الحمد لله وصلت أمريكا...

السلام عليكم وصباح الخير للجميع

الحمد لله اولا واخيرا وله الحمد والشكر على كل نعمه التي انعم بها علينا

وصلت واشنطن امس الجمعه 19 ع الخطوط البريطانيه وكانت بكل حق خطوط ممتازة جدا.... فيهم تنظيم ودقه احترافيه وكمان يركزون ع السلامه بكل امانه واخلاص وكمان متشددين في هذي الناحيه

مطار لندن هيثروا كان ممتاز والحمد لله تسهلت امور التفتيش فيه بس بصراحه تشددوا معنا من ناحية اكل الرضيع واغراضه

انا لاحظت انهم مسوين التشدد هذا ع كل اللي معهم اطفال رضع... يفتشون اغراضهم واحد واحد وكمان شنطة الرضيع يفتشونها ويمررون عليها جهاز صغير عشان يتأكدون انها سليمه ولافيها اي شيء ممكن يضر بالجو
وفوق هذا كمان يخلون الام اللي معاها رضاعه فيها حليب للطفل انها ترضع الطفل قدامهم عشان يتأكدون ان الحليب سليم ولا هو مسمم او ملوث... المهم كنا في محطة A واستقلينا القطار عشان نروح للمحطة C لان الرحله فيها
المهم التنظيم بصراحه خرافي وروعه... والله الواحد يتحسر ان التنظيم هذا مو عندنا في بلاد الحرمين

المهم الطياره كانت فل ع الاخر والسعوديين تقريبا قليل مره مقارنه بالاجانب. وصلنا مطار دالاس بعد تقريبا 7 ساعات طيار والوقت كان 8 ونصف مساءا

نزلنا ووصلنا صالة التفتيش ( اللي الاغلبيه خايفين منها عشان الاجراءات )
والله الموظفين كلهم كانوا طيبيين وعسل وقمة في الادب والتعامل الراقي.... بس اللي تعبنا في الصالة هو كثرة الصينيين اللي وصلوا تقريبا معانا في نفس الوقت.. طبعا الصاله في مسارين واحد للامريكان فقط وكانوا جدا قليل والثاني لغير الامريكان. المهم صفينا سرى ورى الصينيين وانتظرنا دورنا........... نصيحه العائله اللي معاها اطفال رضع يحاولوا يدبرون نفسهم عشان لا يتعبون من شيلة الاطفال لانه في الطابور لافيه كراسي للجلوس ولا شيء
يعني يحالوا يجيبون معاهم عربية اطفال. انا حاولت بس ما قدرت وهذا الشيء اللي تعبنا بصراحه... ونصيحه ثانيه... الامهات يحاولوا يسووا رضعات لاطفالهم من بدري لانه ممنوع تدخل موية داخل الطائره يعني خلوا الرضعات جاهزة او اطلبوا من المضيفين اللي في الطياره وهم ما راح يقصرون باذن الله

المهم وصلنا للتفتيش وسلمنا اوراقنا اللي هي ( الجوازات والاي تونتي وخطاب القبول ونموذج الافصاح ونموذج الجمارك اللي عبيناهم في الطياره.. اللي يغلط ممكن ياخذ نموذج ثاني في صالة التفتيش لانهم حاطين طاولة عليها النماذج بكل اللغات ومنها العربيه.... وكمان اللوحات الترحيبية فيها عبارات ترحيب بالعربي عشان يرتاح الشخص

المهم شيك الموظف ع الاوراق ولا سألنا اية سؤال بس شاف الولد عشان يطابق الصورة وخلانا انا والمدام نبصم باليمين بس اربعة اصابع وبعدين سألني اذا تبي حرمة تتأكد من وجة المدام عشان يطابقونها بصورة الجواز والتأشيره والحمد لله خلصنا الاجراءات وتسهلت الامور ولا عقد معانا ولا شيء بالعكس كان محترم وجلس يرحب فينا
( ترى السعوديات اللي معاهم عبايات ومتغطين لا يخافون ابدا انا زوجتي كانت لابسه عبايه ومتغطيه ولا قالوا لها اي شيء ابدا بس الصينيين كل شوي عيونهم علينا
اخذنا عفشنا ورحنا عشان نخرج من الصاله وسألونا معانا أكل او لا وقلت انا ايوه.. قالوا طيب روح للكاونتر A عشان التفتيش ( انا قلت في نفسي الحين بيقلب الشنط كلها فوق تحت )
المهم بكل صراحه الموظف كان قمة في التعامل, سألني ايش معك وقلت اكل للرضيع من حليب وخلافه ومعلبات صغيره.. اول مره سالني اقدر اتكلم انجليزي او لا وقلت ايوة
المهم سألني اذا كان معي لحم او دجاج او فواكه او خضروات وقلت لا بس معلبات صغيرة . وسالني ايش هي وقلت تونا وقلي اوكيه
بس خلاني احط الشنطة اللي كانت معي في الطياره وشنطة المدام وشنطة الرضيعه وباقي الشنط اللي فيها كل شيء ما جاب سيرتها ابدا
حطيت الشنط ع السير وبعدين اخذتها مره ثانيه ولا حتى فتحها نهائيا وفي الاخير قلي اوكيه كل شيء ممتاز ورمضان مبارك وكريم
اللاب توب تبعي ما سألوا عنه او حتى فتحوا شنطته وخرجنا من الصاله ... طبعا الاجراءات هذي ما اخذت عشر دقايق بس اللي اخرنا الصينيين بس
لقينا مندوب الملحقيه عند ستار بكس واخذنا ع فندق الشيراتون.. طبعا اللي حاجز فندق يقدر يروح بدون ما ينتظر المصري.... حتى الروحه للملحقيه ما عاد لها داعي ابدا لانه كل شيء صار عن طريق النت يعني يا شباب لا احد يجلس في واشنطن اكثر من يوم عشان لا تخسرون مصاريف مالها داعي ابدا
هذا اللي صار معانا واتمنى للجميع الوصول بالسلامه ان شاء الله

