وقت الاعتصام وتوزيع المهام بين الطلاب .. إما نكون الي نبي ولا عسانا مانكون

كل عام وانتم بالف صحة وسلامه وينعاد علينا وعليكم بصحة والعافيـه ...

اول حاجة يعطيكم العافيه . . .
نحش بالموضوع :
قبلكم سووها خريجي الهندسه وطلبو الوزير وقابلوه
ومعلمات المحو الامية
خريجي كلية المعلمين
معلمي تربية الخاصة
والكثيرررررر .

واشوف انو الاعتصام والاشياء هذي مافيها الا تشويـه ... للطلاب

اذا تبون تطالبون بحقوقكم .. في واشنطن امام الملحقيـة يتجمـع اغلبيه الطلاب ويكون في متحدث رسمي يطالبون بحظور السفير السعودي والملحق الثقافي . ويرون مطالب الطلاب
تكون معكم قائمة بالمطالب والله يوفق لما يحبة ويرضاه

انا اتمنى ماحد يحضر لسبب بسيط , انه مافيه احد راح يجي اصلا .اوذا كثرو مايتجاوزوا 15 ,ولكم في اعتصامات خريجي الجامعات السعودية
وايضا خريجي المعاهد الصحية عبرة ...(اتكالية +هياط)
انصحكم
ريحو انفسكم ترى والله ما معاكم الا تعبكم .. وراح تتذكرو هذا الكلام ...
والله ثم والله ثم والله اني متاكد ان لن تستفيدو شي , اهدار وقت+ مشقة ...

فكرة رائعه فعلا
وانا اتمنى انكم خلال الاعتصام من الطبيعي سيطلب خمس او ست طلاب لتمثيلكم امام العيسى

اتمنى الرفض

المفروض يقابل المجموعه كامله في صالة كبيره لان كل واحد منهم لديه مشكله ويمكن ما تذكر

الوقت الي بتقبلون ب 5 او 6 طلاب يمثلونكم اعرفو ان الاعتصام فشل
اجعل الملحق يقابل كل من لديه مشكله مثل ما فعل المهندسون مع الوزير حين قالو له كل واحد يمثل نفسه وكل واحد عنده مشكله اظطر الوزير يقابلهم بصاله كبيره وويسمع مشاكلهم واحد واحد

آمل ان أصل وأياكم الى حل جذري لهذه المشكله .
وجهة نظري تقديم خطاب الى رئيس الملحقيه وتطلبون مقابلته بشكل لايقبل التأخير .
باصرحه انا متقلب واحيانا اكون مع واحيانا ضد ( الاعتصام).
أطرقوا أبوابا عده . ودعوا الاعتصام هو آخر باب يتم طرقه .

يفنع اعتصم بس عشان مكتب الطيار المعفن الي مو عارف شغلو نفسي احد يقلي ليش المرمطة دي مفروض الملحقيه ماتتعامل مع مكاتب زي كدا كمان سرقه عيني عينك وساكتين عليهم يعني احنا ماتعرف نحجز مثلا انا بعرف الملحقيه ليش غبيه لدي الدرجة خلاص مفروض الي يبغى يسافر يرفع طلب وتنزلو الفلوس على حسابو وهوا يتصرف اما الملحقيه تدفع لمكتب الطيار الحرامي حق التذاكر ويقوم هوا يحجزلي على طيارة عمرة ولمن اروح المطار يقلي مين حجزلك انتي السعوديه على دي الطيارة مسخرة والله :(
انا عارفه انو خرجت عن الموضوع بس برضو عشان تعرفو انو المرمطة فكل مكان مو بس بالمحقيه حتى المكاتب زي الطيار وتجسير والخ الي تتعامل معاها الملحقيه والوزارة معاهم ضوء اخضر لتطفيش ومسخره الطالب السعودي

الله يقويكم ويوفقكم يا رب
ليتني قريب من هناك ولا كان شاركت
الملحقية دي جبارة لها جبروت ظالم
الى الان 12 يوم ولا استلمت ضمان مالي لزوجتي المرافق
و مكافأة المبتعث الأساسي انا لم استلمها كاملة؟
نظام البوابة الإلكترونية وقتها جدا غلط لأنها عطلت غالبية عظمى من معاملات الطلبة.



و بالتوفيق و جزاكم الله كل خير

انا اول الحاضرين ان شاء الله .....حضر من حضر وسحب من سحب .......

