خلاص ابي الغي بعثتي ماقدر اتحمل اكثر

السلام عليكم ياجماعه
انا كنت طالب لغه فلي كندا درست سنه حتى حصلت الايلتس ولقيت قبول جامعي في امريكا..رجعت السعوديه اجازه حتى تبدا دراستي والان جيت امريكا يوم بدت الدراسه الجامعية
صارلي اسبوع ونص في امريكا .. بس انا نفسيتي تعبانه مره ابي ارجع السعوديه ابي اجلس بين اهلي وادرس بين اهلي واستانس بينهم مر علي ثلاث ايام مانام فيها ابد من الغبنه والقهر
احس بغربه ووحده.. احس اني ماقدراتحمل اربع سنوات على لوضع المأساوي والله تعبان ولا لي خلق ولا اذاكر .. ابي شوركم ياجماعه الغي البعثه والا لا
ياجماعه الحياة صايره مالها طعم والله..اشكال غريبه وجيه غريبه ماقدرت اتأقلم على الوضع .. وش الحل .. انا اعرف روحي ماقدر اصبر على هالوضع اربع سنوات
انا متردد ولا ودي اخيب ظن الوالد واهلي ولا ابي احد يتكلم ويقول هذا مب وجه دراسه.. وش الحل ياجماعه صارلي اسبوع مب قادر ولا حتى ابتسم من ضيقة الصدر
الغي البعثه ؟

ياخوي الله بالشهر الكريم والايام المفترجة يهدي من روعك يا خوي هذي فرصة كثيرين يتمنون انهم يكونون مكانك فلا تضيعها من يدك وهذا الشعور طبيعي بس لانك في البداية وبعدين رح تتعود على الوضع والله مع الجميع.

لا ابدا لا تلغيها ابدا ابدا لا تفكر كذا

انت عشان توك جيت هنا

بعدين والله تتغير نفسيتك ..

ابدا حاول تدور صداقات .. فيه سعوديين اكيد

شوف لك ناس طيبين واسكن معاهم وصاحبهم

راح يمر الوقت وتنشغل بالدراسه ..

صدقني ..

بس لا تلغي بعثتك .. اذا انت تحس بضيقه وطفش

ابدا مارس هواياتك ..

اشترك في نادي

خلي لك وقت تذاكر فيه

وقت مثلا تكلم اهلك او اصحابك

ووقت تتمشى تتعرف على المدينه

روح حدائق اي شئ

صدقني راح تحب المكان الي انت فيه

هي بس هذي الفتره صعبه شوي

تحمل

الله يعينك ويفرجها عليك

بس لا تلغي بعثتك ابدا ابدا

تعال كلمني بعد شهر
اما الان شي طبيعي جدا
ضيقة صدر وغيرها
بس اصبر شهر
وتشوف
وخل عنك العواطف تراها ماتوكل عيش
اسمع كلامي وانا اخوك

اخوي نصيحة حافظ على الصلاة واقراء القران صدقني راح تحس بالراحة

غريب اخوي اجل كيف وضعك السنة بكندا برضو كانت غرربة

انا ماطلعت بعثة الى الان بس ان شاء الله طالع قريب

عزيزي انت رجل اليوم انت المسؤول عن نفسك لا امك ولا ابوك دايمين لك

واف بس لو تجي تشوف كم من واحد يتمنى يكون مكانك

رجعت عند اهلك وبعدين !!! بيصرفون على زوجتك وعيالك ويفتحون لك بيت

لا وانا اخوك اصبر ذا مستقبل وانت رجل ومسؤؤول عن نفسك

على فكرة هذا امر اييجابي يدل عن حبك لهم بس الله يحفظهم لك ويخليهم .. م راح يدومون لك

انا مقدر احساسك وظروف والله يلوم اللي يلومك لكن تاكد انها اول المدة فقط وستعداد وعندك اجازات

