حوار المشكلة فينا كطلاب وليست في الملحقية - قبل الاعتصام - حتى لا نلام

والله كلامك منطقي واهنيك على تفكيرك تفكير متحظر وفاهم وواعي وصدقني بتواجه ردود معارضه ومتعبه ويمكن شفت نموذجين منها للان ممكن تتهمك انك موظف في الملحقيه كمان ههههههههههههه

لكن للاسف .. كثير مايبون يصبرون ! كثير مافيه امل يسافر للملحقيه فاضي هو ؟ بس عادي يسافر لولايه ثانيه يغير جو ! يعني عادي يقدم الكماليات على الاساسيات وبالاخير الملحقيه غلطانه !

الكثير موب فاضي يجلس يناقش مشاكل الغير وهو سنه وراجع السعوديه ! مع العلم ان بكره اولاده بيتذمورن من هالشي والغلط غلطت ابوهم اللي في وقته شاف نفس موب فاضي يتعب عشان يصحح وضع المجتمع فيه

بالضبط مثل الواسطه اللي صايره عادة سيئه توارثها الشعب والحين لو تقول له ماقدر اتوسط قال لك وقفت علي ! وكل واحد بيقول وقفت علي وبالاخير تعم الفوضى ...

انا بصراحه اتحفظ بشكل كامل على نظام اعتصام وخنبقه للاسف ثقافه دخيله علينا وجايتنا من دول ابواب مسئولينها وحكامها مغلقه بعكس ابواب مسئولينا وحكامنا ...

الحين اللي صارت لكم مشاكل كم واحد فيكم كون قروب وكتب خطاب ودخل عالوزير او دخل حتى على الملك عبدالله ؟ والا متمشورينها ؟

ومثل ماتفضلت النادي السعودي وينه ؟؟ اصلا حتى بدون نادي يجتمع اربع خمسه ويقابلون الملحق ويوصلون له الصوره بدل خنبقه واعتصام ومن زين الطبايع ناوين بعد يجيبون وسائل الاعلام الامريكيه

كفاية تشويه سمعه ..! فاهمين الاعتصام غلط كذا منتو تشوهون سمعة الملحقيه او تطيرون الملحق بس انتم تشوهون سمعة دولة وعاد بهالوقت كلا يدور الزله عالسعوديه ويطلع اشاعات الله يحفظ ديرتنا من كل مكروه

فكرة الاستاذ صاحب الموضوع ممتازه وحتاخذ وقت لكنها بتريحكم وبتريح اللي بعدكم .. مشكلتنا لاعبه فينا الانانية اهم شي كل شي كويس بوقتنا واللي بعدنا في بليس مايهمنا ! ويجي اللي بعدنا يقول ملحقيه سايبه بنسوي اعتصام



لحد يجي يطفي النور يحسبني امدح الملحق ! انا اقول الابواب مفتحه بدون اعتصام وقلق ... حتى وانت بامريكا تقدرون توصل صوتك للملك الله يطول بعمره


بصراحه اخوي اوقف لك احترام على طرحك ورأيك وتفكيرك والله يكثر من امثالك ... وشكرا على طرحك الراقي

اولا اتمنى صاحب الموضوع ماتزعل من وجهات النظر المختلفة معاك
ثانيا عزيزي اذا كان نظام الاندية الطلابية صادر من الملحقية ومشروح فيه الغرض من اقامة مثل هذه الاندية فاعتقد ان اي نادي راح يجتهد في اتباع هذه التعليمات ولاتنسى ان عملية اختيار رئيس للنادي هي بانتخاب الطلاب السعوديين اللي في نفس المدينة. صحيح انه لابد من ان يكون هناك تواصل مابين رئيس النادي مع الملحق مباشرة لنقل صورة عما يعاني منه الطلاب مع الملحقية من عملية عدم رد على الايميل الى عدم الاسراع في اصدار الضمان المالي الى اخره. ولكن نعلم انه يوجد مشرف على الاندية الطلابية في الملحقية -اعتقد انها موضي الخلف" مش متاكد"- يفترض ان تقوم بدورها في التواصل مع رؤساء الاندية ونقل الصورة للملحق مثلا.
لا نحمل النادي كل المسؤلية لانه في النهاية رئيس النادي هو مثله مثلك يعاني مع الملحقية. الخلل في الملحقية نفسها لماذا لاتوفر مرشدين اكاديميين بعدد يتناسب مع عدد الطلبة. 40000 طالب مبتعث مقابل ما يقارب 60 مشرف ظلم من جهتين للطالب وللمشرف لانه لا يستطيع تغطية هذا العدد. مرشدي الاكاديمي يقول لديه 800 طالب!!! اذا كيف تريده ان يتواصل بنفس اليوم ويجيب على طلب الطالب.
اعتقد المسألة هي حسن ادارة من عدمه بمعنى اذا لم يكن هناك من يدير الملحقية بالشكل الصحيح فلا عتب على الموظفين وكدليل على ذلك قصة واحد اعرفه تماما حصل على قبول من جامعة ولما اراد ان يذهب لها قالو له الجامعة مقفلة قالهم طيب ليه توافقون لي من البداية و راح يتفاهم مع الملحق لانه سلم شقته وانهى اموره مع معهده المهم راح للملحق وقال ايه عارفين انه الجامعة مقفلة وإنا اعطيناك ضمان مالي عليها لكن ما راح تروح عليها لاننا قفلناها. اعتقد ينقص الادارة القائد الواعي والمدرك لما يتخذه من قرارات