لا تنسسسون الاعتراااض على مكتب الطيااآآآر .. وجزآآكم الله خخير

الله يوفقكم ويسهل امركم ان شاءالله ...اكبر دليل علي ادانه الملحقيه هو حذفهم لمقطع الفديوا هذا اكبر ادانه لهم الظلمه المتجبرين هذولا حسبي الله عليهم ونعم الوكيل حسبي وهو يكفي المهم انا اقترح للاخوان اللي مايقدون يحضرون يعملوا زي الاعتصام الالكتروني باشراف من صحفيه سبق ويجمون اكبر عددمن الطلاب،توثيق كل شي بالصوت والصوره ونشره اول باول وارساله للصحف الالكترونيه،نشراسماءمدراء الاقاليم الفاسدين والمشرفين البداين اللي مايعرفون يتعاملون مع الطلاب اولهم اداره اقليم الغرب برئاسه سعد السلويلم وزمرته اقسم بالله كان حاط مشرفي حيوان مايدير وين الله حاطه اسمه عمرزروال لايريد ولاتيصل ولاشي بعد كم شهر ارسل رساله وداعيه للطلاب يخبرهم انو جاه قبول لدرجه الماستر او الدكتورا وانه خلاص بيروح (اخينا بالله كان مزنوق بفلوس الدراسه وجا اشتغل بالمحلقيه يجمع كم قرش+يقطع الوقت علي مايجيه القبول حقه والنتجيه اهمال فااااااااااادح للطلاب وعدم الرد علي ايمللا تهم وهولد علي كيف كيفهم )اصبحت الملحقيه ضفافه الضايع للاشكال هذي والضحيه هم الطلاب الضعوف ناهيك عن اللتلاعب والاختلاسات الماليه بقسم شون المرافقين والتلاعب بالبيانات والملفات وغيره الكثير من الفضائح اللي تجيبهم هنا للصفاه بقضايا فساد ادري
برضوا التواصل مع الاعلامين وقناه العربيه وال ام بي سي وايضا الصحافه الامريكيه عشان الملحق ماينفس ولايتبلي عليكم بشي تراهم كلاب فجره اللي خلاهم يحذفون اليوتيوب راح يخليهم يلبسونكم شي موجود فيكم
ايضا نشر الحمله وروابطها علي البي بي تحت مسمي الاعتصام او المظاهر ونشرها بالايميلات والمنتديات لازم شغل وقترح عليكم لو توصلون للامير سلمان في نيويورك وربي البيت في اقل من 24ساعه تتعدل اموركم النهم وتقثوا مل شي فديوا فديوا واحنا معاكم بالنشر والكتابه زمن الخوف ولا وانتهي وياروح مابعدك روح لازم الصوت يوصل ويشربون من نفس الكاس اللي شربتوا منه وادعو للشخص اللي تواصل مع جريده سبق واعطاهم مقطع الفديو وساهم في نشره ان الله يفرج همه وانا عن نفسي مستعده باللي تبون لازم نصير يد وحده ونطالب بحقوقنا طالبوا باقله الملحق ويحطون بداله د/عبدالرحمن السبيل عالاقل ارحم منه برضوا لاتنسون شغله الالحاق اللي طلاب يجلسون سنه مايلحقون وطلاب يجلسون اسبوع بس ويتم الحاقهم وهم ماعندهم قبول جامعي وغير مستوفين الشروط اي ظلم هذا والله مابعده ظلم علي فكره ببرنامج نبض الكلام اللي يجي عال ام بي سي الحلقه رقم 29احد المساهدين اتصل من الطلاب وتكلم عن المظاهره اللي راح تصير وان شاد الله القضيه راح تاخذ بعد اعلامي وراي عام علي فكره انتبهوا ترا ولد الملحق مهندس حساب يعني ممكن يهكر اي شي انتوا راح تسونه مثل ماحذف مقطع اليوتيوب عشان كذا وثقوا كل شي بالصوووووور والفديوولاتنسون لافته كيبره عليهم الولاءلله ثم المليلك ثم الوطن بالعربي والانجليزي ضروري ومهم عشان محد يلبسكم شي موفيكم والله يوفقكم ويسهل امركم ولكم مني كل الدعاد الخالص في جوف الليل الله ينصركم ويثبت اقدامكم

حبيبي تفاكير انا اشيرك اللي يقول انه يجي على طول تسوي تعديل للموضوع وتكتب اسمه في الموضوع الرئيسي

وعن نفسي انا والله بعيد ١٨ ساعه بر الا والله ودي اكون معاكم وان شالله اللي بيجون فيهم الخير والبركة

واحنا البعيدين بننشر الخبر ونسوي اللي نقدر عليه ان شالله

ولو جو شباب معهد واحد او جامعه من فيرجينيا جو صار عددهم كبير فارجو منهم انهم يتفاعلوا ويتحركوا وخصوصا اللي قريبين من فيرجينا

يقول النبي صلى الله عليه وسلم في ما معناه لأن امشي في حاجة اخي حتى أقضيها له خير لي من اعتكاف سنة او كما قال عليه الصلاة والسلام
فالشباب اللي بيعتصمون والله ياانهم بيقضون حوائج الاف الطلاب والله أقولها ثقة بالله لتتحسن أمور الملحقية وتتعدل ١٨٠ درجة
بس انتوا اصملوا وربي راح يوفقكم وياحظكم بالدعوات الحلوة اللي يتجيكم فقط كونوا بالموعد

واتمنى من كل مبتعث يهيض ويحمس اللي معاه بالجامعه او المعهد انهم يجون ولا احد يخاف لا احد يعلم باسمه والله ان كلنا مستفيدين من صلاح أمور الملحقية لأننا راح نحتاجها في يوم من الايام

دعواتي لكل من يحضر ان الله ييسر له اموره وتتيسر له دراسته ويحقق اعلى المراتب دنيا وأخره والله انهم افضل الناس واني اتمنى اني اكون معاهم

موفقين يارب