خلاص ابي الغي بعثتي ماقدر اتحمل اكثر

هذي فرصه ألف واحد يتمناها

لا تفكر انها 4 سنين فكر انو كم شهر وترجع وبعدها كم شهر وترجعوعلى هذا الحال لين ما تنقضي ال4 سنين وترا الايام اتعدي بسرررررعه

حاول انك تعمل لنفسك جو حبب نفسك في الاشياء اللي حولك اتعرف على سعوديين واذا عالأهل زمان اللي كان غربه الحين سكايب (الله يجازيه ألف خير اللي اخترعه)ماحسسنا اننا بعدنا عن اهلنا..كل يوم كلمهم على سكايب وماراح تحس بالغربه باذن الله

وزي ماعديت سنه في كندا راح تعدي هنا .. والشعب ا لامريكي جدا حبوب ومايحسسك بالغربه

ان شاءا لله فتره وتعدي ..بعدين راح تفتكرها

كلم اهلك قول لهم شوفوا لي بنت الحلال
هي وحده من ثنتين يا تعرس
يا تشوف لك شلة شباب يكسرون راسك بلوت كل ليلة أو يفققققعون وجهك بلاي ستيشن

هونها وانا اخوك اذا انتهى رمضان على خير وعيدنا
بالنهار دراسه الى الظهر والعصر اطلع لا ترجع البيت الا المغرب وحاول تمشي قد ما تقدر لا تركب قطارات او تكاسي
المغرب تعال البيت خذ لك دش واتعشى وذاكر شويه وحط راسك ونام

وأول اجازه كلم اهلك يجهزون موضوع الزواج
وماجاك عندي يا بطل

ربي ييسرها علينا وعليك

اقسم بعز الله وجلاله اني ابكي في فراشي يوميا الين يمسكني النوم

لأني أحلم بشي اسمة بعثــة ....... اللي انت فيه هيه صدمة لا اكثر وانصحك قو قلبك وراح تتعود وتتوسع علاقاتك بالناس وامورك راح تمشي وتتذكر كلامي

فنصيحة لا تفوتها علــيك أو أكتب لي تنازل عليها ........... الله يوفقك ويفك كربك

أشوفها شيء طبيعي توك جاين من عندهم .

بالله من بيضيع هذي الفرصه الذهبيه إمكن ماراح تتكرر في حياتك (من غير شر )

عيش التجربه بحذافيرها ..إستمتع .

طيب رجعت وجلست هناك وتونست برضوا راح تشتاق للدارسه برا .

خلاص خلصت لغه كمل المشوار .

طيب إستخير ورتب لحياتك من جديد وغير الروتين الممل .. بتكتشف الحياه الحقيقه .

أتمنى لك التوفيق .

السلام عليكم

أولا الله يفرج همك وهمنا وأنا أخوك

ثانيا الله يمسي بالخير على أخونا العضو ( قلبي مدينة )
شف الرابط هذا لأخونا قلبي مدينه وبتتحسن أمورك أن شاء الله

العنوان / لكل مبتعث أو مبتعثة تعالوا اكلمكم في علم النفس شوية!

المصدر: http://www.mbt3th.us/vb/forum134/thread238743.html