الأعضاء الإشتراك و التسجيل

الملتقيات
ADs

قصتي الهنديه مع الملحقيه الثقافيه و استهبالاتهم

قصتي الهنديه مع الملحقيه الثقافيه و استهبالاتهم


NOTICE

تنبيه: هذا الموضوع قديم. تم طرحه قبل 2331 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Dr.MoDy...}
    Dr.MoDy...}

    مبتعث مستجد Freshman Member

    Dr.MoDy...} الولايات المتحدة الأمريكية

    Dr.MoDy...} , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى المختبرات الطبية الاكلينيكية , بجامعة Missouri State University
    • Missouri State University
    • المختبرات الطبية الاكلينيكية
    • ذكر
    • Springfield, Missouri
    • السعودية
    • Dec 2010
    المزيدl

    September 3rd, 2011, 01:02 PM

    بسم الله الرحمن الرحيم

    السلام عليكم و رحمة الله و بركاته

    انا شاب مبتعث عمري 19 سنه بكيت !!! والله بكيت تدرون ليش من اللي تسويه فيني الملحقية
    انا ادرس المختبرات الطبية الإكلينيكية, كل يوم اضبط جوالي على 8 الصباح عشان استلم الملحقية اتصالات ولكن لا حياة لمن تنادي

    والله مهزلة اللي تسويه فينا الملحقية انا خلاص طفح الكيل مع هذه الملحقية

    راح اقولكم قصتي الهنديه و اتحدى صارت لـ احد :

    1- هل تتصورن ان فتح ملف طالب قعد اكثر من 25 يوم وجاني الرقم الطلابي
    ابد وغير كذا جاني الرقم عن طريق الحكومة الإلكترونية , حتى ما عرفت منهو المشرف الدارسي الخاص فيني,, راسلتهم تكرار و مرار ولكن بلا رد , راست رساله الى الملحق الثقافي و شكيت له وضعي و نسخه الى المدير الاقليمي الخاص بولايتي وقام برد علي لاني حطيت نسخه له و الى العيسى و قالي من هي مشرفتي ,, و المشرفة ايش شغلتها ليه ما علمتني انها مشرفتي

    2- انا وصلت امريكا نهاية جمادى الاخرة و صلني الضمان المالي اول رمضان
    تكفى قول انك تمزح قول والله وصلني برمضان كانوا كل يوم يكتبون حرف في الضمان حقي طبعا دفعت الفلوس حقت المعهد ولما جاني الضمان المعهد رجعها لي

    3- لما فتحت الملف حطيت لهم شيك ملغي و ارسلته على الايميل المخصص لـ شيكات الملغية , ورفعته عن طريق الحكومة الإلكترونية القديمة , ولا جاني ولا دولار واحد , طبعا بعد تفعيل بوابة الطلبة المبتعثين رفعت الشيك و قبلوه ما نزل لي ولا راتب قالوا لي اطلب صرف فروقات و طلبت و نزل لي الراتب نهاية رمضان
    الله الله على ملحقيتنا المفروض يسمونها الملحقية الثقافية بصومال

    4-الضمان المالي جاني في التخصص غلط تخصص غير تخصصي بس في كلمة ناقصة
    اتوقع ان الملحقيه تمزح معي اتصلت على المشرفة ما ترد ابد ابد كلمت احد المشرفين بنفس الاقليم قالي مشرفتك موجوده واشوفها على مكتبها اتصل عليها اتصلت الى لا تعبت ما ردت رجلعت اتصلت عليه وقلت المشرفة ما ترد راح سألها قالت له قوله يرفع التخصص حقه عن طريق تعديل البيانات الدراسية من بوابة الطلبة المبتعثين وراح اعدل له الطلب و اغير تخصصه وبعدين يطلب ضمان مالي جديد وبجيه ..

    5- دخلت البوابة انصدمت صدمة العمر هل لكم ان تتخيلوا انهم فتحوا ملفي فقط برقم الاحوال و الاسم كل بياناتي فاضيه وقعدت ساعه اعدلها وصارت صفحتي في قسم متابعة الطلبات ممكن حول 15 طلب طلبت وما قبل من طلباتي الا 2 والباقي له شهر تحت الدراسة و الطلب في الملحقية , طيب ليه لما فتحنا ملفات ارفقوا كل اوراق و عبينا 20 ورقة وفي الاخير المعلومات كلها ناقصه ,, ليه كذا ليه ؟؟ احد يجاوبني


    6
    -المشرفه تقولي ارسل لي خطاب المباشرة بالمعهد و خطاب يوضح المستوى باللغة الانجليزية ارسلته على ايميلها ارسلت لي وين الخطاب قلت ارسلتها لك قالت لي ما وصلني شيء و بعد يومين ارسلت لي رسالة على البريد تقول ارفع الخطاب عن طريق بوابة الطلبة المبتعثين > عن طريق اضافة تقرير دراسي دخلت عليه ما اقدر ارفعه لان الصفحة فاضية قلت لها ما اقدر قالت لازم من البوابة هذا النظام الجديد , الحل يعني ؟ راسلت قسم المشاكل في البوابه بالوزارة ما احد رد علي ابد

    7- انا مريض بمرض الربو المزمن و الادوية بأمريكا مره غاليه فلوسي تروح على الادوية ,الحين قربت اكمل 4 شهور والتأمين الصحي الى الان ما جاني , كلمت المشرفة رد علي واحد قالي مشرفتك بإجازة شهر قلت له ساعدني قالي عطيني رقم الطلابي عطيته قالي ملفك الصحي غير مفعل اتصل على قسم العلاج فهد البواردي اتصلت عليه شهر ما يرد وفي الأخير ردت وحده مصرية قلت لها وين أستاذ فهد قالت في اجتماع قلت لها مشكلتي قالت النظام جديد و نظام قديم ومن هالسالفه المهم كلمني الأسبوع الجاي و سكرت السماعة بوجهي كلمتهم نهاية الأسبوع رد علي فهد قالي الأسبوع الجاي كلم شركة التأمين وفعلا كلمتهم يوم الخميس عطيتهم الرقم الطلابي و اسمي طلع ان الملحقية ارسلت لهم تاريخ ميلادي غلط قالت الموظفة انتظر اسبوعين بنراسل الملحقية و بعدين نعدل الطلب

    لو اكمل قصتي والله تبكون على حالتي صارت تراودني فكرة اني اقفل ملفي في الملحقيه وارجع السعودية اكرم لي بس نعمة الابتعاث غيرت مجرى حياتي الى الابد بس الملحقية مصختها معنا

    ما اقول الا الله ينتقم منهم واحد واحد ويارب يسلط عليهم اعصار ينسفهم يارب امين

  2. الشره مو عليهم على العيسى
    ومدري فيه عضو هنا ينكت يقول انه قد المسؤولية كح كح


    ياوليدي اعتصااام يوم 6 سبتمبر
    هذا الحل لكل قصتك
    لان مو بس انت تعاني الكل يعاني
    ويظل المواطن السعودي جمل صبووور

    الله يقضي حاجتك اخي
    7 "
  3. طيب ليش ما دخلت على البوابة الالكترونية وكملت بيناتك وهذي خطوة معروفة وبالنسبة لباقي النقاط انصحك بالانظمام للشباب والشابات يوم 6 سبتمبر وهدي على عمرك واحمد الله انك عزوبي كيف الي معهم عوائل وش يصلحون بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.