فيه أحد ما نزل له ولا سنت لشهر هذا ؟؟

حسبي الله ونعم والوكيل .. حسبي الله ونعم الوكيل .. حسبي الله ونعم الوكيل عليك ياملحقية الهم والغم .

السلام عليكم ورحمة الله ...

معليش بديت بالتحسب قبل السلام من زود علتي بسبب هالملحقية الي تفتح في راس الواحد مزرعة نخل ..

شباب فيه أحد نفس حالتي :

مانزل له ولا سنت في حسابه حق شهر رمضان ؟؟

مع اني محدث بياناتي البنكية واستلمت راتب الشهر الي قبله بعد ماحدثت بياناتي البنكية .. ورافع صور لجوازي وفيزتي الآي زفت حقتهم 94

مدري وش يبون بعد .. يبون اروح لهم واقول تكفون نزلو راتبي .. كأنهم يدفعون من جيبهم حسبي الله عليهم ... والله هذا ثاني شهر لي هنا وسوو فيني كذا .. أجل كيف الي له سنة ولا 3 سنين .. أتوقع فاتحين مصنع ضميد في راسه من كثر النخل ×_×


اعذروني ع الأسلوب لو أقدر أصرخ من زود غبنتي صرخت ...

لكن الله يكون بالعون ونحتسب الأجر ...

أنا سألت شخص مسؤول في القنصليه ...
وشرحت له وضعي ووضع باقي الطلاب وكيف المشرفين يتكلم من طرف خشمه وليش مايكونون سعوديين .. ؟؟

قال لو بنحصل سعوديين بيرضون برواتبهم كان حطينا .. لان رواتبهم تقريبا 4000 دولار .. ولو حطينا سعودي ماراح يرضى بأقل من 8000 دولار ×_×"
-------

حسبي الله عليهم في رمضان والعشر ..