مساعدة تبي تقدم على معهد ELP فلادلفيا ,, حياك أنا أساعدك ....,

السلام عليكم
هل قبول لغة + جامعة
كم اسعار المعهد والسكن لمدة شهر؟
هل المعهد والجامعه معترف بهما؟
وماهي التخصصات؟
شكرا على خدمتك

يعطيك العافيه بيض الله وجهك


كيف المعهد اكادمي يعني كرف بي معهد يكرف الواحد ويكون كويس مرره يئهلك لدخول افضل الجامعات


وان شاء الله في موازين حسناتك

الله يعطيك الف عافية بس اخوي بسألك كيف المعهد والجامعة والديره اللي انت فيها وكيف مصاريفها


ياليت تعطينا خبر لاهنت

وعليكم السلام
حياك ربي
لا أنا علي أعبي الأبلكيشن لك وآخذ أوراقك وأحطها بيد الموظفه وأخرج , بعد يومين بالكثيره وهو ببريدك إن شاء الله وأربع أيام وهو واصل لك ,, لأنه أنا ما آخذ مقابل وكذا فقط مجرد مساعده لأخواني الطلاب
أسعار المعهد غااااالي نسبياً ,, 4107$ كل شهرين ,, والسكن على حسب وين تبي إنت , زي المعهد في شارع 34th لو تبي تسكن بمجمعات شارع 30th تكلفك غرفه وصاله ومطبخ ودورة مياه تقريباً 1750$ وكل ما بعدت كان أرخص ,, وهنا ترى نظام الباصات ماشي سوقها , ما غير تدخل على الموقع وتحط الشارع اللي تبي تتحرك منه والشارع اللي تبي تروح له والساعه ويجيب لك متى يكون الباص هذا عندك , الأمور سهالات
ونصييييحتي , إذا أحد على حسابه الخاص ويبي يجيه يجيه وهو يبي يمسك الكتب ويتسحر ويفطر كلمات ,, المعهد قوي ويعلمك صححح ولكن يبيلك تجد وتجتهد مو تخليها على باب الله وتقول المعهد يكفي , إذا كان كذا تفكيرك فأنصحك ما تجيه وتخسر حول 16 ألف ريال خلال شهرين

من ناحية الاعتراف فالجاااامعه ترتيبها الخامس أكيد معترفه والسعوديين تقريباً في الجامعه بكل مستوياتها ومستويات المعهد تقريباً 140 طالب حتى الآن ,, المعهد للي على حسابهم الخاص مقبول من قبل الملحقيه ولكن المبتعثين يدقرون لهم ومع الاصرار وكذا والأخلاق راح يحولونكم له

أما التخصصات فأنت يا حبيبي مثل اللي يروح بحر ويسأل إيش نوع الأسماك اللي فيه ,, وهو راح يلقى أغلب الأسماك اللي بالعالم موجوده بهالبحر

موووووفق ...,

ورايتك بيضاء عزيزي ,, المعهد قوي لدرجه ما تتصورها بالرغم الدوام أربع ساعات فقط , ولكن القوه تعتمد على التدريس وليس عدد الساعات
ولكن المعهد ما يأهلك لدخول الجامعه التابع لها اللي هي جامعة بنسلفينيا ,, ومن الأساس الجامعه ما تعطي قبول مشروط خيير شررر

الله يجزى الجميع كل خير ....,

قلت قبل المعهد والجامعه قويييه ولكنه غاالي ,, برأيي لكل شيء ثمممممن
الديره جامعيه بحته , فيه فله وكذا وما تخسر شيء كثير , كل شيء بالباصات يعني وبعيده شوي
يعني أنا ساكن بالداون تاون اللي هو وسط المدينه , أقرب شيء لي حق فللله تقريباً 18 كيلو شيء زي كذا
أمس رحنا أنا وأخوياي بالباص لين النهر بنص الطريق ,, واقترحت عليهم نكمل باقي المشوار مشي تقريباً أبو 6 كيلو , أصلاً نبي نتمشى حنا مو داخلين شيء ولا شيء ما غير نبي إيكيا وكم محل زيه وكلها جنب بعض
صح إنه حرر تقريباً درجة الحراره توصل 32 درجه وصايمين وكان وقتها العصر ورطوبه بعد ,, لكن الحمد لله ما تعبنا ذاك التعب

من ناحية المصاريف فلا تسأل دائماً عنها ,, أي أحد تسأله عن مدينه معينه واشنطن فلادلفيا نيويورك اسأله عن أسعار الفنادق والسكن والعائلات لأنها تقريباً ثابته على الكل ,, لكن لا تسأله عن الصرف وكذا لأنه تختلف من شخص لشخص
والأكل ترى سهل وبسيييط , أنا والعيال نفطر على شيء جاامد ونجلس عليه طول يومنا , أو نفطر على تمر ومويه وبعد العشاء نعطيها أكله جاامده وتكون سحورنا , يعني سحورنا وفطورنا واحد أغلب الأيام لأنه ما فيه وقت أصلاً بينهم


مووووفق .....,

اخوي انا معهدي ما اختبرنا تحديد المستوى وسالت المدرس قال مافي اختبار تحديد مستوى وكافتينا في كلاس واحد فقط نحن السعودين يعني الكلاس مافيه غير
6سعودين ولا احد من جنسية اخرى , وقالي مافيه كتب !! واللي يدرسنا مدرس واحد فقط واشعر باني لم استفد منه ولا شي يعني نداوم بدون كتب علما بانه معهد اكاديمي وتابع لجامعة millikin universty
في ولاية الينوي مدينة decatur
وتخيل ما بدينا الا قبل اسبوع ويقول عندكم في 6سبتمر برزينتيشن نشرح امام الطلاب الفرنسين اللي هم في كلاس اخر ,طيب كيف اشرح وانا ماعندي انجلش
والدوام اربع ساعات في اليوم ,
ابي رآيك هل استمر فيه ؟ او كل المعاهد مثلنا , ياليت تعطينا انت والاخوان رايك

شكرا لك عن المعلومات
انا محتاج معهد وجامعه ارخص
ويعطيك العافيه

حياك أخوي ,, الله يعافيك الموضوع وااضح أنا أقدم لك خدمه لو تبي المعهد , لكن نصيحةروح هنا أو هنا ومن هالكلام فأنا ما أقدر أنصحك طالما إني ما جربت المعهد
المعاهد مو كلها سوا , فيها القوي والكويس وفيها المخيس الضعيف

موووووفق ....,