ياناس نورونا هل المرافق له ايدي خاص بة ولا مربوط بالايدي حق المبتعث الاصلي ؟
المعهد يطالب بالضمان المالي لمرافقي وراسلت الملحقية وكلمت بدون فايدة
وفي الاخير عن طريق البوابة النتنه ارسلت طلب الضمان
اول مره قالوا نسق مع المشرف لانه من اختصاصة حاولت اكلم المشرف طبعا مستحيل يرد
ارسلت لهم مرة ثانية جاني رد ثاني مختلف اني لازم اطلب الضمان بالايدي حق المرافق ياااسلالالالالالالالام اقول مرافق وتبعي يقولون اطلبة باليدي حقة ياناس وش هالبشر مايدرون ان المرافق ماله ايدي وانه يحمل نفس الايدي حق المبتعث ؟؟؟؟؟؟؟؟؟؟
ياناس نورونا هل المرافق له ايدي خاص بة ولا مربوط بالايدي حق المبتعث الاصلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طبعا انا سددت للمعهد وامري لله
رد: وش الحل مع الحونشية ؟
المرافق له ID خاص وله مشرف أيضاً اطلب تعويض عن الدفع لاحقاأعانكم الله
رد: وش الحل مع الحونشية ؟
اقتباس:
المشاركة الأصلية كتبت بواسطة رصيف الشمس
المرافق له ID خاص وله مشرف أيضاً اطلب تعويض عن الدفع لاحقاأعانكم الله
ممتاز معليش طال عمرك هل افتح له ملف ولا كيف ياليت تكفى تنورني لاني ضعت ولا ادري وش اسوي
رد: وش الحل مع الحونشية ؟
الله يعينك ياغالي شوي عليهم كلمه قذرين
انا والله خوفتني لان ادرس بالمعهد الان ولي اسبوع ولا عطوني الضمان المالي وخوفي مايعطوني الضمان المالي
ويطلبون مني اسدد للمعهد وانا مامعي فلوس
رد: وش الحل مع الحونشية ؟
كان في السابق المرافق او المرافقة يفتح ملف ويرسل أوراقه إلى قسم المرافقين بالملحقية، و يصدر له I.D و يدخل الحكومة الإلكترونية من خلاله
لا أعلم عن طريقة فتح الملف للمرافقين بعد البوابة الإلكترونية
رد: وش الحل مع الحونشية ؟
نورونا ياشباب كيف نفتح للمرافق
الوقت يمضي والمرمطة تبقى
رد: ياناس نورونا هل المرافق له ايدي خاص بة ولا مربوط بالايدي حق المبتعث الاصلي ؟
أنا مررره معصب من البوابة الالكترونية
كل مره ارفع كل المرفقات لفتح ملف مرافق دارس تظهر لي رسالة خطأ في الاتصال واحيانا لا يتم التسليم
مدري انتم نفس المشكلة معكم لاني جربت على كذا متصفح
رد: ياناس نورونا هل المرافق له ايدي خاص بة ولا مربوط بالايدي حق المبتعث الاصلي ؟
اقتباس:
المشاركة الأصلية كتبت بواسطة (صاحب عز)
أنا مررره معصب من البوابة الالكترونية
كل مره ارفع كل المرفقات لفتح ملف مرافق دارس تظهر لي رسالة خطأ في الاتصال واحيانا لا يتم التسليم
مدري انتم نفس المشكلة معكم لاني جربت على كذا متصفح
اخي الكريم كيف افتح ملف مرافق دارس تكفى علمني
رد: ياناس نورونا هل المرافق له ايدي خاص بة ولا مربوط بالايدي حق المبتعث الاصلي ؟
اقتباس:
المشاركة الأصلية كتبت بواسطة ksausa
اخي الكريم كيف افتح ملف مرافق دارس تكفى علمني
فيه فرق بين إضافة مرافق
و فتح ملف للمرافق لغرض الدراسة
والأخ شكله يقصد الأولى
رد: ياناس نورونا هل المرافق له ايدي خاص بة ولا مربوط بالايدي حق المبتعث الاصلي ؟
أتمنى أنك وصلت للطريقة
الطريقة كالتالي:
- الدخول إلى حسابك أنت في البوابة الإلكترونية
- الذهاب إلى الخدمات الدراسية
- من القائمة المنسدلة أختر طلب الحاق مرافق بعضوية البعثة
- قم بتعبئة الطلب