والله يخلي الجوالات والنت المبتعثين اللي اعرفهم مايقل عن ٣ ساعات يوميا مع اهلهم ع السكايب وغيرها من هالبرنامج

خل نظرتك قدام لمستقبلك والبكالوريوس اللي بتجيبة من امريكا

اعتبر رجعت لهم وسلمت وجلست وطلعت مع اخوياك !! وبعدين م راح يفيدك الا نفسسك

واحمد ربك قايم قاعد على الفرصة اللي جتك ولا تنسى ذكر الله واحفظ الله يحفظك وانا اخوك

عسسى ربي يسهل امرك

اعذرني على الاطالة لكن حسيت بشعورك والله

لكك تحيتي

اخوي ...انا اتوقع لو تنضم الى احدى النوادي الرياضيه ..او النوادي او التجمعات الشبابيه اللي موجوده اهناك صدقني مابتحس انك بغربه وانك بين اخوانك طبعا انا مارحت ولا جربت بس على كلام الاخوان في المنتدى ...اذا انت عايش لحالك دور لك على ولد كويس وتثق فيه وفي اخلاقه وخليه معك في الروميت اتوقع الاخوه والصداقه وجهان لعمله واحده

شعور طبيعي أغلب الطلاب يمرون فيه
شوي وتبدا تتأقلم .. اطلع وقابل الناس لا تقعد لحالك تاكلك الوساوس
اشغل نفسك ولا تقعد فاضي
الله يفرج همك

اذا تقدر اجل ترم .. وشوف وضعك ..
انزل السعوديه وخليهم يصلحون لك هولد ...

اما تلغيه ولاراح تلاقي احد يأيدك بنسبه 0% ...

الله يهونهآ عليك .. اقرا وردك وصلي فرضك .. اسبوع ونص .. توك بالبدايه ..
ترا الناس تحسد على اتفهه شي .. اقرا علي نفسك ..

على ما فهمت من معوماتك الشخصية إنك في فورت كولينز.. كولورادو..

وكولورادو فيها نسبة سعوديين عالية جداً.. فبإذن الله راح تلقى ناس طيبة تخفف عنك الغربة..

واللي خفف إحساس الغربة عنك سنة في كندا ، قادر يخففها في أمريكا 4 سنين.. إنت بس لا تفكر كثير، وادعي ربنا.. وربك كريم..

نصيحتي لك أخوي، بما إننا في هذي الأيام المباركة حافظ على الصلاة في المسجد، خصوصاً التراويح والتهجد عشان تكون أقرب لربنا..

وطبعاً مثل ما قال الأخ .. خلك مع القرآن قد ما تقدر.. " ألا بذكر الله تطمئن القلوب "..

تعرف على شباب طيبين في المسجد، وأفطروا مع بعض إن أمكن..

ركز في دراستك، وتذكر إنك بتركيزك فيها راح تسعد أهلك وترضيهم، وتحقق الهدف اللي عشانه الدولة ابتعثتك .. وإنت قدها وقدود..



أنا أول ما وصلت لأمريكا، مريت بنفس الوضع، وصرت أفكر ايش اللي خلاني اتخذ هذا القرار، مع إني كنت في وظيفة مرتاحة فيها وبين أهلي وحبايبي، وخصوصاً إن محرمي مو حاب أمريكا أصلاً.. لكن البنات اللي تعرفت عليهم وقفوا معايا وخففوا عني هم الغربة.. ولما زرت أهلي ورجعت، حسيت بنفس إحساس الغربة مرة ثانية.. ويمكن أكثر.. خصوصاً في شهر رمضان اللي طعمه مع أهلنا وفي بلدنا أحلى وأغلى بكثييييييييييير..

لكن هي فترة، وراح تعدي بحلوها ومرها، والناجح هو اللي يعديها بأحسن النتايج..


تذكر أخوي إن الفرق بين اللي رجع بالشهادة واللي رجع بدونها هو الاصرار على تجاوز العقبات.. وإنت بإذن الله تقدر..

بالتوفيق..