****كل عام وانتم بخير الموضوع عجبني وراح اسرد لكم اللى صار معاي اليوم اول ايام العيد في المدينه المنوره بعنوان ****
( يافرحه ماتمت)
الاحداث بدأت من وقت اعلان روؤيه هلال شوال يعني قبل العشاء الى الان وانا بكلمكم
طبعا الناس في العالم بشكل عام واحنا في المدينه المنوره بشكل خاص مترقبين رؤيه هلال شوال
بمجرد اعلان الخبر رحت قولت للعائله وماادري الا .............................. دقت ساعة الزكاه , دقت ساعه الحلى ..... دقت ساعه الهدايا ,, لارجوع لارجوع
دقت ساعه الترتيب ........,دقت ساعه التنضيف .........دقت ساعه الكرف ...............لارجوع ..لارجوع ,,,,الى الامام الى الامام .... روح جيب روح هات ........الى الامام الى الامام .... . ..وديني , وصلني
العائله الموقره الله يحفضها مالها غيري(( بعد الله)) مسؤول ورجل البيت الطلبات انهالت عليا من كل حد وصوب .... فكرت للحضه وقولت ## هوا يوم وفرحه لهم ## راح اخلص بدري والبي طلبات العائله بسرعه
**خلو بالكم انا مااشتريت ولاشي للعيد البته ** وكنت معتمد على صديقي العزيز (عنده محل ملابس واسمه البقشه) يوصلي الملابس دليفيري لما يخلص دوامه .
قلت بدل مااخد افراد العائله كل علا حدا لمشواره اخدهم كلهم سوا ونتمم كل شي ورحنا .. اول مشوار كان المستشفى عندنا مريضه ولازم تعمل فحوصات .خلصنا وكله تمام للان
الان دور الشوكلاته والهدايا مريت علا مجمع الحلويات والمحلات , الطريق كان جدا جدا زحمه والسير جدا جدا بطيء حدنا وصلنا انتشرو الافراد وكل نفر على محل وانا صرت وقتها بيبي ستينج لان هبه ولينا نامو ومش معقوله اتركهم لحالهم في السياره .
عالطاير اخدت كوفي وانتضرت نص ساعه وبعدها صحيو الاطفال من النوم وجلسو يبكو ويبغو امهم شلتهم ادور امهم في الزحمه حيث الظلام الدامس يغطي ارجاء المكان وكانها سحابه سوداء من كثر النساء المهم دقايق ووصلت الامانه لامهم وجيت امشي انتضر في الخارج : الام فين رايح البزوره مراح يخلوني اعرف اشتري !!! ابغاك تمسكهم .. رديت: اوك لاتاخريني ترا ورانا كم مشوار. الام :طيب... اخدت الاطفال وقلت اخرج بره نشم هواء ونبعد عن الزحمه ماادري الا لينا وهبه خامشين حلويات وماسكيينها وخارجين .. احد عمال المحل كان يراقب طليت فيه باحراج وقلت له الحساب عندي . رد : كل عام وانت بخير .
دقائق وخلصت ام هبه ...المهم خرجت قلتلها انتضرني هنا في الاستراحه اشوف الفرقه التانيه في المحل التاني حق الهدايا.. رحت المحل التاني ولقيته غيمه ولاكن من نوع تاني,, اطفال قلت :لا اله الا الله وحاسبنا بعد مامسكنا طابور الجمعيه .
الان قلت الحمد لله خلصنا نخرج ناخد ام هبه ونركب السياره لاكن المفاجاءه كانت في الانتضار!!! لينا شردت من امها ودخلت محل صحون وكريستال جريت زي الفارس المغوار عالمحل الا والاقى صاحب المحل شايلها وجايبها ليا وقال ماتخاف هيا في امان. رديت عليه: مشكور انا خايف عالمحل تكسره مو عليها
.. أبتسم ومشينا عالسياره .
الان خلصنا من موضوع الشوكلاه والهدايا على الساعه 1 واتجهنا نشترى زكاه الفطر .. في الطريق مرينا علا كم مطعم وكنت جيعان فقلت : ايه رايكم ناخد تيك اواي من ماكدونالدز ؟ العائله الكريمه يالا يلا بصوت واحد. قلت في نفسي الحريم لو تقلهم تجو معايا الشمس يقولو قدااااااااااااااام .
