السعودية تخطئ للمرة العشرين في تحديد هلال العيد + فيديو.

حبايبي وين الغيرة على الوطن هذا الي حاط الفيديو وين غيرته على الوطن؟؟؟!!!!
حبيبي صاحب الفيديو لازم تعرف انه من زمان حكامنا الله يرحمهم ويغمد روحهم الجنة ويطول بعمر ملكنا دائما يشككون في حكمتهم...
ايش الكلام الفاضي الي طالعين فيه هذي اليومين من جدكم انتوا شي زي كذا حكومتنا تتهاون فيه.. حبايبي حكومتنا من احرص الناس على الدين ... رجاء تغيروا التفكير ذا... حكومتنا في ذمتها شعب + معتمرين بالملايين... وربك زارع فيهم الحكمة وخوفه.. لكن ماستغرب من قناة الجزيرة والعبرية الكلام ذا اذا احنا شباب المملكة نصدق ولا بعد ننشر الكلام الفاضي هذا...
حسبي الله على كل من يحاول محاربتنا اعلاميا وفكريا....
مودتي,,

ياخي من جد شعب ( ............. ) الناس وصلت خل نقول كوكب بلوتو مابي اقول القمر قديمة .. وهذولا يشوفون الهلال بالعين المجردة واحنا عندنا اكثر من فلك ف جدة والرياض والشرقية المفروض هذا الأمر يرجع لعلم الفلك .. لكن الحكومة موكلة الأمر لبدو أهل سدير .. مدري اهل سدير عندهم " زرقــاء اليمـامـة " وانا مدري .. اش هالتخلف !! كل المصادر الفلكيّة ( السعوديـــــــــــّـة ) اثبتوا ان يوم الثلاثاء هو يوم الثلاثين من رمضان وأول أيام العيد هو يوم الأربعاء .. والملك عبدالله قام بدفع 6 مليارات كـ كفارة لنا .. ( الدنيا على كيفه ) هههههههه ... ولا هالمليارات بتروح على المغرب ولا لبنان .. لا تعليق

مرصد الأستاذ أبي فهد بمنطقة سدير من أفضل المواقع لارتفاعه وأظنه 900 متر عن سطح البحر وليس أمامه ما يحول دون الرؤية فتخرج اللجنة يرأسها رئيس المحكمة بحوطة سدير ونائب رئيس مركز حوطة سدير ومجموعة من المشهورين بالرؤية ثم يتجه إلى مكان الرؤية وعند كل راء ٍ حاسب فوق رأسه فإذا رآى الرائي الهلال رفع الرائي يده ليبدأ الحاسب بحساب وقت الرؤية ويشير للقاضي بأنه رآه حتى يغيب الهلال عنه فإذا غاب الهلال أنزل الرائي يده فيوقف الحاسب الحساب وتجلس اللجنة على قطعة زل مفروشة ينتظرون الخبر ومن دقة أبي فهد وثقته يجعل نفسه آخر من يخبر بشهادته لئلا تؤثر على غيره ولاشك أن هذا الاحتراز جميل وجيد وله فوائد كثيرة ثم يسأل القاضي كلاً على حدة ويقول أبو فهد : اذا رأيت الهلال وقطعت برؤيته كما رؤيتي لضوء الشمس في النهار ( انتبه) ولم يلتبس على شيء شهدت بما رأيت وللقاضي الحكم بالرؤية من عدمه واذا صادق بها القاضي ضبطت الشهادة في المحكمة ورفعت لمجلس القضاء الأعلى ومن ثم تم اعلان من الديوان الملكي ونحن في هذه البلاد ولله الحمد نعتمد على ما حكم شرع الله به.


اجل اهل سدير بدو خخخخخ اقول الله يخلف على المسلمين امثالك عزيزي .

اول شي هذا شأن داخلي بالسعوديه وش دخل ام الجزيره ...ثانيا .. الموضوع انتهى والي فات مات وعيدنا وفرحنا ليه الحقد ع السعوديه وموضع مستفز السعوديه تخطأ للمره العشرين

خبر غير صحيح قطعياً ....,

انت اكبر من انك تحط بنية الشخص
هو ما قال انا مع الفيديو ولا قال انا ضد
كل الحكاية انه نقل هالموضوع ولربما حابب يعرف ردة فعلكم ومين عنده الخبر الصحيح
لان الموضوع انتشر كثير وطلع كلام كثير بالجرايد وبالمواقع السعودية

وكلنا نحب السعودية
بس الحكاية تكررت قبل وتم قضاء اليوم
هل معنى هذا الشي ان انا ماحب وطني ولا اغار عليه

الوطنية معناها اكبر من هيك بكثير

ويارب تكون اشاعه مش صحيحة
لان خبرها جا متأخر بعد ما الناس عيدت وصلت صلاة العيد وفطرت وتغذت ووزعت العيدية هههه

كل عام وانتم بخير

المفتي العام لـ "المدينة": المشككون في صحة دخول عيد الفطر كذابون ومفترون | جريدة المدينة

انا ودي اعرف وش دخل سدير في الموضوع
وعلى فكره ترى اللي شافه الظاهراسمه الخضيري مو بدوي
والبدو والنعم فيهم
هذا ثاني منتدى اشوفه يسب في سدير
مدري ليش محترين من اهل سدير
يمكن علشان الخضيري كل سنه يشوفه
مااقول الا الله ييحرسه من العين

ربع يسلونه بزين التعاليل

وكل يوسع خاطره بالنزاله

يروح وركابه تهادى من الشيل

من شاف حاله قال يا كثر ماله

رجالهم لو ماله إلا المعاميل

لابد مع ضيفه يسوي جماله

يستاهلون المدح جيل بعد جيل

واللي يماريهم فهو من اهباله

يا كثر ما مدحوا وياما بهم قيل

للضيف راعي سدير خله إلحاله

هشين بشين عدال عن الميل

سمحين وبضده لراعي الجهاله

اقول شوف العين ما هو دهاويل

ما جيب لي نقل بخط الرساله

وباقي العرب تلقى رجال مشاكيل

لابد للبارود يبقى حثاله

وصلاة ربي عد رمل الغراميل

على النبي سيد الكلام وكماله

ابراهيم بن جعيثن

والنعم بسدير وأهلها وبك أخوي ولايهمك من تكلم في سدير ولا البدو لأنه إنسان ناقص ويحاول يعوض النقص اللي فيه بالتعنصر, اجل واحد مايدري ان اغلبية اهل سدير حضر الجهل والضغينة مصيبتان اذا اجتمعتا في شخص والله يهدي الجميع.