استفسار حول تعبئة ابلكيشن الفيز وحجز الموعد

السلام عليكم ورحمة الله وبركاته

تحية طيبة يا شباب وشبابات امريكا ... ( :


انا ابغا اعبي الابلكيشن واخذ موعد للفيزا لاخوي بيدرس لغة هناك لمدة سنه

واخذت روابط السفارة لتعبئة الابلكيشن من مواضيع سابقة بس عشان المنتدى مايطلع عندي تواريخ المواضيع وخايف تكون روابط قديمة


وعشان اقطع الشك باليقين بس تاكدون لي لاهنتوا انها روابط صحيحه او لا

رابط تعئبة الابليكيشن ...

http://ceac.state.gov/GENNIV/Default.aspx

رابط حجز موعد

http://ksa.us-visaservices.com/Forms/DetermineTCN.aspx


ولانه بيدرس في معهد لغة اعتقد نوع الفيزا F1

اخر شئ من خبرتكم بالامريكان وتعاملهم وش المعلومات المهمه عندهم واللي ممكن لو فيها خطأ بسيط وغير مقصود يسبب رفض للفيزا ... ( لان ثقافتي فيز البرتش وبالسعودية أفيز للصاعيده والهنود ولعيال عمي بالديرة اذا راحوا جدة ... (-:


بانتظاركم .. فضلا ً لا امرا ً

.

ايوه الروابط صحيحه...
اما المقابله اسهل مايكون...بس اهم شي الصدق والثقه...وتكون اوراقك كامله من شهاده بنكيه وكشف حساب وقبول معهد وتسديد الرسوم كل شي كل شي يكون معك..

وقبل كل شي التوكل على الله وحسن الظن به...

بارك الله فيك اخوي

وجزاك الله كل خير

الروابط صحيحة ومترجمة باللغة العربية بس اهم شيء تكون اوراقك كاملة من تسديد الفيزا والسيفس وعناوين الملحقية والمعهد وعنوانك بالسعودية .. راح تحصل شروحات عن هذا الموضوع كثيرة في هالمنتدى والله يعينك على تعبئة نموذج DS 160 أخذ معي ساعتين وانا اعبيه متعب شوي بس حجز الموعد تخلصه بدقيقتين .. طبعا كل معلوماتك في ابليكيشن التقديم لازم تكون صحيحة وصادقة :o ...

اقتباس:

---

المشاركة الأصلية كتبت بواسطة Sandra Bullock

الروابط صحيحة ومترجمة باللغة العربية بس اهم شيء تكون اوراقك كاملة من تسديد الفيزا والسيفس وعناوين الملحقية والمعهد وعنوانك بالسعودية .. راح تحصل شروحات عن هذا الموضوع كثيرة في هالمنتدى والله يعينك على تعبئة نموذج DS 160 أخذ معي ساعتين وانا اعبيه متعب شوي بس حجز الموعد تخلصه بدقيقتين .. أما بالنسبة للمقابلة بالنسبة لي كاانت سهلة مااخذت اكثر من دقيقة ونص ههههه يمكن لاني ضمن برنامج الابتعاث مشوني بسرعة )

---

بخصوص حجز الموعد كيف طريقته؟ وش اقرب موعد حصلتيه؟

اقرب موعد بتلاقيه على نفس موقع حجز الموعد اللي حطيت رابطه فوق

https://ksa.us-visaservices.com/

بتلاقي في اخر الصفحة اقرب موعد لقنصلية الظهران - وقنصلية جدة - وسفارة الرياض على حسب انت وين ناوي تحجز في اي مدينة الان في الرياض اقرب موعد بعد 13 يوم اما بخصوص الطريقة اكتب في قوقل طريقة حجز موعد بالسفارة الامريكية بتلاقي مواضيع كثيرة تشرح لك الطريقة وبالصور .. وحتى نموذج DS 160 اكتب بقوقل طريقة تعبئة نموذج DS 160 بتطلع لك شروحات بالصور .. ولاتنسى ان الموقع نفسه يقدم خدمة الترجمة للعربي بس خلي الماوس على الكلام بتطلع لك الترجمة فوقه .. بالتوفيق ان شالله

Sandra

شاكر لكِ وجزاك الله كل خير

النك نيم تبعك ِ يذكرني بوحده كانت رائعه جدا وماراح انساها .... مُدرِسه طبعا ً

شكل اذا جاني بنت بسميها ساندرا ... هذا اذا ماقابلت عجوز نفسها شينه واسمها ساندر وقتها اكيد راح غير رايي ... ):

تحياتي وشكري مرة اخرى