كما قلت سابقا الملحق ليس المشكله
المشكله هي فيما دون الملحق
المشرفين والمشرفات والموظفين
ولو تغير الملحق
وجا ملحق ثاني يبي يفصل كل الموظفين
مستحيل
وسيبقى الحال كما هو عليه

توصل بالسلامه ان شاء الله والامور تكون افضل

السلام عليكم ورحمة اللهو وبركاتت كيف حالكم انا بصراحة ابي ارد و اقول

أخوي (اس) انت قلت و(كاتب الموضوع) قال كلامكم سليم لكن انا ممكن لقيت

عندكم كلكم بعض الملاحظات اذا الوضع فيه اصلاح انفس علينا ان ننتبه ايضاً

لما نكتب ولما نتحدث ونعرف اشياء ونقاط وشغلات نتجنبها بعد بس لو تسمحون..

عليك نور طيب والحل لازم يتغير الطقم كامل والشي الثانى موظفين سعودين وسعويات بصراحه مانبغا اجانب

اول شي انا كتبت في البدايه ان هذا نظام اداري وليس عسكري ولكن يتم تطبيقه في السلك العسكري عشان كذا العنظام العسكري خالي من الاعتصامات والمظاهرات فهناك نظام

ومستحيل وانا اخوك ان عندك مشكله صغيره وتروح تراجع فيها بالديوان الملكي
هذا هو المقصود بالنظام التسلسلي

بالنسبه لفصل 300 طالب
هل تتوقع ان يخرج 300 طالب للاعتصام ؟؟؟؟؟؟؟؟؟؟؟؟؟؟؟؟؟؟
هل ستسافر انت الى واشنطن للمشاركه ؟
اشك في ذلك

تحياتي

شكرا لك على مرورك
تعقيبا على كلامك
اللي في منصب رئيس نادي طلابي ويقول انا ماني فاضي اتابع مشاكل الطلاب واساعدهم
ليش مرشح نفسه اساسا لرئاسة النادي
هذه مسؤولية

والف شكرا على تفهمك وجهة نظري والف شكر على وقتك المستقطع لقراءة الموضوع

اللي انا متأكد منه لو عندك ديون او تريد اي طلب سـ تدخل على الملك بذاته وتقابل اكبر مسؤل ابتداء من الهرم حتى ارضه


اما بـ النسبه لتوقعاتك وشكوك فـ احتفظ بها لنفسك يا صاح فـ انت لا تعرفني حتى تقول اشك في ذالكـ وسبق وقلت انني سأشارك وسأكون على رأس المناضلين اذ انني لست من الذين يرضى ان تتعطل اعماله ويهان على حساب نظام فاشل كـ فشل اصحابه ولكـ ان تنظر في الذين وافقو على المشاركه وتاريخ الموضوع هذا على صعيد المنتدى فقط !!

الملحق لا بد ان يسقط وان يقام تحقيق في شهادات العاملين في الملحقيه وهل استحقوا ذالك

ومن يريد الصمت فـلـ يصمت لايوجد احد يجبر الاخر على الدخول والمشاركه في المظاهره

مشكلة صاحب الموضوع انه عارف مشاكل الطلاب ويبي حل مثالي مادرى ان المشرفين ماينفع معهم هالشي

يااخي اذا كان عدد الطلاب في امريكا تقريبا 10000 مبتعث وتسعين بالمية عندهم مشكلة مع الملحقية تبي النادي الطلاب يحل له 9000 مشكلة >>>> هذي يبي لها مكتب محاماة مو نادي طلابي

انا مشرفي مايرد على التلفونات ولا الايميلات والموقع الجديد اللي دشنوه زاد المشكلة مشكلة تصدق ابسط حقوقي وهو الضمان المالي عشان اكمل في المعهد التجاري الخايس اللي حطوني فيه ( الله لايوفق من حطني فيه) اطلبه منه ولااستجاب لي اخر شي رحت لمديرة المعهد قلت اذا تبون فلوسكم اتصلي على المشرف وانا بروح البيت (لانه مو راضين اني اكمل بدون ضمان) واخر شي بنص ساعه اتصلت عليه الامريكية وحط كلمة امريكية بين عشرة الاف قوووس وارسله في ساعه يعني كأن اللي موظفينه الحكومة الامريكية مو الملحقية السعودية

يااخوي نيتك والله طيبة بس اللي تتعامل معهم عرررررررب ( مو سعوديين) وهذولي ماتعودو على المثالية

يااخوي انا ماجيت وتغربت عشان سياحة ولا شي انا هنا عشان اخذ شهادة فلو سمحت بما انك فتحت الموضوع انا ابيك تحل موضوعي


معهد محترم في مدينة محترمة في جامعة محترمة وللاسف الجامعة ماعندها قبول مشروط فممكن الله يعافيك تكلم الملحقية بالطريقة المثالية اللي حكيت عنها وتقول لهم يعطوني ضمان مالي


ألف تحية لكاتب الموضوع وللاخوة والاخوات اعضاء هذا المنتدى الرائع والذي هو بصدق منارة للطلاب المبتعثين وملتقى لطرح همومهم وارائهم