رحنا ماك دونالدز والساعه 1:30 عبال مااخدنا الاكل ووقفنا في حديقه ناكل جات الساعه 2:30 الوقت اتاخر .. شويه واتصال من وحده من صديقات الاخوات الكريمات وبعد البربره
اختى : نبغى سلوفان وشرايط نغلف الهدايا والشوكلاه!! ليومك دا ماعرف ايش هوا السلوفان!!! ,, المهم رحنا كم مكتبه وكلهم مقفلين. وشويه مريت علا محل واخدنا زكاه الفطر .الخطوه الان نتحرك باتجاه محل كنت ابغى اخد منه شبشب شرقي ^ ^ وانتو بكرامه
شويه واتصال تاني من ابو هبه : كيفك خالد الحمد لله ليه اتاخرتو ؟ زحمه وقرف .. شويه كلم ام هبه وطبعا مستعجل ومنتضر زوجته تعمله العشاء . قلت اوك مو مشكله ارجعهم كلهم الاول وبعدها ارجع عالمحل اشتري براحتي
بعد ماوصلت ام هبه والاخوات الكريمات كانت الساعه على 3:30 رحت المحل واشتريت الشبشب ^ ^ الشرقي وانتوا بكرامه ومشيت ( طبعا انا معتمد الان عالبقشه يجبلي باقي الاغراض) شفته اتاخر عادته يخرج علا ثلاثه ونص اخدت الجوال اتصل عليه جواله مقفول مو عارف ايش الهرجه الشبكه ولا ماسدد فاتوه ! ! ! وطبعا مستحيل امره المحل الا اذا كنت ابغى ارجع عالفجر .. المهم نطيت على محل و2 وخلصت ملابسي وانا راجع نسيت انو صاحبي ابو وافي طلب مني ارجعله شاحن الكمره حقته يبغى يتصور .. رحت محله وكان قريب اعطيته الغرض شويه امى الله يحفضها ويحرسها تتصل: ياولدي الله يعطيك العافيه جبت الامبا والجبن والحلاوه والزيتون ؟ رديت : الان انا جنب السوبرماركت جبت الاغراض ولما رجعت قالت الساعه 4:10
ا اول مادخلت البيت حطيت الاغراض ورحت اسلم عالوالده وعلى غرفتي ارتاح.. بعدها اختي العزيزه الكريمه تناديني خالد متى نروح الحرم؟ رديت المسجد مره قريب واليوم الخطبه 5 نجوم . الاخت : احنا نبغى المسجد النبوي واقاربنا راح يجو وجبنا هدايا للاطفال.. قلت لا ...... شويه مااشوف الا دمعتين علا كلمتين واخوكم يقول حاضر
### هوا يوم وفرحه لهم ###. انا طبعا لاحلقت شعري ولااتحممت ولاكويت ملابسي ولاشي ... قلت اوديهم وارجع اتكشخ براحتي وارجع تاني المسجد النبوي .
عبال ماجهزو الساعه كانت 5 ونص .. لو سوبرمان مراح الحق اوديهم وارجع البس واروح الصلاه.. قلت في نفسي
### هوا يوم وفرحه لهم ### خليهم ينبسطو وانا مو لازم اصلى العيد برجع البيت اخلص اموري وارجع اخدهم بعد الصلاه
طبعا الطريق زحمه ووصلتهم بالسلامه وقلتلهم حرجع اخدكم من نفس المكان .... (الوضع الان كالتالي اتخيلو معايا انا لابس ثوب النوم والشعر مشعتر والحاله سيئه) عمال اسوق بشويش والناس لابسين شياكه والكل فرحان ..قلت برضه دا يوم واحد خليهم يفرحو ويدعولي.. المفروض ارجع من شارع عام وجدا مفتوح وعمره مااتقفل .. كل مامشي الشارع يضيق من الناس يمين وشمال لما حاصروني من كل الجهات والكل بس يلاقي مكان في وسط السكه يفرد السجاده ولاكانو صار شي..شويه الاقي شرطي محترم قلتله: عيدك مبارك كيف الهرجه؟ قلي : النيه قيمر ^ ^ بعدها سألني: حتصلي؟ قلتلو: لا يابويا امي مريضه وابغى الحقها اديها الدواء وكمان شوف حاللتي كيف مالبست ..وطلعت انواع التأليف والصرف
.. الشرطي رد بابتسامه ولسانه حاله يردد: (((الشعب يريد الصلاه !!!!))) وقتها شعوري :
رجل تائه في وسط المحيط الناس ورايا وقدامي ومن الجنبين جالسين ومابقي الا ويجلسو فوق السياره .. وقتها خللللللالالاص بركان انفجر
وحسيت اني ابغى اسوي شي..
طبعا اخدت الجوال واتصالات ووو وخصااااام
ودا الوضع وقتها .....
