هل ماتت الاخوه؟؟؟؟؟؟؟

السلام عليكم ورحمة الله وبركاته

صباح/مساء الخير للجميع
انا ابي ادخل بالموضوع على طول
اخوكم اللي هو انا ناوي اطلع بعد رمضان لبريطانيا ونصحني احد الاخوه الله يجزاه خير وهو معنا هنا بالمنتدى نصحني اروح لــ امريكا وتلخبطت الامور شوي وصار عندي كم سوال وترددات و وشوشه ياليت تجاوبوني على الاساله
انا تخرجت من الثانوي لي ثلاث سنوات ونسبتي 96% وقدمت على الملحقيه من هنا لكن انتم عارفين وضع الواسطات حسبي الله عليها ونفسي بالطلعت برااا
وضعي حاليا ادرس باحد الجامعات بالسعودي بالمستوى الثالث . وجتني فكره الدراسه برااا وجمعت نفسي منا ومنا وابي اسالكم عن هالسفره ياليت اللي عنده خلفيه / او خبره يفيدني

السوال الاول
س/ انا ناوي اطلع ومعاي 65000 ريال سعودي هل يكفي هذا المبلغ للين انضم للملحقيه بامريكا؟
(للمعلوميه انا ابي اطلع بدون مكتب بدون شي ابي اروح والله يستر مامعاي الا القبولين الجامعه والمعهد )


س/وهل هناك ولايات مناسبه اقتصاديا (ماديا) وفيها جامعات لو درست فيها توافق شروط الملحقيه (ياليت اسماء الجامعات والمعاهد والاياتهم منشان اجيب القبول منهم )

ياليت تردووون قسم ما اعرف الا انتم بعد الله قسم ابي اشيل فلوسي والله يستر . تكفون يالربع ابغاء اهل الخبره هذا وقتهم الاخوه بهالدنيا والا الاخره كل له عمله وانا ابي فزعتكم

السلام عليكم

من ناحية مادية هذا المبلغ ممتاز خاصة اذا ناوي تروح مدينة صغيرة وبعد عن المحيطان الهادي والأطلنطي (مثال ، نيويورك وكاليفورنيا)

ماأدري كم رسوم المعهد بس غالبا 3000 دولار في الترم

و1500 دولار تكفيك شهر معيشة خاصة لو حصلت رومميت

إذا عندك قبول جامعة ممتاز وأفضل من انك تطلع معهد

في جامعات كثير ومعاهد كثير بس من ناحية مادية وجامعة كويسة شوف Iowa State University

بالتوفيق والمره الجاية حط عنوان معبر شوي أنا كنت داخل أعزي

بعتقد لو تضبطها صح راح يكفيك شهرياً مبلغ 1800 دولار شامل سكن وأكل وشرب وحاجياتك الشخصية وتنقلاتك وجوالك ومعهدك
بس لازم تعرف شلون تصرف ووين تروح
ولو تعرف أحد بأمريكا بشكل شخصي وتكلمه يفيدك يكون أفضل مليون مره لأنه راح يريحك من شغلات كثيييييرة
تحياتي لك