الأعضاء الإشتراك و التسجيل

الملتقيات
ADs

تقرير ياليييييييل ،،، ليه تسذا؟؟

تقرير ياليييييييل ،،، ليه تسذا؟؟


NOTICE

تنبيه: هذا الموضوع قديم. تم طرحه قبل 2310 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية واحــ 1نفر1ــد
    واحــ 1نفر1ــد

    مبتعث جديد New Member

    واحــ 1نفر1ــد الولايات المتحدة الأمريكية

    واحــ 1نفر1ــد , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى واهد دكتور كبير , بجامعة مافيه مشكل
    • مافيه مشكل
    • واهد دكتور كبير
    • ذكر
    • لسه صديق, مافي معلوم
    • السعودية
    • Aug 2011
    المزيدl

    August 21st, 2011, 01:12 AM



    الله حيهم اللي بيروحون يتسدحون ويتبطحون ويتشمسون في الولايات الامريكيه كااافه ,,, موب زينا في الرياض امطاار وثلوج يالله الكاافي <<< ترااه صادز بالحييل


    الموهم يالربع اني سويت مقابلتي مع سفارة عيال خواال سام 28 جون وتنقعت متلخبطن ومتوترن وانوااع الهواجيس لين 29 جولاي جتني رساله جوال طبعتها وعلقتها في غرفة امي وابوي تقوول جوازك طلع وبغيت اشكشك لولا اني لابس احراامي ورايح مكه اول يوم برمضاان الله يشرفه ،،،


    المهم يا اخواني الاعزااء بعد برهة من الزمن لما قررت احجز ودرااستي قربت مره قعدت أتمعن وأتأمل في هاللصقه اللي كنها حقت سن توب في جواازي ويسمونها فيزا ويلعبون في اعصاب خلق الله فيها ، وإذا بي أنصدم بما رأتها عيناااي اسمي فيه غلط ااااه يا قلبي اسمي الثاالث اللي هو اسم جدي الله يرحمه حاطينه M بدااال H ياااللهول لو يدري عنكم تساان محطكم بالعصا الله يرحمه ...


    ثم جلست مع نفسي جلسه على انفرااد وتراا ما صحت ابد ابد واقول وش اسووي يا أني أغير اسم جدي ل ماجد منها اني احب كابتن مااجد ومنها ان يصير اول حرف من اسمه إم ... أو أني أدربي رااسي في المطاار كني ترااني ما شفت شي واسوي نفسي منصدم واطلع عيووني لو كفشووني واقول وش درااني مالي دخل !!!... أو أني أروح أكلمهم وأتهااوش معهم ...


    أرسلت لهم ايميل وبعد دقيقتين بالضبط بسم الله ماشاء الله قااالو لي يا وااحد نفر مافيه مشكل رجع الجوااز بفيديكس عشااان نزبطهو لك ، طمرت لفدكس وشقو مخبااتي حسبي الله عليهم ب 130 رياال حق شحن الجواز الله لاايوفقهم يغلطوون وأنا اللي أدفع ... بس قلنا ما فيه مشكل بس خلو الجوااز يطلع ... المهم قعد عندهم كم يووم وبطني مااش تسني مكثرن شوربه موب مرتاااح وارسلت لهم ايميل أها عااد اخلصو علينا وانهجوا رجعوا لي جواازي ... قالو اصبر اسبووع ونرجعه لك لاتصيح علينا ....


    ما يستفااد من القصه:
    أخي العزيز لسلاامتك اذا جتك الفيزا فصفصها حرف حرف رقم رقم زنقه زنقه عشاان لو فيه خطأ تعدله مبكرن جدن ولا تتورط زي محاتسيييك ...



    أشكركم على متابعة هالهذرات و لا تنسونا من دعوااتكم يطلع الجوااز وتتيسر اموري واموركم وشاركونا بردودكم لو تكتب حرف H تضامنا معاي ،،،
  2. يابعثه متى تتحققين؟؟
    رد: ياليييييييل ،،، ليه تسذا؟؟
    H
    H
    H
    H

    هذا تضامناً كما أرتدت ...

    ثاااااااااااااااانكس عالتضامن احس الحين معد اشوف الا حرف H وإن شاءالله تتحقق بعثتك قريييب يارب

    أسد المحبة
    رد: ياليييييييل ،،، ليه تسذا؟؟
    جزاك الله خير على النصيحة ... صراحة لو كنت محلك كاان بكيت

    ومن قااااالك ما صحت هههههه المخده كلها دمووع ههههههه بغيت ارسل صورتي لهم بالايميل قلت يمكن يرحموني

    Meddy
    رد: ياليييييييل ،،، ليه تسذا؟؟
    H H H H H H H


    ههههههه الله يوفقك حبيبي ،،


    الحيييين حرف H حرفي المفضل .... وحرف M
    والله يوفقك يا عزيزي ...

    نثر عطره ورحل

    اتش اتش اتش اتش


    يسلمووو ع التضااامن بنسوي حمله كلنا اتش ههههههههه

    الاكتفاء بالمزيد
    رد: ياليييييييل ،،، ليه تسذا؟؟
    ايه والله اتش اتش اتش
    وجوزيت خيرا



    لباا قلبك والله ،،، الله يجزاك الف خير ومشكور على الاتششيه ياا صديقي

    ibm2000
    رد: ياليييييييل ،،، ليه تسذا؟؟
    .

    كلام سليم تشكر اخي العزيز على التنبيه

    بالتوفيق ان شاء الله

    أيوووووه كلام ميه ميه مزبووط ... والله من بعد هذا تعلمت درس كل شي تسويه حجوزات او بطاقات او معاملات تأكد من المعلومات 5459 مررره قبل ما تمشي ولو تجلس ثلاث ايام عندهم ههههه



    zamil badr
    رد: ياليييييييل ،،، ليه تسذا؟؟
    H
    H
    H

    ههههههههههههههه يعطيك العآفيه وموفق أخوي


    شكريااااا يا زميلي وزميل بدر وزميلهم كل ابووهم .... زميل والا زاامل ترا معليش العربي لك عليه هههههه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.