إذا فتحت ملف من موقع الملحقية ووصلك الضمان المالي شاركنا تجربتك مشكورا

تم فتح الملف من شهر .. ولم يصلني رد .. سوى طلب رفع جواز السفر مرة أخرى .. وعن طريق طلب جديد ..

كان ذلك قبل أكثر من أسبوع .. وحتى الآن .. وموعدنا بعد العيد ..

اللهم بارك لنا فيما تبقى من رمضان واجعلنا من الفائزين ..

موضوع تشكر عليه يا ليت يتفاعلون معنا الاخوان لانه بصراحه هاجس كل طالب
بالتوفيق يا اخوي

تم فتح الملف من شهر

ولم يصلني شيء

وأعرف ناس فتحوا الملف من أسبوعين ووصلهم الضمان المالي

فتحت ملف وأرفقت جميع الملفات المطلوبة على الموقع ولما سلمت الطلب طلعتلي رسالة " تم تسليم الطلب بنجاح ... رقم الطلب ...."
انتظرت 18 يوم ما أعرف ايش وضع الطلب. هل إجرائاته ماشية ولا عليه نواقص؟ حتى موقع الوزارة والخدمات الإليكترونية ما يعترف برقم الأحوال المدنية!

خلال هالوقت أرسلت 4 إيميلات للمشرف + إتصالات يومية + أيميلات للدعم المالي.

أمس أتصل علي مشرفي وأعتذر عن التأخير في الرد وقالي عندهم ضغط رهيب وايميلات بالمئات غير المكالمات والأشخاص اللي يجون للمشرف في الملحقية. هذا غير لخبطة النظام الإليكتروني!

عموما بإختصار شيك برقم الأحوال المدنية وقالي طلبك رفض من 15 أغسطس!! طيب ليييييش وأوراقي كاملة! قالي ناقص ورقة! قلت له مش معقول متأكد أوراقي كاملة! قالي اللي ناقص حسب النظام الإليكتروني ورقة معادلة شهادة الماجستير!

طبعا أنا متخرج من أمريكا سابقا ماجستير(مبتعث حكومي) وتمت معادلة شهادتي في وزارة التعليم العالي!يعني مفروض يقدرون يتأكدون منها اليكترونيا! ولا الشغلة حكومة الكترونية واجهه بس!


اللي مجنني أنه قالي أنهم ردو عليك حسب ما يشوف في النظام وأنا يا أخوان وأخوات والله ما وصلني لا إتصال ولا إيميل ولا حتى ردوا علي!
الشي الثاني الورقة المطلوبة مو مذكوره مع الأوراق التي يجب رفعها! يعني كيف أعرف أنا! أجرب شعوذه؟

عموما رفعت طلب جديد وأرفقت ورقة المعادلة وإنشاء الله يمشي الطلب بعد العيد لأني متأكد لو ما مشى ما راح أعرف!

الخلاصة: للي مطولين ما جاهم رد (أسبوعين أو أكثر) ممكن يكون رفض طلبك وأنت آخر من يعلم!
لو كان عندي أوراق ثانية (مثلا فواتير موبايلي وفاتورة مغسلة أو مطعم) كان أرفقتها ... عالم مش واضحه.


تصدقون يا أخوان مشرفي يقولي على النظام القديم الورقي كان يقدر يفتح ملف مبتعث في 7 دقائق ويصدر الدعم المالي في دقيقتين!

أول مرة أسمع عن نظام الكيتروني بدل ما يقلل فترة المعاملة يطولها!

ما أكثر فضائح الملحقية!