الأعضاء الإشتراك و التسجيل

الملتقيات
ADs

ارجوكم ساعدوني حالتي النفسية مدمورة مرة واحتار عقلي ساعدوني وماراح انساكم من الدعاء

ارجوكم ساعدوني حالتي النفسية مدمورة مرة واحتار عقلي ساعدوني وماراح انساكم من الدعاء


NOTICE

تنبيه: هذا الموضوع قديم. تم طرحه قبل 2295 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية امير الجود
    امير الجود

    مبتعث مستجد Freshman Member

    امير الجود الولايات المتحدة الأمريكية

    امير الجود , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ادارة اعمال , بجامعة جامعتي الحبيبة
    • جامعتي الحبيبة
    • ادارة اعمال
    • ذكر
    • في ارض الله, لايوجد
    • السعودية
    • Dec 2009
    المزيدl

    September 4th, 2011, 11:37 AM

    السلام عليكم ورحمة الله وبركاته

    ياشباب انا ماكنت اعرف شي اسمة بعثه ابدا لين دخلت الجامعه والحمد لله كنت متحمسلها بقوة ومرة وفجأه الحماس صفر والبعثه جت او ماجت ماهمني وصار همي الاول اما البعثه او وظيفة ونفسي ميالة للوظيفه هذا ربي سبحانه من علي بكرمة ولقيت وظيفه على طول

    ارجوكم الامر مرة موترني ومسببلي انغلاق نفسي نهائيا

    ما اقدر اهنا بحياتي زي الناس من كثر التفكير
    والله تعبت نفسياً
    وكثير صاروا يقولون الحق على نفسك
    ارجوكم علموني اش اسوي
    وكل ما احاول ارجع حماسي
    انا قلت بسافر امريكا رغبة مني وشعبهم متفتح وممكن اتعلم اللغه بشكل اكثر واسرع والشي هذا جربته مع وفد زارنا الجامعه وكانوا يسولفون معي بقد مستواي اللي اعطاني دافع وسرعان مافقدته وكثير يقولون رح بريطانيا اسرع واسهل في المده والنظام بس قلت نفسيتي هناك راح تكون مدمورة حيل وشعبهم منغلق بعض الشي وماراح اتعلم بسهولة ومايهم اختيار الدولة الحين

    ودائما تفكير بس افكر في الاختبارات حق القبول واقول مع نفسي يمكن ماتجتازها وصعوبة اختبار الجيمات والاي تي والتوفل وماني عارف نظامها والشي اللي مخوفني ان تخصصي مليان مواد ماليه وما استغني عن المدرسين الخصوصيين ابدا من يوم دخلت الجامعه وهذا الشي متعبني اكثر وعرفت انها غلطة اني اعتمدت عليهم وما اعتمدت على نفسي واذا مافهمت هناك من وين اجيب مدرس ووووووووو
    واللغه يبغالها متابعه اول بأول عشان تتقنها ويمكن ماتمشي باللغه ابدا
    وانا مدري شو وضع اللغه لان كثير قالو اذا فهمت القواعد راح تفهم كل شي وانا اكرة شي اسمه قواعد بالعربي فما بالكم بالانجليزي
    ودكاترتي في الجامعه يقولون لازم تكمل دراستك وانا اقول ان شاء الله
    لكن لمن افكر في الامر بجديه اخاف مرة واقول وظيفه افضل واحسن وكون نفسك وريح راسك
    وتخصصي ادارة اعمال واخر سنة بالجامعه ولازم اقرر اروح او ما اروح وناوي اكمل ماستر موارد بشريه او تمويل (تحتاج اختبار جيمات)
    وتصدقون كثيير من اشغالي عطلتها وخطتي الخاصه بس اش اقول واش اخلي وربي مدمور نفسياً ولو تشوفوني ممكن تبكون على حالتي
    وانا اتندم كثييير على اني فكرت في الابتعاث ودمرت حالتي النفسيه وماكنت اتوقع الامر بكل الصعوبة هذي
    والفكرة اللي في راسي اني اذا رحت بعثه وفشلت بينكسر ذاتي وافقد شخصيتي وهذا اللي بيصير اذا فشلت

    ارجوكم والله الهم ذابحني قولولي اشلون الدراسه والحياه عندكم يمكن كلمة بسيطة من واحد منكم ترفع همتي شوي واهم شي فترة اللغه والاختبارات
    وصدقوني ما انساكم من دعوتي واسأل ربي يتقبلها
  2. شوف يالغالي ااذا انت انسان تطمح لشئ وتبغاه .. صدقني راح اتجيبه بأذن الله
    بس اهم شئ الطموح

    وممن ناحية اللغه والله كلن يعطيك رايه وراح تتوهق نصيحه اذا انت انسان تبي الدراسه وتبي تكمل روح وربي يسر لك امرك ..

    ومن وجهة نظري انك تطلع بالابتعاث افضل لك لان ترا بعد 4 سنوات او 5 راح يتسكر الابتعاث على كلامهم وتراها فرصه عمر ان ماستغليتها راحت عليك كلن يتمناها.. اذا نسبتك مناسبه للابتعاث ويقبلونك اطلع ولاتشاور

    انا حاليا بامريكا لي 5 اشهور صحيح اول ماجيت تعبت نفسيا من الغربه بس بعد ثلاث اشهور تأقلمت مع الناس وخشيت معاهم وزانت اموري والدراسه الحمد الله الي يذاكر ويشد على نفسه مايصعب عليه شئ بأذن الله

    ومن ناحية الجيمات انا مافتي لك فيها بحكم اني توني عليها لان بكالريوس ان شاء الله الاخوان يفيدونك فيها

    تقبل مروري يالغالي وان شاء الله افدتك ولو شئ بسيط

    ودعواتك لنا بالتوفيق يالغالي ..
    7 "
  3. انا اقولك حل سهل
    انت شوف ايش الي ممكن يبقى و ايش الي يمكن يروح مع الزمن
    طبعا انا اقولك
    الابتعاث فرصة زي البرق تروح في لحظة و لازم تستغلها
    بينما الوظيفة بتنتظر سواء نجحت في الابتعاث او لا و بالعكس اذا نجحت راح تكون الوظيفة اكبر و احسن
    فالموضوع ما يحتاج كل هذا الهم و التفكير
    انت سافر و ان جاز لك الوضع فان شاء الله خير و ان ما جاز فانت ما خسرت شي بالعكس انت جربت واقتنعت عشان ما تلوم نفسك بعدين
    الله يوفقك و ييسر لك امورك
    انا الان في امريكا من اسبوع والوضع هنا الحمدلله ممتاز صح اني من جنبها في اللغة بس جالس اطقطق في المعهد و المحلات و جالس اتعلم فيهم يعني مافيها شي هههههههه


    بالتوفيق
    7 "
  4. اذا تبي نصيحه صل صلاة الاستخارة وبعدها قرر
    واذا تبي رائي رح كمل دراستك ولا راح تندم الا بتدعي لي
    وبصراحه حسيت من كلامك انك انسان مهتم بنفسك واخذ المدرسين الخصوصيين ليس عيب ..ومدرسينك يقولون كمل يعني مقتنعين في قدراتك ...وفقك الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.