من جرب شريحه at&t

السلام عليكم

والله ياجماعه الموضوع هذا من اهم المواضيع بالنسبه لي


انا البارح طلعت شريحه مسبقه الدفع ب50 دولار شهريا من اي تي اند تي المهم لي مكالمات غير محدوده داخل امريكا (مو مره مهم)ورسايل ايضا غير محدوده داخل امريكا(مايهمني ابد) والاستقبال داخل امريكا مجان ايضا


واهلي يتصلون علي ويحسب عليهم مدري بكم و انا ماقدر اتصل عليهم


اللي ابيه هو اني اتصل على اهلي ( مو هم يتصلون علي) من هالشريحه يعني وش اسوي اروح للمحل واقوله هات شحن حق الدولي مدري عندهم كذا ولا لا واذا خذت الشحن وشلون اشحنها وش اضغط ترانا مو بالسعوديه وش عرفني ؟ولا هو يفعل لي خدمه الاتصال الدولي مقابل رسوم اضافيه ؟غير اللي دفعتها ال50 دولار

وثاني شيئ وهو الاهم معاي جوال بلاك بيري كيف افعل خدمته على هلشريحه ؟ اروح للمحل واقوله فعلي ؟وكم رسومها الخدمه؟

وثالث شيئ كيف استفسر عن الرصيد وهل تنشحن البطاقه ؟

ورابع شيئ الحين اهلي اذا دقو علي على رقمي الامريكي بكم يحسب عليهم ؟

خامس شيئ النت شغال عندي عالرقم الامريكي بس بلاك بيري مو شغال شلون تجي اللي اعرفه دام النت شغال البلاك بيري بيكون شغال ولا لا ؟

اسادس شيئ شيئ ابي الاجاابات من مجربين هالشركه

وشكرا

أنا عندي شريحة AT&T بس مش مسبقة الدفع..

ولما طلعتها قالت لي الموظفة إن استقبال الاتصالات الدولية مجاناً..

و قالت إن تكلفة الاتصال الدولي من شريحة أمريكية جداً غالية ونصحتني ما أفعلها..

وصديقاتي اللي عندهم الخدمة يدفعون فواتير شهرية تقريباً 300 دولار .. بدون ما يطولون في اتصالاتهم على أهلهم..

خدمة البلاك بيري أطلبها وهم يفعلوها لك.. مافيها مشاكل بإذن الله..

أهلك يحسبهم عليهم حسب التسعيرة في شركة الاتصالات اللي يتصلوا منها.. فراجع تسعيرة شركة الاتصالات أو موبايلي أو زين.. حسب الرقم اللي يتصلون منه..

.............

اسمحي لي أضيف لك من خبرتي.. وأتمنى ما يزعجك هالشي..

أفضل وأحسن طريقة للاتصال مع الأهل هي خدمة Facetime في الآيفون .. صوت وصورة سريعة جداً جداً.. أفضل من أي برنامج ثاني..

وكمان برنامج الفايبر في الآيفون، صوت آخر حلاوة وأحسن من الاتصال العادي.. وكل البرنامجين برامج اتصال مجانية في الآيفون..

وسكايب هو الخيار المناسب للاتصال من الكومبيوتر ع الأهل لكنه مو ذيك الجودة ولا السرعة..

بالتوفيق..