التسجيل

الملتقيات
ADs

بليز مساعدة :)

بليز مساعدة :)


NOTICE

تنبيه: هذا الموضوع قديم. تم طرحه قبل 3711 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية **aseel**
    **aseel**

    مبتعث جديد New Member

    **aseel** غير معرف

    **aseel** , تخصصى طالب , بجامعة الملك سعود
    • الملك سعود
    • طالب
    • غير معرف
    • الرياض, لا يوجد
    • غير معرف
    • Oct 2007
    المزيدl

    October 20th, 2007, 02:44 AM

    السلام عليكم ...
    أنا طالبه في جامعة الملك سعود قسم حاسب الي سنه ثاني ... وودي اقدم على بعثة فـ ودي برايكم ؟!!اقدر اقدم على بعثة الأن او لازم اكون فريش توني متخرجة من الثانوي ؟!! او انتظر الى ان اتخرج لاني ناويه باذن الله ماجستير برا لكن محتارة بالبكالورييس انا مايهمني هنا اصعب ولا هناك انا اهم شي ابي اطلع من القسم وانا فاهمة عشان يساعدني ها الشي في الماجستير ؟!!
    ومرررة شكرا للمساعدة
  2. هلا اختي اسيل

    انصحك تقدمين على البعثات

    لأن الدراسة في امريكا افضل بكثير من قرف جامعة الملك سعود

    وبالنسبة للسنتين اللي درستيها جبي معك كشف درجاتك وممكن يطيحون عنك بعض المواد

    وبالتوفيق لك اختي

    اخوك
    7 "
  3. اخـتـي ** aseel ** !!!

    أنـا أخــالف رأي أخـي " مـغـتـرب فـي Oklahoma " , لأنــك يا أخـتـي قـد أكـمـلـتـي سـنتين في الجامعة , وحرام والله تضيع عليك وتبدأين دراسـتـك مـن جـديـد , ومـسـألة مـعـادلة الـساعات فهي شوي صعبة يا اخوك وانا هنا اتكلم عن النظام فـي أمـريـكا ,,

    لكـنك بـأحـط نـفـسـي فـي مـكـانـك وأقــول عندي حـل مـن إثـنـيـن :-

    1 / أبـدأ اراسل الجامعات واشوف اذا كانوا راح يقبلون الساعات ويعادلونها لي بمواد عندهم , فإذا قـبـلوا مـني 70 % مـن الـسـاعات , توكلت على الله وقدمت على الـبـعـثات بلا ادنى تردد ,, ولـكـن إن لم يـقـبلوا مني فـلـن اجافـز بـمسـتـقـبـلي أبــدا , فإننا فـي عـصـر تـمر علينا أيام نندم فيها على ساعات ضاعــت مـنـا , فـما بـالك بـسـنـتــين ؟!؟!؟!

    2 / أكـمـل دراسـتـي واخلص البكالوريوس واجيب معدل فوق 3.75 واقدم على مرحلة الماجستير في البعثات . .


    وإبــراء لـلـذمـة , وبـما إن البعثات الجديدة راح تكون على السنة الجاية - على ما عهد عليه -, وهذا يعني انه راح يكون لك 3 سـنـوات دارسة في جامعة الملك سـعـود , فأنا اشوف انك يا أسـيـل تستخيرين رب العالمين وتكملين دراستك في قسم الحاسب ,, وبإذن الله لو شديتي حيلك وتخرجتي بمعدل فوق 3.75 فإنتي وخريجة نفس القسم من جامعة امريكية راح تكونوا على نفس المستوى من التعليم والفهم , وهذا الكلام انا اتحمل مسؤوليته .


    وبالـتــوفــيـــق أخــتـــي @@@@@@@@@@@
    7 "
  4. الووووووووو وينكم ؟!!
    بحثت عن طريقة التسجيل لكن صار المطلوب اني ارسل شهادتي للجامعه بالانجليزي ومين اجيب شهادة بالأنجليزي ؟!! ونفس الشي بالنسبه لشهادة الجامعة ؟!! وش رايكم بهارفرد ولا ماستوتوتش >>>ما اعرف اكتبه بالعربي
    تتوقعون يقبلوني ولا لازم مواصفات خاصة
    7 "
  5. أخـتـي ** aseel ** !!!

    بالـنـسـبـة لـلـشـهادة الإنـجـلـيـزيـة , فإنـتـي تـتـرجـمـينـها مـع الـسـجل حـق الـسنـتـين اللي درسـتـيـها في الجـامـعـة عـنـد مـكـتب تـرجـمة , فـشـهادة الـثـانـوية الـعامـة تـصدقينها من الـرئـاسـة , وسـجل الـجامـعـة تـصدقيـنه من عـمادة الـقبول والتسجل في الـجـامـعـة . .