ملف مرفق 14581
ملف مرفق 14582
ملف مرفق 14583
الموقف كان محرج لا عرفت اصلي ولاعرفت امشي والناس تطل فيا وانا اوزع ابتسامات من فم الكاسه وكل واحد يطل اقله عيدك مبارك ( اصرف الهرجه)
اتعوزت من الشيطان وهديت شويه ...... دقائق وقلت دي فرصه اصور الناس وكان منضر جميل
خلصت الصلاه ورحت جبت الانسات وفي الطريق ولا اتكلمت ولا كلمه ( لما يرجعو اوريهم) والكل يرتعد وخائف
وصلت البيت وبعد شويه مناقشات وجدال صدر القرار الجمهوري التالي:
1- صلاه أي عيد راح تكون في المسجد المجاور
2- الاعتذار ومزيد من التقدير للاخ الكبير والرجل الاول في العائله
3-يرفع الامر وينفذ من الان
نتائج القرار:
1-علبه شوكلاه فاخره من الاخوات القديرات
2-احلى فطور والذ اصناف الاكل ,وطبعا كله من يد ((مربوعه)) الخادمه
3- اليوم مافي خرجه الا لزياره الاقارب وتاديه الواجب
ملف مرفق 14584
ملف مرفق 14585
*** بعد تسويه الامور وعمل الهدنه رحت احلق واجهز نفسي الضيوف عالطريق جايين....
ملابس العيد ( انا جدا معجب بالزي الاماراتي ودائما البسه سواء في العمل او المناسبات باستثناء وقت السفر للخارج)
((خلطه الزي الاماراتي))
1 الثوب
ملف مرفق 14586
+
2 العمه
ملف مرفق 14587
+
3 الله يكرمكم الشبشب ( الصندل) ^ ^
ملف مرفق 14588
+
4 السبحه
ملف مرفق 14589
+
5 الساعه
ملف مرفق 14590
(6 الخيزرانه ماصورتها مراعاه لضعاف القلوب ^ ^
=
ودي النتيجه
ملف مرفق 14591
وصرت اغنى خمس الحواس looooooooool ثقيله صح؟ استحملو مواصل (32 ساعه) لاجل عيون المنتدى وعشان نعيش اللحضه سوا
المهم الان بداء الزوار بالتدفق على البيت والبخور يغازل ارجاء المكان
ملف مرفق 14592
ملف مرفق 14593
وبعدها بدأنا بتوزيع الهدايا والشوكلاه للاطفال
ملف مرفق 14594
جاتني همس تقول: خالو خالو ايش هادا شوكلاته ولا ايش ؟؟؟ رديت : دي ياحبيبتي مظله روحي اطلعي الكنبه ونطي وانتي نازله اضغطتى عليها تنفك وتنزلي بشويش ^ ^ طلت فيا كانها مابلعت الهرجه ومشيت
***المشاغبين ***
همس طارق وهبه
وجو الجيران ومن الحاجات الحلوه ان جارنا البريطاني اول مره يحضر العيد بالسعوديه وزارنا هوا واهله
اتقهوينا واتبادلنا التهاني وفتحنا نقاشات مرات كانت حلوه ومرات بيض ^ ^
بعدها جاء الفطور تسلم يد مربوعه .......... اااااااوه قصدي اخواتي العزيزات
وكلمنا الجلسه جات الساعه 10 والبطاريه تقول خلاص وانا اتكلم مع الضيوف وكل 5 دقائق واتثاوب ولا احد عندك جارنا البريطاني عذرته قلت امكن عندهم التثاؤب غير شكله ولا له معنى تاني ولا عادي عندهم looool لاكن رحيمي كل مايشوفني كده يقلي كلمهم يسووو شاي ^ ^ شويه اقله السكر خلص
علا 11 الضيوف خرجوا من البيت وقتها رحت لغرفتي ................. فكرت للحضه وقولت ### هوا يوم واحد فرحه لهم ###
................. ومات البطل
^ ^
تحياتي للجميع واتمنى ان الموضوع عجبكم وكان خفيف عليكم وان شاء الله لنا لقاء
اخوكم
Madina Man
V
V
V
V
cast
العائله الكريمه
madina man
همس, هبه, لينا
الشرطي
صاحب محل الصحون
وبـلاش تشـائم وأحـزان. ترى حنـا بعيـد مب عزاء والحمد لله الأرض مليانه سعـودييـن ومسلمين من جميع الجنسيات
وأكيـد كل مدينه فيها نادي وطلاب سعوديين أو عالأقـل فيها مسلميـن بس مشكلتكم ماتبحثون بالنت وتشوفون وين تقام صلاة العيد أو ويـن يتم الإحتفـال بالعيد
وكل واحد منا هو اللي إختـار يتغرب عن ديرته وأهله. محد مجبـور يجي هنا. وأنتم جـاييـن كلكم تبون تتعلمون وتطلعون بشهاده ترفعون روس أهلكم فيها ومافي شئ يجي بالسهـوله.
تحيـــــــآتي للجميـع وشكـراً لكآتبة الموضوع وكل من شارك وهنى بالعيد.