المعلومات الي استفدتها بعد ما رحت الملحقيه
السلام عليكم
انا الحمد لله منظم من شهرين وامداني على النظام الورقي بس ما صار شي وقالوا لازم كل شي يصير بالموقع الجديد
اول شي اذا بتفتح ملف طالب مبتعث جديد لازم يكون فيه
صوره من قرار الابتعاث
والي ما عنده قرار الابتعاث يرسل للايميل هذا nnemry@sacm.org اسمها نوره النمري بتعطيك القرار سريع سريع
صوره من المعهد تثبت انك ما زلت تدرس بالمعهد اهم شي الصوره ذي الله ياخذهم كم مره رفضوا ملفي بالسبب هذا عشان بعض الناس يسجلون ويسافرون السعوديه والحين يبون يحجرولهم
اذا عندك اي شي تبي تكتبه اكتبه في ملاحظات سير العمل تراه مهم يهتمون فيه كثير
بخصوص الضمان يا جماعه الخير
لازم تحط اسم المؤسسه التعلميه اسم المعهد عشان يجيك الضمان عليه ولا ترا بيروح على الجامعه مثلي ومثل ولد خالتي وواحد من الشباب بالموقع *_*
النظام الجديد كويس مره بس يبيله وقت ولا احد يدري عنه
انا رحت لواشنطن وجلست يومين هناك ولا طلعت منهم الا والضمان معي بس سويت كل شي عن طريق الموقع كل شيييييي
والي يبي اي شي ترانا حاضرين وادعلونا بالتوفيق دنيا واخره
رد: المعلومات الي استفدتها بعد ما رحت الملحقيه
جزاك الله خير
والله اني خايف من النظام الجديد دعواتكم
رد: المعلومات الي استفدتها بعد ما رحت الملحقيه
تسسلم لي على الموضوع فديت روحك
بسس ياخوي عندي سؤال صغير
الحين اذا طلعت ابتعاث ونويت اغير التخصص بعد اللغه تتوقع النظام الجديد يرفضني والا كيف ؟
يعني لا بغيت اطلب ضمان مالي لجامعه والتخصص غير عن اللي انا مبتعث له
رد: المعلومات الي استفدتها بعد ما رحت الملحقيه
اخوي الله يجزاك خير الملحقية هل تفتح الملحقية يوم الاثنين القادم لأني راح أوصل واشنطن السبت بالليل فراح انتظر الملحقية. عشان الاجرأت
رد: المعلومات الي استفدتها بعد ما رحت الملحقيه
اخوي مصعب بسالك يوم رحت للملحقيه انت اللي سويت اوراقك بنفسك وانتهت بنفس الوقت والا قالو راح نرسل لك ع الايميل مثل مايقولون الاخوان؟
اخوي يعطيك العافيه علمنا الخطوات بالصور اذا ماعليك امر لاني سمعت انه فيها صور ولازم الحجم 500 (كيف طريقه تصغير حجم الصوه الكبيره) بعد scann اصغرها والا قبل؟
وتسلم ماقصرت ....
رد: المعلومات الي استفدتها بعد ما رحت الملحقيه
اقتباس:
المشاركة الأصلية كتبت بواسطة يوسف11
اخوي الله يجزاك خير الملحقية هل تفتح الملحقية يوم الاثنين القادم لأني راح أوصل واشنطن السبت بالليل فراح انتظر الملحقية. عشان الاجرأت
الملحقيه في اجازه حتى يوم 5 سبتمبر ... ادخل موقعهم وتأكد
رد: المعلومات الي استفدتها بعد ما رحت الملحقيه
هلا اخوي المشكله ان القرار مو مترجم
من وين تترجمه ؟؟؟؟؟؟؟؟؟؟
رد: المعلومات الي استفدتها بعد ما رحت الملحقيه
السلام عليكم ... أولا جزاك الله خير على المساعده
وثانيا : أخوووي أنا سمعت إن فتح الملف بالبوابه الاكترونيه ياخذ من يوم لـ عشر أيام فهل أسوي طلب فتح ملف من السعودية (أفضل ) أم ماذا ؟ ××وش تنصحنا فيه××
ثالثا : رحلتي لأمريكا هل تنصحني أمر بواشنطن وأجلس يومين عشان يمديني أحصل الضمان المالي ؟
رابعا : بخصوووص الراتب متى ينزل ؟ هل اذا ارسلت الشيك الملغي لهم يعني خلاص الشهر الجديد ينزل الراتب ؟
أدري إني ثقلت عليك بالاسئله لكن سامحني وأتمنى أن أجد الاجابه الشافيه وأبشر بدعوة بظهر الغيب
رد: المعلومات الي استفدتها بعد ما رحت الملحقيه
اقتباس:
المشاركة الأصلية كتبت بواسطة smo 2
جزاك الله خير
والله اني خايف من النظام الجديد دعواتكم
النظام الجديد ولا احلى منه الحين عليه ضغغغغغغغغغغغغغغغغط وعالم اصبر عليه شوي يضبط واذا عرفوله الموظفين بيصير احلى نظام
رد: المعلومات الي استفدتها بعد ما رحت الملحقيه
اقتباس:
المشاركة الأصلية كتبت بواسطة سكر غلاي
تسسلم لي على الموضوع فديت روحك
بسس ياخوي عندي سؤال صغير
الحين اذا طلعت ابتعاث ونويت اغير التخصص بعد اللغه تتوقع النظام الجديد يرفضني والا كيف ؟
يعني لا بغيت اطلب ضمان مالي لجامعه والتخصص غير عن اللي انا مبتعث له
تغير المعهد والتخصيص الان اصبح اسهل من اول والنظام الجديد الي يشرفون عليه موظفين يمر اول شي على المشرف بعدها على مدير الاقليم ويمشي وضعك
