هل هناك من نزل راتبه ناقص؟

ياجماعه هل في حل لراتب المرافقين

مرافقتي مانزلوا لها شي هذا الشهر

راسلنا المشرفين وراسلنا عن طريق البوابه وطنااااش

اخاف يسكتوا عن الموضوع وياكلوا حقنا ترى الملوخيه مدري الملحقيه مايصدقوا على الله

ي الله وش هالتعامل السئ منهم ياربي يفك ضيقتكم ويوسع عليكم ويرد حقكم يارب
ضاق صدري وش هالظلم كنت متأمله التحق بالبعثه ويجيني راتب شكلهم بيخلوني كل السنوات علي حسابي

أنا نفس مشكلتكم تقريبا نزلت مكافأتي بس المرافقين زوجتي و طفلي ما نزلهم شيء
رحت للبوابة حاولت اضيف المرافقين ولما انتهي واضغط زر تسليم تظهر رسالة حدث قطع في النظام
راسلت الدعم الفني قالو راسل المشرف
راسلت المشرف قال كلم القسم المالي
ادق على القسم المالي مايرد
بالله وش الحل معهم؟
يعني من العقل و الحكمة ان يشتغل النظام الالكتروني في البداية ولايوقف النظام اليدوي حتى تنحل مشاكل النظام الالكتروني
اما تنتقل مباشرة للنظام الالكتروني فأكيد بتحدث لك مشاكل لأنه لم يتم اختبار النظام على عدد كبير

الملحقية = القذافي <<

انا كانت عندهم والمشكله في الموضوع السستم الجديد خرب الدنيا والعالم فوق بعضهم بعض عموما سوي طلب فروقات وان شاء الله خير

و الله انا و زوجتي مبتعثين و صار لنا واصلين امريكا من أكثر من شهر ولا صرفوا لنا مكافآت خير شر ولا تعويضات ولا شي. ذا البوابة عذر اقبح من ذنب فعلوها بكندا قبل امريكا بما يقارب السنتين ولا صار فيها هالحوسة كلها. كا بقى لا تحديث بيانات ولا ايميلات و لا رسائل صوتية للمالية و حتى للدكتور العيسى ولا احد عندك . و الله لازم يتجاوزون هذي الأزمة بأسرع وقت ممكن. مش معقول أبداً مبتعثين و مبتعثات مع مرافقيهم ما يستلمون مخصصات او يستلموها ناقصة وراهم ايجارات و كتب و مصاريف مواصلات و ... و ... و!! و الأسوأ أن هذي البلاوي جاية على بداية فصل دراسي و قرب العيد الله يشرفه. ذكروني مع حركة البوابة بالبلديات هناك بالسعودية ما يستحلي تصليح و تحفير الشوارع الا قبل العيد ... حسبي الله و نعم الوكيل

اي وانا بعد ما استقر النظام ونزلوا لي الراتب كامل في رمضان شهر شوال نزلوه ناقص قال عدد الايام ٢٧ يوم وش افهم الشهر نقص فجأة
؟؟؟والا يمكن موعارفين ان ٢٠ من كل شهر ينزل الراتب كامل للمبتعث بغض النظر الشهر ناقص والا كامل .....الان انتظر ردهم وتوضيحهم عن السبب