    أمـا مـسـألة جـامـعـة هـارفـارد , فأنا أشـوف مسـألة الـتقديم عـلـيهم ما هي الا مضيعة وقـت , لأن القـبول فيـها شـبـه مـسـتـحيل وانا حـاولت فيها الين عـجـزت وكنت اضيـع وقـت لان متطلباتهم من جـد تـعجيزية ,,, وماساشوستيس هذي ولايــة الله يـحـفـظك مش جامعة ؟؟؟ فإنتي بما إنـك طـالبـة بـكالوريس فصدقيني جامعة نيو مكسيكو زي هارفارد , لأن شهادة وبرامج البكالورويس في جميع جامعات أمـريـكا مـتـشابهة الى حــد كـبـير , فإنتي دوري على جامعة طيبة وحليلة وبتلاقين جامعات كثير مستواها ممتاز وتقبلك .

    أمـا قـضـية الـجـواز الأمـريـكي , فـهـو قـطعـا يـفـيـدك , ومن أهـم فـوائـده أنـه يـعـفـيك مـن الـفـيـزا وغـثـاها , لكن هل له مميزات في القبول ؟ ما ادري صراحة , لكن يقال انه حامل الجواز الأمـريـكـي يتساهلوا معاه في قضية إخـتـبار الـ TOEFL بس هـم بـعد ماني متأكـد , وللجواز الأمـريـكـي فـوائـد أخـرى لكن ماهي بـحـوزتي , لأني ما أحـملــه .


    وبالـتــوفــيــق أخــتـــي @@@@@@@@@@@
    7 "
  6. أخـتـي ** aseel ** !!!

    يـا أخــوك جـدا حــلـو تـفـكـيـرك في الإلـتـحـاق بجامعات عـمـلاقـة مـثل CALTECH - MIT - وهذي طبعا على مستوى امريكا والعالم ما فيها كلام MIT الاولى على العالم في الهندسة والاليكترونيات ,, و CALTECH جدا جدا قوية وجباااارة وسمعتها في العلالي .. .. لكن يا بنت الحلال الـجامعات هذي اللي في الـ Top 20 قبولاتها صــعــبة ومتطلباتهم معقدة وما يعطون " Conditional Admission " قـبول مشـروط يعني ما في تدرسين عندهم لغة وبعدين تدخلين لازم تكون مستوفية كل متطلباتهم وقت التقديم والا رفض طلبك وراحت عليك فلوس التقديم .. .. وطلباتهم عادة هي :-

    TOEFL score between 550 - 600
    SAT score and SAT II score " إخـتـبار خـاص بالطلبة الأمريكين , لكن بعض الجامعات القوية تطلبه للطلاب الاجانـب , وقطعا انتي ما أديته لانه نادرا ما يقام في المملكة .
    GPA in High School 3 out of 4
    There is an personal interview

    يــعــنــي شــغــلة , وبـعـدين فـي جامعات مثل Massachusetts Instsitue of Technology اذا بتقدمي عليهم للدراسة لازم تقدمي لهم قبل سنة من بداية الدراسة , يعني مثلا تبين تدرسين السنة الجاية 2008 ما يمديك لان الـ Deadline انتهى حق التقديم انتهى , ويبغالي تقدمي السنة الجاية 2008 على السنة اللي بعدها 2009 , فيعني شـغـلة معقدة ومتعبة ..

    وأنــا تـخـصـصـي كان Computer Engineering وكنت اقدم على الجامعات الكبيرة هذي , لكن ماااش ,, جلست أضـيع وقـتـي على الـفـاضـي , والا في 3000 جـامـعة غيرها ومستوياتها والله متقاربة جدا جدر مثل ما قلتلك .. فإنتي الحين اذا كان طـمـوحـك تدخلين الجامعات العملاقة هـذي , قـقدامك طـريـقـين :-

    1 / تـكـوني جـاهـزة الـحـيـن ومـستوفية الـشروط اعلاه وتقدمين عليهم راح يراجعوا طلبك ويردوا عليك خلال 4 - 8 اسـابيـع .

    2 / تـقدمين على جـامـعـة حليوة جيدة , وتدرسين فيها لمـدة سـنـة ومن ثـم تـحـولـين على احدى هالجامعات الكبيرة , والعادة الـ Transfer Students Admission اسـهل من الـ Freshmen Students Admission ,, وهـذي الـطـريـقـة أنا افـضـلـها . . .

    ومـثـل ما يـقـولون شـورك مـن راســك يا أخـتـي , والله يـخـتار لك اللي فـيه الـخـير



    وبالـتــوفــيـــق أخــتــي @@@@@@@@@@@
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.