والله ماكتبت الموضوع الا لأجل اخواني واخواتي المسلمين

ادخل وشوف الموضوع














السلام عليكم

يااخوان انا بحذركم لوجه الله من طلاب وطالبات لاجل لاحد يطيح باللي انا طحت فيه,,, المكاتب وماادراكم مالمكاتب,, والله ثم والله انها سرقه في وضح النهار,, قصتي مع مكتب الوسام اني اعطيتهم مبلغ 1500 من شهر ونص وللحين لا حس ولا خبر ومع انهم قالو بيجيبون لي القبول خلال شهر بالكثير,, قبل شهر ونص كنت مااعرف شي عن مراسلة الجامعات لكن اثنا ماكنت استنى رد المكاتب قررت اتعلم مراسلة الجامعات والخطوات السهله في التقديم وايش ابحث عنه اذا دخلت مواقع الجامعات والحمدلله انا الآن ملم بكل مايتعلق بالقبولات ,, الحمدلله اني رجال مقتدر ولا تفرق معي 1500 ,, صحيح خساره لكني اخذتها درس بحياتي ,, ( لا توكل غيرك على عملك اللي تقدر تسويه بنفسك) وفعليا اذا ابسط الخطوات مانقدر نسويها اجل رايحين امريكا ليش ؟

المكاتب نصب في نصب وحتى ان جابلك قبول لو في اسبوع ان شاء الله برضو المبالغ الخرافيه اللي تتراوح من 1500 الى 3000 ترا مبلغ رهيب خصوصا لمن تعرفون ان تقديم الجامعات تكلفته بالعاده من 100 الى 300 ريال بالكثير,,, يعني الواحد بـ 1500 يقدر يرمي شباكه بـ 5 جامعات عالاقل ويشوف وين اللي بتقبله واللي مابتقبله بدل مايدفع هالفلوس للمكتب واخر شي مايدري وش بيصير ويقعد تحت رحمة المكتب,,


تكفون ماكتبت هالموضوع الا لأنكم ماتهونون علي من اخوان واخوات مسلمين ولا ابي احد يلطش فلوسكم,,

اي مساعده بخصوص الجامعات حاضر ومن عيوني للي يبي اعلمه كل شي والمقابل اللي ابيه انه يدعي لي ولوالدي


الله يحفظكم وويفقكم وين ماكنتم

اخوكم ,, حــــســــــام

وعليكم السلام
حسبي الله ونعم الوكيل

دعوة المظلوم مستجابة
والسارق ما يتهنى بالفلوس لا تخاف
الله عليهم بالمرصاد بالدنيا قبل الآخرة

أنا قدمت على مكتب بدا ينصحني بالمعاهد التجارية ، لكن أنا طبعي اني اختار بنفسي دون مشاورة احد ، قلت له تجيب لي قبو في معهد اليوداب او ادور واحد غيرك ،،، ههههههه ما صار أسبوعين الا والقبول عندي

والله يا خوي كلامك في منه بس مو كل تاكاتب كذا كثيرين تعاملو مع مكتب تجسير من زملائي وما كان ياخذ منهم اي مبلغ الا حين يصلون القبول يعني سلم واستلم وكانوا يحطون الطلاب بالصورة يا يقدرون يحصلون القبول يا لا.

الله يعوض خسارتك خير انشاءالله

والله الخساره ياحبايبي ماهمتني كثر الدرس اللي تعلمته,, يعني خلونا نقول انه درس تعلمته بـ 1500 ريال وانشالله في مصلحتي
عالاقل بنيت ثقتي بنفسي اني اقدر اسوي الشي بنفسي وبدون وسيط

عالاقل الاسعار الخرافيه لو ينزلونها شوي انا اقول مو مشكله لكن قيمة الأبلكيشن حوالي 150 ريال وهم ياخذون 1500 الى 3000 ليييييييش
ماعليه حتى لو اتعابهم بس مو بالسرقه والاستغلال هذا