طبعا انا عبيت نموذج وصول مبتعث عشان يجي المندوب وهذا كله بس عشان الفندق... المهم الفندق اعطانا ورقة ان جميع اللحوم عندهم حلال في مطعم موجود بالدور الثاني
النت عندهم بلفوس للي يبي يفتحه من غرفته او فيه اجهزة في بهو الفندق وقيمة النت تقريبا 13 دولار لمدة يوم كامل يعني يا اخوان ماعندهم شيء ببلاش ابدا
ولا احد يستغرب اذا لقى الاسعار غاليه.. انا اخذت 2 مويه وعصير ديو ب 9 دولار يعني القارورة الوحده ب 3 دولار
الفندق نظيف طبعا ولا عليه كلام
هذا اللي عندي وفي امان الله

الحمد لله على سلامتك وان شاء الله ان امورك تتيسر


لكن اخوي انت ليش رحت واشنطن دام الاجراءات تقدر تخلصها عن طريق النت <<<< ملقوووف

كفيت ووفيت والله يسهل امورك ويوفقك بدراستك وترجع لاهل مرفوع الراس

وعليكم السلام ورحمة الله وبركاته ,, وصباحك فل وورد

كفيت ووفيت صراحةً بمعلوماتك اللي كتبتها
عندي سؤالين :
الأول إذا كان معاك لاب , خلوك تمشيه بالجهاز مع الشنط ولا لا ؟؟! لأنه الكل يظن إنه التفتيش يقصدون تفتيش شنطة اللاب , وبالحقيقه إنه بمجرد وضعه على سير التفتيش يعمل له سكان لمعرفة حالة الجهاز
عندي واحد أول أوصل أمريكا يا إنه راح يعشيني بماك يا انا اعشيه >> مجنووون ماك هع لأنه يقول ما يخلونك تحط اللاب على السير هو راح أمريكا طبعاً وأنا أقول لا يخلونك تحطونه لازم ,, فعلمنا بالله عشان نحسب حسابنا هع

الثاني , ولد عمي في مدينتي وموصيني على هيل وبن وكذا شغله , لو إنت أخذت معاك فكيف سويت فيها ؟؟! لأنه دورت على هيل وبن مطابق للمواصفات لقيت الهيل الأمريكي مطابق لأنه جاي من هناك بالاستكر وكل شيء أما البن لا + التمر يسمحون لك فيه لو عليه تاريخ انتهاء وانتاج بالانجليزي لو أخذت معاك أخوي

رحلتي يوم الأربعاء وأخوياي كل واحد يقول جيب وجيب , ليتني ما عملته إنه يحق لي آخذ 97 كيلو على الخطوط السعوديه كان انفكيت من عزبتهم هذي وامتحانهم << جرد فيهم

ومووفيق اخوي ...,

بالنسبة ليش رحت واشنطن انا حجزت من اول ع اساس ان النظام القديم هو اللي كان ماشي بالملحقيه يعني يستقبلون الطلاب
ونقول ان شاء الله يجي الضمان المالي قريب عشان الدراسه باقي لها اقل من اسبوع


بالنسبه لتفتيش اللاب توب، نهائيا ما حطوه ع السير بالعكس الجهاز كان معي ولا احد سأل عنه ابدا
يعني الله يعينك تعشي خويك في الماك

الف الحمدلله ع السلامة اخي احمد

اخي انا رحلتي الخميس القادم ان شاء الله تعالى

و بجلس بواشنطن عشان الملحقية

ايش رايك اجلس واخلص هناك واتيسر ع ولاية اوهايو

او اروح ع اوهايو ع طول يعني اغير الحجز

والف الحمد لله ع السلامة مرة ثانية

ســـــــــؤال مهم ،،، تدرون للحـــين ما وقعت على الاي توني

هل لازم اوقع عـليه والا لا يا جماعة الرحلة بعد ثلاث أيام

أنتم وقعتوا ؟؟؟؟؟؟

الاب توب يتفتش بالرحله الداخليه

الحمد لله على سلامة الوصول...
.
سلمت يداك أخوي على هالمعلومات....
.
طيب يعني أنت ما رحت للملحقية وسجلت بياناتك لفتح ملف طالب مبتعث جديد؟؟؟؟
.
تحياتي لك وبالتوفيق يالغالي..

الجوازات والاي تونتي وخطاب القبول ونموذج الافصاح ونموذج الجمارك اللي عبيناهم في الطياره

يعطيك الف عافيه على التقرير البسيط عن رحلتك و الف حمد الله على سلامتك

معليش اخوي انا الاسبوع الماضي عملت اجراءات الفيزا و سويت المقابله ووصلت فيزت المرافق جاء الجواز فقط علما انهم ما اخذو مني لا اي توني ولا غيره بس الجوازات و استوقفني في ردك انهم اخذو الاي توني و نموذج الافصاح ..؟ فما ذا تقصد بنموذج الافصاح .. هل هو نموذج يجيك مع الفيزا ولا ايش ..؟ لاني سمعت انو يجي مع ظرف فيدكس ظرف ما تفتحه و مدري وش قصته هذا الظرف انا ما وصلني شيء و فيزتي باقيه ما طلعت