وقت الاعتصام وتوزيع المهام بين الطلاب .. إما نكون الي نبي ولا عسانا مانكون

الله يوفقكم وينصركم وانا معكم ...انا مو في فرجينا الحين والا وربي ودي اني ادخل اصفق بعض المسئولين تصفيــــــــــــــــــــــــــــــق لحد ماتبرد كبدي..حسبي الله عليهم الله يرينا عجايب قدرته فيهم في كل من له امانه مسئول عنها ولا يقوم بعمله..الملحقيه اكبر خزي على الشعب السعودي والاسم السعودي لا والمشكله بعد اذا كان فيه جنسيات اخرى واهي الي تتحكم فيك وتنفخ عليك,,وتقولك احمدربك بعد اني اعطيك وجه لعنبوكم انتو ماجبتو شي من جيبكم هذا من عند ابونا الله يطول بعمره وينور بصره عشان يشلعكم شلع من مكانكم الي ماتستاهلونها..انتم غير كفوء ضفو وجيهكم وخلو من عنده احساس بلمسئوليه وخوف من ربه او حتى على الاقل احد يستحي على وجهه ويقوم بما يدفع له ليقوم به اليهود الي هم يهود يعملون بامانه اكثر منكم انتم مو خزي على السعوديه بس الا حتى على الاسلام ..رواتبكم معطينكم اياها عشان تحقرون الناس؟؟ وتتعالون عليهم؟؟؟والا عشان تخدمونهم؟؟ وتساعدونهم؟؟
انا وربي مانزل لي ولا ريال ولا سنت لحد الحين صار لي 40 يوم باي حق؟؟؟.وعيالي ماضافوهم في بوابتهم الغبيه على اني حاولت وحاولت ولاعندي تامين طبي لا لي ولا لعيالي ..يااااارب تسوي فيهم ماسوو فيناا يااااارب ياكريم
المشكله القطريين والامارتيين يقولون لنا ايـــه انتم معروفه ملحقيتكم ريحتها طالعه بس ليش ماتخاطبون الرياض يسون شي....!!!!!!!!!!!!!!
انا معكم بلي تبون والحين بنزل رابط في كل المنتديات الي اعرفها والي ماعرفها ..فشلتونا الله يفشلكم ماتستاهلون اسم السعوديه الله يغيركم باحسن منكم
اي على فكره ترا العيسى موب في امريكا الله يسلمه النهار طويل عليه في رمضان هنا راح يصوم ويعيد العيد بسعوديه ولحد امس مابعد رجع...انشالله تحاسب عن كل طالب وطالبه وطفل وطفله ومسئول يشتغل تحت ادراتك..اشبعوا بس اهم شي عبوا بطونكم ياملحقيه هاه

بسم الله الرحمن الرحيم

السلام عليكم ورحمة الله وبركاته

الأخوة والأخوات المطالبين بحقوقهم. كما يعلم الجميع أن هذا الأمر( الإعتصام) ليس له الصفة الرسمية - على الأقل حالياً - ولا يوجد من يتبناه ويكون معروف الأسم والهوية. وهذا يعني أن الامر سوف يقع على عاتق إدارة مبتعث لسماحها في عمل إعتصامات مجهولة الأفراد والمنظمين. وعلى ذلك تعلن إدارة مبتعث خروجها من المسئوليات التي قد تقع بسبب هذا الامر. وأن اي مخالفات للقوانين في الولايات المتحدة الأمريكية أو في المملكة العربية السعودية سوف تكون إدارة مبتعث مجبرة في تطبيق القانون وتقديم كل ما يفيد السلطات من معلومات لتقديم المخالفين للعدالة.

الإعتصامات علامات نضج وطريقة حديثة للمطالبة في الحقوق ولكن إذا حدث اي مخالفات لا سمح الله لابد أن يتحملها القائمين عليها بالكامل. وللاسف هذا الإعتصام ينقصه هذا الامر.

على ذلك وجب التنويه للجميع والسلام عليكم ورحمة الله وبركاته


إدارة مبتعث