تقرير حجز اقرب فندق من الملحقية .. مدعم بالصور و الراوبط

يعطيك ألف عـآفية أخوي إياد

صراحة والله تعجز الكلمات عن وصفك

إنسان ما شاء الله عليك دايم تنزل بالمنتدى

مواضيع مهمه وهادفه جدا ً يستفيد منهـا الكل

تحيـآتي لك يالغالي

بس ياليت تشيك ع روابط الصور لأن مو شغاله معي

ما أدري هل الخلل عندي أو في الموقع اللي رفعت عليه الصور

مشكووور اخووي موضووع مميز كصااحبه
بس ياشباب نورونا هل فيه استقبال بالمطار وهل التسجيل صاار عن طريق الموقع ماله دااعي الروحه لواشنطن
لان فيه نااس يقولون لازم تمر واشنطن لان الموقع مايمسك وتعبان ولازم تمر على الملحقيه افضل
تكفون اي احد راح قريب لامريكا يعلمنا بالاكيد

مين قال لك ما تستقبل ؟ اخوي لما راح استقبلوة و المشرف شالة من الارض شيل و ماقصر معاه بالعكس خدمة ، على العموم اذا انت خايف روح بنفسك ولكن قبل لا تطلع من السعودية كل الاوراق الي يطلبوها منك الملحقية ارفعها على ايميلك بالاسكانير و لو وصلت و غثوك بكل بساطة الملحقية فيها مكان مخصص فيه كمبيوترات تقدر تستخدمها و ترفع اوراقك بعد .

شوف يا اخي ، الي الان الموقع عقيم و بطيئ جدا ، و اضن انه مربوط بالرياض و الرياض عندهم اجازة لانه اخوي رافع طلب و محد رد عليه الي الان !! فروح بنفسك نصيحة . اخوي رفع عن طريق الموقع و في النهاية النتيجة كانت 5 اسابيع انتظار لا و بعد لما راح لهم قالوا له انه مالك ضمان مالي و ضمانك بالوزارة ماجا !! يعني فيه تخبط اكثر من كذا !

شكرا لك يا اخي .. ابد في خدمتك و خدمة الاخوان في اي وقت . غريبة الصورة طالعه عندي لاني رافعها على سيرفر الموقع ؟ ان شاء الله في نهاية هذا الاسبوع اذا الله اراد بعدلها هي و موضوع وصولي لامريكا

نعم فيه استقبال يا اخي للدارسين و المبتعثين ، و ممكن تفتح ملف عن طريق الموقع بس لا تنصدم لما تشوف الطلب مرفوض بسبب غبي مثلا يقول لك افتح ملف مبتعث جديد و بعد ما ترفعه ينرفض علشان ماعندك قرار ابتعاث !! على الرغم انك دارس على حسابك و ماعند قرار ابتعاث .

الله يعطيك العافيه اخوي اياد وماقصرت الله يبيض وجهك على هالخدمات الطيبه منك ..

انا كان عندي استفسار لكن حصلت جوابه من ردك على الأخ ابو لارا

الله يعافيك
تحت امر يا اخي

اخوي ايااد ابي منك طلب لو تكرمت علينا

ابي تعطينا رابط الاوراق اللي نعبيها وحنا في الطياره

اذكر انت نزلتها او واحد من الشبااب

تكفى ياخووك محتاجينها

بانتظارك

مافي أوراق تعبيها بالطيارة يا عزيزي غير منوذج الجمارك و الـ I-94 و هذه الاثنين يسلموك هي في الطيارة

حيرتونى ناس تقول روحوا وناس لا ............؟؟؟؟؟؟؟؟؟؟؟؟؟؟؟؟؟؟؟

حتى أنا والله محتاااار بس لفكرت كوني أمر على الملحقية صحيح يمكن أخسر وقت وجهد ومال بس اعتقد كله يتعوض أمام
فتح الملف والحصول على الرقم الطلابي والضمان المالي مقابل تعطل أو تأخير المعاملة في النظام ، ولا أضطر أرجع مرة ثانية للملحقية.
تحياتي لكاتب الموضوع ولمن فتح نقاش المرور على الملحقية.

يعطيك العافيه اياد. ابيك تذكر لي الاوراق المطلوبه ل فتح الملف والضمان المالي لي وللزوجه ماراح اطلع من واشنطن والملحقيه الا مخلص أموري بحول الله