هل استطيع الأبتعاث !!!! تكفوووون أفيدوني
السلام عليكم ورحمه الله وبركاته
أنا انشاء الله بدرس في امريكا مرحله بكالريوس تخصص هندسه مدنيه
طبعاً أنا توي متخرج من الثانوية بس اول ماتخرجت قدمت على احد الجامعات وانقلبت فيها يعني ختمو على شهادة الثانوية الأصل
طبعاً أنا سألتهم قبل مايختمون على الشهاده اذا جاني قبول في جامعة ثانيه هل استطيع أني اسحب ملفي من عندهم قالو تقدر نسويلك
إخلاء طرف وتروح للجامعه اللي تبغاها
أنا سؤالي هل استطيع أني ادرس في امريكا يعني هل كلامهم صحيح تكفوون أفيدوني لَاني جالس افكر ليل نهاااار
اللهم اغفر للمؤمنين والمؤمنات الأحياء منهم والأموات
اللهم اجعلنا عوناً لأخواننا المسلمين
رد: هل استطيع الأبتعاث !!!! تكفوووون أفيدوني
وعليكم السلام ورحمه الله وبركاته
ايه اخوي تقدر تدرس في أمريكا واذا انت قدمت على البعثة وجاك القبول وحددوا لك موعد تدقيق وقتها تسحب ملفك من الجامعه وبيعطونك ورقة اخلاء طرف وترتب اوراقك واضمن البعثه ان شاء الله
بالتوفيق ^_^
رد: هل استطيع الأبتعاث !!!! تكفوووون أفيدوني
اقتباس:
المشاركة الأصلية كتبت بواسطة Hanouf_k
وعليكم السلام ورحمه الله وبركاته
ايه اخوي تقدر تدرس في أمريكا واذا انت قدمت على البعثة وجاك القبول وحددوا لك موعد تدقيق وقتها تسحب ملفك من الجامعه وبيعطونك ورقة اخلاء طرف وترتب اوراقك واضمن البعثه ان شاء الله
بالتوفيق ^_^
الله يعطيك العافيه اختي ويجعلها في ميزان حسنااااتك
تحياتي لك
رد: هل استطيع الأبتعاث !!!! تكفوووون أفيدوني
طيب انا نفس شغلة صاحب الموضوع بس هل إذا قبلوني يعطوني الموعد بعيد يعني بعد اسبوع اسبوعين عشان يمديني اسحب اوراقي ؟؟لأن جامعتي تطول بسحب الملف
وانا اسمي كاتبينه بالانجليزي غلط بالشهاده عادي إذا جا وقت التدقيق و إسمي بالشهاده غير وبالجواز غير واعدله بعد التدقيق؟؟؟؟؟؟؟؟ بلييييييييييييييييييييييييز جاوبوني
رد: هل استطيع الأبتعاث !!!! تكفوووون أفيدوني
ليش ما تقدر تدرس اذا انت ساحب الملف و جايب كل اوراقك معك ؟
رد: هل استطيع الأبتعاث !!!! تكفوووون أفيدوني
الوضع سهلات ياغالي قدم على البعثه وتتيسر أمورك ان شاء الله كلام اختي عين الصواب أهم شيء خذ معاك اخلاء الطرف بتوفيق
رد: هل استطيع الأبتعاث !!!! تكفوووون أفيدوني
الله يعطيكم العافيه ويجزاكم خير
بصراحه ماقصرتو
رد: هل استطيع الأبتعاث !!!! تكفوووون أفيدوني
اخوي تبي نصيحه رح للجامعه قل ابي الشهاده اسبوع بس بعدل اسمي فيها وخذها الحين قبل الاجازه وانقز لللوزاره التربيه والتعليم المبني القديم <اذا كنت في الرياض
وقل لهم يعدلون اسمك ثم اذا عدلو اسمك رح اقرب مكتبه صور الشهاده ١٠ نسخه وارجع للوراره قل لهم يختمونها نسخه طبق الاصل بانجليزي والعربي[تصديق] ثم رجع الشهاده للجامعه واذا وصلت لك الفيزه الامريكيه لا تسوي اخلاء طرف قل انا باعتذر او تاجيل الدارسه وامريكا يقول الشهاده المصدقه انت ما تدري وش الظروف يمكن ما تيسر لك البعثه هناك وترجع للسعوديه وتلقي لك قبول هنا بعد
رد: هل استطيع الأبتعاث !!!! تكفوووون أفيدوني
اقتباس:
المشاركة الأصلية كتبت بواسطة faisalazeez
اخوي تبي نصيحه رح للجامعه قل ابي الشهاده اسبوع بس بعدل اسمي فيها وخذها الحين قبل الاجازه وانقز لللوزاره التربيه والتعليم المبني القديم <اذا كنت في الرياض
وقل لهم يعدلون اسمك ثم اذا عدلو اسمك رح اقرب مكتبه صور الشهاده ١٠ نسخه وارجع للوراره قل لهم يختمونها نسخه طبق الاصل بانجليزي والعربي[تصديق] ثم رجع الشهاده للجامعه واذا وصلت لك الفيزه الامريكيه لا تسوي اخلاء طرف قل انا باعتذر او تاجيل الدارسه وامريكا يقول الشهاده المصدقه انت ما تدري وش الظروف يمكن ما تيسر لك البعثه هناك وترجع للسعوديه وتلقي لك قبول هنا بعد
انا سويت زي كذا بالظبط وخذت مني تقريبا 3 ايام لان الجامعه ما رظوا يعطوني الشهاده فرحت للمدير وقلتله ابي خطاب للجامعه يفيد بان اسمي خطا واعطاني وانحلت الحمد لله مع اني تمرمطت مرمطه غير طبيعيه بس ما عليك سهالات ان شا الله ..
رد: هل استطيع الأبتعاث !!!! تكفوووون أفيدوني
صرح وكيل وزارة التعليم العالي لشؤن البعثات الدكتور عبدالله الموسى في جريدة المدينة بأنه يحذر الطلاب المتقدمين للبكلريوس في برنامج الملك عبدالله للابتعاث الخارجي في مرحلة السابعة بأنه سوف يتم مخاطبت الجامعات السعودية للمتقدمين وفي حالة وجود المتقدم على البرنامج مقبول في احدى في احدى الجامعات في المملكة العربية السعودية سوف يتم استبعاده من البرنامج لانه ياخذ فرصتين ويعرقل قبول الطلاب في الجامعات في السعودية ....
الزبده((((((((( اذا كنت مقبول في احدى الجامعات اللي في السعودية فراح تستبعد من برنامج اللمك عبدالله للابتعاث وانا قريت هذا الخبر في جريدة المدينة في منتصف رمضان ))))))
ملاحظة : اللي جالس يفتي من رأس رجاء لا تجاوب على الاستفسارات الا وانت متأكد عشان ما تضيع مستقيل احد .....وبالتوفيق للجميع