الأعضاء الإشتراك و التسجيل

الملتقيات
ADs

طبيعه الحياة في أمريكا !! ومرحله تعلم اللغه .. الكوابيس السوداء !!

طبيعه الحياة في أمريكا !! ومرحله تعلم اللغه .. الكوابيس السوداء !!


NOTICE

تنبيه: هذا الموضوع قديم. تم طرحه قبل 2298 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية someone in somewhere
    someone in somewhere

    مبتعث مستجد Freshman Member

    someone in somewhere الولايات المتحدة الأمريكية

    someone in somewhere , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى طالب ثانوي قسم اداري , بجامعة مدرسة !!
    • مدرسة !!
    • طالب ثانوي قسم اداري
    • ذكر
    • جدة, فرجينيا
    • السعودية
    • Apr 2011
    المزيدl

    August 29th, 2011, 04:07 AM

    أهلا شباب .. انا بحثت في النت عن الموظووع اللي بتكلم فيه .. بحثت في المنتديات وأيظا في اليوتيوب بس مالقيييت اللي ادور عليه .. نفسي اعرف كيف الحياه الطبيعيه في أمريكا ؟؟ وكيف الواحد يقووم ويرووح للمعهد او الجامعه وكيف الناس يتعاملون معه او العكس اذا ما يعرف انجليزي ؟؟ كيف اتفاهم مع العائله ؟ كيف اعرف قوانينهم كيف اظحك معهم كيف طبيعه حياتهم كيف اطلع معهم؟؟
    والله اني شايل هم مرحله تعلم اللغه الانجليزي يلخبط متى احط of بين الكلام ؟؟ ومتى استخدم do او did في كلمات ما افهمها ..واترجمها واعرف معناتها .. يعني مو معقوله أي كلمه بتواجهني بترجمها .. بتعب كذا مرره ..والمشكله الكلمات اللي ترجمتها نسيتها !!
    عندي استفسارات وعندي كلام كثيير بقلبي مس مني عارف كييف طالعه
  2. مرحبا اخوي بقولك على نصيحه اللي يخاف من المغامره عمره ما راح يحس بطعم النجاح او حتى الفشل مجرد انك تفشل بعد الجازفه افضل واخير من انك ما تجرب المغامره ابد وانت قاعد تسوي لنفسك جسر نفسي من الخوف كل اللي راحو واللي بيروحون ما يعرفون شي وانا اولهم غيرك جازف بوظيفه وتركها علشان هذي الفرصه وانا كنت بفتره مثلك اي خطوه اخذلها الف حساب وما تتخيل كيف اتوتر واسأل وابحث عن الاستفسارات لحد ما نصحتني وحده من صديقاتي وقالت (الشي اللي ما يؤدي الى موتك خوضيه ) ومن بعدها خلاص تغيرت يعني بالنهايه اسوء الامور الي بتحصلك هناك ايش اسوء الامور هي انك بتستفيد لغه وبترجع لاسمح الله وبتكمل حياتك ...... اعقلها وتوكل
    7 "
  3. يسعدك ربي لا تعقد الامور قدامك ... ايش الي كيف اضحك معاهم ؟ عادي ياخي زي دايما صار شي يضحك اضحك... بس

    و بالنسبه لـ اللغه و متى تستخدم اوف و مدري ايش

    هاذي ان شاء الله حتاخدها في درساتك لـ اللغه و مع الوقت راح تمسك معاك


    وانا الحمدلله انقبلت في الجامعه والين دحين مع الاسف يعني ماني قادر ازبطها

    بس ماهي مشكله لانه مع الوقت راح تتعود

    و نصيحتي لك حاول انك توزن بين الدراسه و بين الترفيه عن النفس لانه لو خليت كل تركيزك في الدراسه راح تقعد بعد فتره معقد نفسيا و الدليل البروفيسور حقي يلبس نظارتين نظر يعني ما ابغاك تصير زيه و برضك لا تشغل نفسك بالخروج و لعب الكوره مثلا لفترات طويله يعني بإختصار.. احسبها صح

    و بالنسبه للامور الثانيه ان شاء الله مع الوقت تعرفها و انت خليك محترم و محد راح يتعرضلك ( الا المدمنين :P ) بس ما عليك منهم ما يسوو شي بس يتكلموا

    و نصيحه مني لك .. لو انت حتستخدم مواصلات عامه خلي عندك اما آيفون أو بلاك بيري ..... راح يسهلو حياتك مررره يقلك متى يجي الباص و من فين تاخده و متى موعد الوصول ( بالايفون شوف برنامج خرائط او maps ) و البلاك بيري ما اعرف بس صاحبي كان يستخدمه )

