عرض للطباعة
السلام عليكم
اخواني هذا المكت ليس له مصداقيه
جاب لي قبول من معهد وكانت مدته قريبه وبلغته بان المده قريبه الدراسه
قال الان انت خذ الفيزه ونجدد الموعد بعد مانجيب قبول الجامعه واخذ فلوسه كامله 9000 الاف ريال
مقابل الخدمات قبول معد وجامعه عن اثنين والا صار مايرد لاجل الموعد ولا صار يرد اتصال ارسل ايميل
وارسلت له رسايل جوال ولا يرد وش الحل مع هذا المكت انا خارج مدينة الرياض
قسم بالله اخوي ما فهمت
وبعدين وش اسم المكتب
اكيد لانك منغعل نسيت تكتب المعهد
الله يعينك اخوي احسن حل انك انت تراسل المعهد والجامعه وصدقني راح ترتاح وانسى المكتب والله يعوض عليك
اخواااانا ننبهكم وللمره الالف
نقدر نجيب قبولنا يانفسنا ترا الوضع سهل جدا بس لانه جديد علينا نحسه شي كبير
لما تجون امريكا وتكتشفون كيف تمشي المعاملات راح تندمون انكم دقيتو على مكتب
حسبي الله عليه اخوي حاول تروح لمكتب واذا ما أستجاب معاك روح أقرب مكتب شرطة أسال الله ان ييسر أمورك
الله يعينك اخوي بس انت ما حذرتنا من المكتب .. لانك ما كتبت اسمه
وبعدين 9000 حقت ايش ؟
اذا كآن قبول المعهد 800 ريال
قبول الجامعه 1000 ريال
تفعيل السيفيز 200 دولار يعني 760 ريال
موعد سفاره 345 ريال
سامبا 532 ريال
ما يجي كله 3500 ريال ..
و طبعا مادري وش ظروفك يمكن انت مسوي اشياء اكثر .. بس اللي اعرفه ان بس هذا المطلوب
و فيه اشياء انت تسويها بنفسك ما يحتاج المكتب يسويها لك .. يعني مثلا تفعيل السيفيز .. بـ 200 دولار لو انت تسويها .. بس لو المكتب يسويها لك من الماستر كارد حقه بياخذ عليك 50 دولار زياده
يعني القبول و المراسلات .. المكتب يسويها لك .. بس الاشياء الثانيه حرام تخليه يسويها عشان ياخذ فلوس زياده وانت بنفسك تقدر تسويها
و ع العموم الله يعينك .. و اذا تعرف مكان المكتب بالرياض .. رح له و تفاهم معه :)
وربي مافهمت شي ؟؟!
أنآ متعامل مع مكتب نآجب بآلريآض
ودآفع له (2300) ريال وللحين لي شهرين مآجآب لي قبول
ويمآآآطل ولآ يرد لآ على جوآل و دقيت على رقم المكتب رد علي ويوم درى إنه أنآ صرفني بسررررعه وسكرهآآآآآآآ :@:@:@:@
وانا مثل حالتك خآرج الريآض لكن وصيت وآحد بآلريآض يمره
فآ إذآ تعرف أحد كلمه وخله يروح ويتفآهم معه بآلمكتب تفآهم ثآني :@
أنا إن شاء الله مسافره في بداية السنة بإذن الله درت المكاتب كلها بعضها حرميه ويبان عليهم وبعضم يوضحون لك كل شي بأمانه وصدق
أنا تعاملت مع مكتب مستقبلي وهذا رقم المكتب 0561579922 و في مكتب ثاني اسمه الخبير ورقمهم 0504221522 الأول فالرياض و الثاني من جدة
و أسأله الله لكم التوفيق
تحياتي
في بداية بحثي عن قبول مريت على مكتب في العليا وماعجبني تعامل المكتب قلت بحاول في المراسلة بنفسي مع ان لغتي ضعيييفة بس حاولت والله يخلي لي قوقل ترجمة وراسلت جامعة ومعهدين لغة بدون مااستعين بأحد يدوب اكتب لهم في الايميل رسالة مختصرة عن اسمي والفصل اللي احب اسجل فيه وتخصصي واعبي ابلكيشن التقديم وارسل لهم رقم الفيزا حتى ياخذو حساب تقديم طلب واللي هي ما تتعدى 100 دولار فقط وبعد اسبوعين يوصلني القبول ماعدا الجامعة اخذت حوالي شهرين والحين عندي 3 قبولات طبعا اخترت من بينهم الافضل وسويت الفيزة عليه .. من تجربتي الموضوع سهل جدا ولما تعرف كيف تراسل معهد تأكد ان كل المعاهد متشابهة بالمراسلة
اما بالنسبة للسيفس وحجز الموعد بالسفارة الله يجزى كل المتعاونين في هذا الموقع كل خير حصلت شروحات بالتفصيل عن هذا الموضوع وطبقتها بالتفصيل والحمد لله عدى كل شيء على خير ..
روح اشتكيهم للشرطة لا تسكت عن حقك ..
وفي هذي الفترة راسل جامعات بنفسك ولا تعتمد على احد الموضوع جدا سهل زي ما قلت لك فقط ارسل للمسؤول عن التسجيل اسمك ورغبتك تسجل بأي فصل وفي نفس الايميل ارفق صورة من شهاداتك وجواز السفر والابلكيشن حق التقديم ( بتحصله في موقع الجامعة ) ورقم الفيزا فقط واتنظرهم يرسلو لك القبول خلال اسبوعين . وسلامتك