علي قرض بنكي ؟؟ الي عليه قرض ومبتعث يدخل الله لا يهينه يفيدني
السلام عليكم ورحمة الله وبركاته
اخواني انا اخذت قرض بنكي واستقلت من وظيفتي وطلعت على حسابي قبل خمس شهور
والحمد لله الحين منضم واموري ماشيه .. شهرين وبدخل الاكادمي باذن الله
الحين البنك هو السعودي للاستثمار
صجوني اتصالات ورسايل يبوني اسدد القرض ..
وواحد يقولي راح يحطونك بالبلاك لست ..
شخص ثاني يقول بيرفعون اسمك في سِمآ ووقتها لو دخلت السعوديه ماراح تقدر تطلع الا لين تسدد لهم
الله لا يهينكم الي عنده خبر يعلمني ..
انا حاولت اسدد لهم من مكافأتي ،، سددت اول شهرين لكن ماقدرت اكمل بصراحه
والحين انحشرت مع مصاريف امريكا والسكن وغيره .. كلكم عارفين المصاريف
جربت اسدد قبل شهرين وما امداني احط ريال الا وصكوا عليه ،، اي مبلغ يدخل الحساب يتسكر عليه ^^ ماعجبتني هالسالفه .. <-- يهايط
المهم الي ابي اسال عنه
هل هو صدق لو طلعت السعوديه ازور اهلي ماقدر ارجع ؟؟
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
طيب ليه ماطلبت تعويض من الملحقيه ويرجعون لك الفلوس الي صرفتها تساعدك على السداد
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
يرفعون اسمك لسمة ويحطونك على البلاك لست. يعني ماتقدر تطلع قرض أو بطاقة فيزا من اي بنك سعودي. مالها علاقة بالجوازات أو أي قطاع حكومي اخر
بيهددونك ويصجونك بالاتصالات. وبيقولون بنرفع عليك قضية ونطالبك بدل سداد القسط الشهري بسداد المبلغ كامل او السجن. لا تستبعد انهم يقولون لك نبي ندخلك النار
اللي يتصلون موظفين تحصيل من خارج البنك. وهذي هي وظيفتهم.
لا يهمونك محد يقدر يضرك بشي بإذن الله
أنا مثل حالتك. وأعرف كثير قبلي من أكثر من خمس سنين على هالوضع. وإذا رجعت للسعودية ورجعت لوظيفتك اطلب منهم اعادة جدولة القرض وهم بيفرحون بهالشي
بس لا تحرص انك تعطيهم تفاصيل عن وضعك وفي أي بلد انت
الله يستر عليك
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
انا اقول انت مسدد مسدد عاجلا او اجلاً لذلك تدين لك من احد تعرفه وسدد لهم وافتك منهم
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
اقتباس:
المشاركة الأصلية كتبت بواسطة دوح البلابل
يرفعون اسمك لسمة ويحطونك على البلاك لست. يعني ماتقدر تطلع قرض أو بطاقة فيزا من اي بنك سعودي. مالها علاقة بالجوازات أو أي قطاع حكومي اخر
بيهددونك ويصجونك بالاتصالات. وبيقولون بنرفع عليك قضية ونطالبك بدل سداد القسط الشهري بسداد المبلغ كامل او السجن. لا تستبعد انهم يقولون لك نبي ندخلك النار
اللي يتصلون موظفين تحصيل من خارج البنك. وهذي هي وظيفتهم.
لا يهمونك محد يقدر يضرك بشي بإذن الله
أنا مثل حالتك. وأعرف كثير قبلي من أكثر من خمس سنين على هالوضع. وإذا رجعت للسعودية ورجعت لوظيفتك اطلب منهم اعادة جدولة القرض وهم بيفرحون بهالشي
بس لا تحرص انك تعطيهم تفاصيل عن وضعك وفي أي بلد انت
الله يستر عليك
عين الصواااااااب
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
الله يكون في عونك .. ولاكن من بعض المعلومات اللي عندي تقريبا لو حطوك بالبلاك لست في سما على قولتهم وهذا برنامج مربوط في جميع الادارات الحكوميه ومنها الجوازات .. يعني لو نزلت السعوديه مابتطلع من المطار بيردوك ويقلن لك سدد اللي عليك..
هذا بعض المعلومات اللي عندي بالنسبه للاحقوق المدينه ولاكن ماني متاكد هل ينطبق على البنوك ولا لا.. ارجو من الله ان يسهل عليك
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
الله يعطيكم العآآآفيه جميعا ماقصرتوا ..
انا عندي نيه اطفشهم لان الحاله الماديه لكم عليها ..
والملحقيه ماراح ترجع الا الي بعد الضمان المالي .. وانا دافع مبلغ قبل الضمان المالي من حق المعهد
انا وظيفتي بلقاها ان شاءالله لارجعت لان عندي شهادة خبرهـ ..
وبسدد لهم باذن الله
لكن هالفتره ما اقدر حيث ان وضعي صعب ..
تصدقون كنت ناوي اعرس وهونت بسبب هالقرض وقلت لاخلصت الدراسه برجع وان شالله لاحق على خير ..
الي ابي اعرفه هل يرفع اسمي لـ سما ؟؟؟
ابي كلام مضمون الله يعطيكم العآفيه عشان اقدر اتدبر اموري او اجلس ببلد الابتعاث لين ما اخلص مره وحده ^^
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
سيدي الكريم ما اقدر افتيك لكن سمعت والعهدة على الراوي من احد اصدقائي القريبين لي ان ذكر لي ان صديق مقرب له ماقدر يسافر مرافق مع زوجته عشانه انه مسجل اسمه في شركة سمه لكن والله اعلم لكن الرجل ثقة
اذا تبي نصيحتي وخصوصا ان النظام في البلد كل فترة يتغير .. لاترجع للسعودية الا وانت ضابط اللغة وعلى الأقل جايب التوفل عشان لاقدر الله لو صار شي بكون معك لغة قوية وعلى فكرة هذا الكلام دائما يقولون الموظفين في وزارة التعليم العالي وهو ان الطالب لايرجع لبلده اول مرة الا وهو ضابط اللغة طبعا اذا استبعدنا ان فيه ظروف قهرية لاقدر الله تستوجب الرجوع
الله يوفقك ويوفي دينك وأنا أخوك
رد: علي قرض بنكي ؟؟ الي عليه قرض ومبتعث يدخل الله لا يهينه يفيدني
الله يستر بس ..
مشكور كلام كليم ع المساعده
لله لا يحرمك الاجر