انا في ورطه والملحقيه لا حس ولاخبر ومفلس..

اسئل الله الكريم رب العرش العظيم ان يسهل لك امورك

اخ عبدالعزيز اولا نسأل الله ان يفرج كربتك في هالشهر الكريم

ثانيا تاكد من ان جميع معلوماتك تكون صحيحة عشان يبدا الصرف يعني انا اول ماوصلت جلست شهر ومانزل لي راتب وجلس اتصل ومالقيت اجابه اخر شي طلعت انا غلطان بمعلومات البنك صار المفروض اني ارسل الشيك الملغي على نفس الورقة الي استلمتها من الملحقية مع تعبئة جميع البيانات بالرغم اني ارسلت صورة للشيك الملغي فقط بدون ارفاق الورقة المطلوبة ونزل راتبي خلال يومين.
اتمنى اني افدتك وان شاء الله تتسهل امورك

والليل ياجماعه انا مقدم على برنامج المرحلة السابعه بس وربي بعد الكلام الي شفته اني اترعبت بصراحة فكرت اني الغي البعثة هذا فلم رعب مو دراسة اشوف العالم تصيح ياليت توضحو الله يخليكم قبل ما اتخيط

والله لو انت بكاليفورنيا اني ما اخليك وتبشر بعزك سكن وفطور وسحور واللي تامر فيه
ومالنا فضل وانا اخوك الفضل لله وحده
الله ييسر امرك
ادخل على منتدى ولاية اريزونا واكتب لهم موضوع والشباب ما يقصرون
ما اتوقع فيه مبتعث ما مر بمرحله الحوسه هذي والصعوبه وانا اخوك في اول الايام وبعدها تتيسر
واذا خربت الامور معاك مره ارسل لي رساله على البريد الخاص برقم حسابك واللي نقدر عليه بحول الله ( ومالنا فضل بس تستلم مكافأتك ترجعها )
عسى ربي يعينك

والله ياخوك انا كنت نفس وضعك وذوقوني الويل وبالاخير رحت الملحقية وانحل موضوع الضمان وفتح الملف
ورجعت مدينتي والحين اطر منهم الراتب مو راضين ينزلوه .. ونفس الشي وربي منحرج اطلب من الاهل وحاليا شبه مفلس
مابقى اميل الا وارسلت الشيك وارسلت بالفاكس ومافيه اي نتيجة
وحاطين لي مشرف مو موجود له اي اميل او رقم بموقع الملحقية
الله يكون في عونك ويارب يسهلها عليك وعلينا كلنا

اسمع مني كويس اخوي الكريم : وركززززززز
انا رحت ولاية أوريغون مع زوجتي وصار لنا نفس اللي صار لك تماماااااااااااااا
والملحقية سحبت علينا سيفون كالعادة .. الله لا يوريك الفنادق اللي دفعنالها كل يوم ثمانين دولار .... المهم لا اطول عليك ... الحــــــــل
اتصلنا على السفارة السعودية في لوس انجلوس واشتكينا على الملحقية .... تصــــــــور .... في نفس اليوم جانا الرد من المحلقية + رقم التسجيل + المشرف ... يعني انحل امرنا في نفس الوقت.... لأني الملحقية صراحة نايمين ودائما ساحبين علينا سيفون ولا يردون ولا يعملو شي ...
أيش قلنا للسفارة السعودية ؟
التالي:
نحن جينا من السعودية وما عندنا فلوس وساكنين في موتيل والفلوس خلصت والملحقية لا تحرك ساكنا ؟ وغدا سوف ننام بالشاااارع لو ما في خبر .. واذا ما تقدرو تسوو لنا شي رجعونا للسعودية احسن من التشرد اللي نحن فيه في امريكا ؟

والله السفارة ما قصرت وخلال ساعات جانا ايميل من الملحقية بفتح ملف وضمان مالي وكل شي ... يعني الشغلة يبغالها حزم شوي لأني اقسم بالله شوي وكنا راح ننام بالشارع انا وزوجتي لأني مافي شقة كانت راضية تأجر لنا بسبب ماعندنا ضمان مالي ؟؟؟ والفلوس قربت تخلص ....

عموما لو في اي احد نازل في ولاية اوريغون بس يتصل علي وانا اجيب له سكن من عيوني .....

الله يفرجها عليك يااررب ويكون بعونك تتسهل ان شالله

بيض الله وجهك يوم تسود وجوه عزالله ان خير ابن اخيار

يعني انا بتمرمممط اول مابجي امريكا

الله لا يوفقهم لادنيا ولا آخرة
تخيل كل يوم من يوم يبدا دوامهم الساعة 11 الى الساعة اربعة وانا ماسكهم رقم رقم اتصل محد يرد من الملحق الغبي الى اصغر موظف .. غير الايميلات الي تتنوع مابين الاسلوب الطيب الى التهديد احيانا لكن ما فيه أمل
هذولا يعتبرون الطلاب ناس مايستحقون التعليم وانهم عبء عليهم والمفروض اننا ماجينا من السعودية عشان كذا يعاملونا .. اتحدا لو واحد فيهم تأخر راتبه يوم واحد .. قسم بالله ان يقوم الدنيا
وحنا رواتبنا موقفة بالاسابيع ولا حس ولا خبر
تواصل مع السفارة نفسها وقدم شكوى على الحقير العيسى وقله انا وضعي مايستحمل ولو مافتحتوا لي ملف ونزل راتبي اطلب منكم ترجعوني لبلدي معزز ومكرم
الله ييسر امرك ويقيض لنا من يشد بيد من حديد على اشباه الرجال بالملحقية