    وبالنهايه الله يوفق الجميع و يوفقنا


    واي استفسار ان شاء الله اقدر اساعدك فيه
    7 "
  4. النصــائح كثيــرهـ في ذلك::.
    لكن عليــك بقــراءة المــواضيع التــي تخبــرك عن طبيعــة الأبتعــاث هنــاك...
    بالنسبــه للغــه..فنصيحة الســابقين والآخــرين لا تأتــي الــى بلــد الأبتعــاث صفــراً في اللغــه..لأنــك ستجنيــه لا حقــاً في أول الأبتعــاث بصعوبــة الأستيعــاب والتأقلــم بسرعــه ..لكن أبــدأ بتعلــم اللغــه من الآن بدورة أو بدراسة كوورس...الخ
    واستغــل الوقــت قبــل أن يذهــب حتــى تنطلــق هنــاك في اللغــه وتبــدع وتجتــازهـا بســلام::.
    مشكلــة أغلبيــة الطــلاب يأتــون الى الدولة وخلفيتهم باللغــه هــي:Yes And No فقط ويظــن نفســه ملك الكثيــر..وعندمــا يأتــي الـى هناا يعــاني في اللغــه لضعف خلفيتــه فيهــا فيمكــث الى ماشاء الله في سبيل استيعابهاا فقط ثم يتدارك بالفهــم...فيتداركــه الوقــت..فيكون مـع سبــاق محمــوم لئــلا تنتهــي مرحلــة اللغــه وهــو لــم يجتــازهــا::.

    في أمان الله..

    7 "
  5. شوف انا مو مبتعثة .. دعواتك تتيسر اموري وابتعث ...

    لكني استفدت من موقع ..

    هو اجنبي لكن طريقته واسلوبه في التعليم روعة ..

    بصراحة كنت مسجلة في معهد في السعودية وسحبت عليهم لاني لقيت الموقع افضل بكثير من تعليمهم

    فكرة الموقع البداية من الصفر للنهاية ...

    ما اعرف مستواك في الانجليزي لكن اظنك راح تفهم له ...


    هذا الموقع :

    http://www.usalearns.org

    بالنسبة لتأقلم مع الشعب حسب ماسمعت مره انت غريب بكرة تكون من اهل الدار ... بس عط نفسك وقت ..

    ولا تنساني بدعوة ..
    7 "
  6. المشاركة الأصلية كتبت بواسطة همتي سحاب
    مرحبا اخوي بقولك على نصيحه اللي يخاف من المغامره عمره ما راح يحس بطعم النجاح او حتى الفشل مجرد انك تفشل بعد الجازفه افضل واخير من انك ما تجرب المغامره ابد وانت قاعد تسوي لنفسك جسر نفسي من الخوف كل اللي راحو واللي بيروحون ما يعرفون شي وانا اولهم غيرك جازف بوظيفه وتركها علشان هذي الفرصه وانا كنت بفتره مثلك اي خطوه اخذلها الف حساب وما تتخيل كيف اتوتر واسأل وابحث عن الاستفسارات لحد ما نصحتني وحده من صديقاتي وقالت (الشي اللي ما يؤدي الى موتك خوضيه ) ومن بعدها خلاص تغيرت يعني بالنهايه اسوء الامور الي بتحصلك هناك ايش اسوء الامور هي انك بتستفيد لغه وبترجع لاسمح الله وبتكمل حياتك ...... اعقلها وتوكل

    كلاامك راااائع ،،

    والمفروض نطبق هالكلام في جميع الأمور حتى مو بس الدراسه
    7 "
  7. المشاركة الأصلية كتبت بواسطة someone in somewhere
    والله اني شايل هم مرحله تعلم اللغه الانجليزي يلخبط متى احط of بين الكلام ؟؟ ومتى استخدم do او did في كلمات ما افهمها ..واترجمها واعرف معناتها
    السلام عليكم ..

    تستخدم OF في الجمله للملكيه وكذالك s' يعني بتقول [ صديق احمد ] تقدر تقول Friend of ahmed او Ahmed's Friend
    وتستخدم Do للسؤال يعني مثآل .. do you like this ? يعني هل ترغب هذا او تحب هذا
    وتستخدم Did للسؤال ايضاً لكن في صيغة الماضي مثال .. Did you make a food ? يعني هل اعددت الطعام ؟

    اسف لان فيه ناس افهم مني باللغه لكن حبيت اساعدك وان شاء الله توصل لك المعلومه ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.