كيف تشيك على وضع فتح ملفك في الملحقية؟
السلام عليكم
أعزائي عزيزاتي
طلبت فتح ملف مبتعث من موقع الملحقية وتم تعبئة البيانات ورفع الملفات المطلوبة وحصلت على رقم طلب. الى الآن لم يصلني رقم طالب في الملحقية ولا دعم مالي ولا مكأفاة ولا تأمين طبي!
سؤالي هو:
كيف أقدر أعرف وضع طلبي؟ فيه وصله معينة ممكن أتأكد عن طريقها؟
لأني خايف يكون فيه شي ناقص أو مو واضح وأنا قاعد أنتظر والأخوان في الملحقية ما يبلغونا؟
لي أسبوعين ولا حتى معطينا تأمين طبي ... أدعي لحد يمرض من هالأطفال ونتوهق!
شكرا
رد: كيف تشيك على وضع فتح ملفك في الملحقية؟
والله حتى انا نفس الحاله ... الله يعين على الملحفيه هذي ..
ما لنا غير الصبر
رد: كيف تشيك على وضع فتح ملفك في الملحقية؟
اخوي كلنا نفس الحاله .. اول مافتحت ملف مبتعث قالوا لي بعد يومين الرد على الايميل وللاسف مافيه شي من ذلك
الحين لي 7 ايام ومتورط مع الموتيلات وزين حصلت امس سكن مشترك بعد
مالنا الا الصبر
رد: كيف تشيك على وضع فتح ملفك في الملحقية؟
انا نفس الحالة رابع مرة ارسل طلب فتح مالف ولا احد يرد وتأكدت ان ملفاتي صغيرة الحجم وكل شي مزبوط 100% لكن ما احد يرد كنت بفكر لو ما جاني رد هذا الاسبوع حروح واشنطون بعد العيد يكونو خلصو صيام والناس رجعت من إجازاتهم. لانه ما للتأخيرفي مساعدة الطلاب عذر الا عدم تواجدهم اساسا في البلد وسفرهم لصيام الشهر الكريم مع الاهل في وطننا الغالي لكن ما اقدر اقول الا( انما للصبر حدود انما للصبر حدود)
رد: كيف تشيك على وضع فتح ملفك في الملحقية؟
الحين ممكن أعرف شي .. الملحقية وينها عنا ؟؟
رحنالهم بنفسنا ومريهم علينا قالوا ليش تجون اذا معك جهازك لا تتعب نفسك وتجي كل شي الاكتروني ... الله على الالكتورني
صار لي الحين 12 يوم بأمريكا ولا جاني رد ... ولأحد سأل عني... وين الاشراف على الطلاب .. والله لو اني ضايعه ولا مخطوفه ما جابو خبري
نتصل ومحد يرد ... ابي افهم وشوله حاطين أرقام تليفون ... يانانس نبي رقم طالب نبي ضمان مالي
نرسل ايميلات مانلقى يرد رد يساعدك ... يكلف على نفسه و يقول (ادخل على البوابه الاكترونيه) .. ما فادتنا ذا البوابه الاكترونيه ... لو فادتنا ما اضطرينا نرسل لك
نسجل من جديد نقول يمكن غلطانين بالايميل يمكن كاتبين بياناتنا غلط ... شككوني بنفسي @_@
رقم الهويه يقول (الرجاء ادخال رقم هويه موجود بالنظام ) .. وشو يعني انمسحنا من النظام !!!!!!!!!!!!!
الحين باقي على الدراسه اسبوعين ... ممكن اعرف مع اجازه العيد الي بتجي متى بحصل على الضمان ... كيف جامعتي بتستقبلني ...
لو سمحتوا .. ترانا جايين من بلدنا على اساس كل شي متسهل .. يعني الفلوس بدت تخلص .. والصبر بدأ ينفذ
رد: كيف تشيك على وضع فتح ملفك في الملحقية؟
^
^
الحمد لله لقيت احد زيي ... كنت احسب اني لوحدي :(
رد: كيف تشيك على وضع فتح ملفك في الملحقية؟
انا نفس الطريقة حاليا لي 15 يوم ولم يصلني رقم الطالب ولا ضمان مالي ولا ضمان طبي وعند مراسلتهم يقولون انتظر وسيتم الرد عليك برغم ان الدكتور العمار قال لي معالجة الطلب تحتاج ليومين فقط
حاليا لا استطيع السكن بسبب عدم وجود ضمان مالي وخسرت اموالا طائلة في الفنادق والله المستعان
رد: كيف تشيك على وضع فتح ملفك في الملحقية؟
أنا صار لي أكثر من عشرين يوم ولا حس ولا خبر
رد: كيف تشيك على وضع فتح ملفك في الملحقية؟
وانا كمان صار لي 15 يوم لا حس ولاخبر ؟؟؟؟؟؟؟؟؟................. بس نبغى راي وش نسوي لهم
رد: كيف تشيك على وضع فتح ملفك في الملحقية؟
اليوم جميع الأورقام محد يرد عليها
وين يالعنقري ؟؟؟؟