الأعضاء الإشتراك و التسجيل

الملتقيات
ADs

استفسار استفسار عن المقابله ضروري تكفون

استفسار استفسار عن المقابله ضروري تكفون


NOTICE

تنبيه: هذا الموضوع قديم. تم طرحه قبل 2294 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MR.bAnDoOoRe
    MR.bAnDoOoRe

    مبتعث جديد New Member

    MR.bAnDoOoRe الولايات المتحدة الأمريكية

    MR.bAnDoOoRe , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Computer Science , بجامعة University of Wisconsin-Milwaukee
    • University of Wisconsin-Milwaukee
    • Computer Science
    • ذكر
    • Milwaukee, Wisconsin
    • السعودية
    • Jul 2011
    المزيدl

    September 5th, 2011, 03:24 PM

    السلام عليكم وكل عام وانتم بخير بعد الزحمهانا قدمت على موعد في السفاره الامريكه وموعدي بعد اسبوع والش الاوراق الي اخذها معي ونوع الاسئله الي بسئلونها وبنسبه لi-20ولد خالتي في امريكا استلمه ورسله على ايميلي ورسله على البريد بس بيطول شوي عادي في المقابله يقبلون الي جاني من الايميل ولا عليه ختم بس توقيعهم ساعدوني الله يجزاكم خير ولد خالتي قالي لازم توقع على ورقه i-20واسمك ما عرفت وين اوقع لانها ورقتين ومشكورين
  2. شف يالغااالي .. الأوراااق اللي جبتها معي في السفاره( DS160 - الجواز - الآي توني - كشف الحساب - السفس - ايصال سامبا - ورقه الموعد ) اللي طلبونها مني هي - DS160 - الجواز - الآي توي - كشف حساب آخر 3 شهور - ايصال سامبا ...
    والآي توني مطلوووب الأصل في السفاره والمطارات عااد مدري يمشونها لك أو لا !!
    7 "
  3. انا توني جاي من عندهم موعدي كان الساعه 2 الظهر

    المقابله جدا سلسه وغير الي ذكروا الاخوان الضاهر بدو تسهيلات قوويه لاني سمعت ان في المقابله يقابلونك شخصين وناس تذكر ابو شعر احمر ووووو الخ
    ابشرك كل الطاقم حاطينه حريم ونظامهم الحالي واتوقع غير الي كان قبل والي سمعته بعد ماتخلص اجراءات التفتيش يعطونك رقم تتوجه لشباك علشان الموظفه ترتب اوراقك تخيلوا تمر على موظفتين بس علشان يرتبون اوراقك ويتاكدون انها كامله ويحطونها في ملف بلاستك وتنتظر مقابلتك مافي نص ساعه وانت مخلص كل الاجراءات قبل المقابله مو زي ماسمعت من قبل تنتظر بالساعات وربع ساعه على مايدخلونك طبعا كل هذا يعتمد على حسب الزحمه والحمد لله اليوم مافي زحمه وخلصت كل امور باقل من ساعه والمقابله خفيفه توقف عند شباك ( زي شبابيك الموظفتين الي رتبوا اوراقك) وتخليك تبصم وتسالك اساله روتينيه وين رايح لاي مدينه وباي جامعه ناوي تدرس وتناقش معاك اسباب دراستك
    طبعا كل هالاسئله تكون بروح وديه يعني ماهي استجواب تتكلم معاك بابتسامه وتمزح وتضحك والامر اقل من عادي كانك تسولف مع اي شخص حتى انها سالتني ليه 12 سنه مادرست خلال الفتره وجيت ابي اطلعلها اوراق اثباتات اني كنت اشتغل طول هالفتره قالت بابتسامه مابي اوراق اعتبرها مجرد نقاش وسواليف رجعت الاوراق وعطيتها العلم وبكل صراحه وقلتلها هذي فرصه وحبيت انتهزها قبل لايطوف علي العمر اهم شي خلك صرريح وعفوي يعني لاتتصنع وشافت كشف حسابي وقالت مين يبي يصرف عليك بعد المعهد اذا دخلت الجامعه قلتلها ابي اعلمك بوضعي بكل صراحه قالت تفضل قلتلها انا ناوي ان شاء الله كما تعلمين بان قانون الابتعاث في بلادنا بعد الدراسه كم شهر على الحساب الخاص يضمونا على البعثه فأن ضموني أكملت وان لم يضموني رجعت واستفدت من الغه ابتسمت وقالت بالتوفيق تمت الموافقه وروح لفيديكس الي في السفاره خذ رقم البوليصه علشان تتابع الجواز لما يجيك وعلى كلام فيديكس يقولون انت وحضك يمكن يجي الجواز في ثلاث ايام او اسبوع او سبوعين واتوقع هالوقت حلوو جدا زي ماتوقعت مافي اي ضغط عليهم ... تكلمت بالتفصيل الممل علشان انت والاخوان الي يبي يروحون يعرفون الاجواء هناك ..
    ولو ان بعض الاخوان يكبر المساله ويخليك كانك رايح تقابل الكونغرس الامريكي والله اني يوم جيت كان في ربكه شوي واول مادخلت ولقيت هاك الهندي الي ماسك رشاش وطاق النظاره عطيته ابتسامه وهزيت براسي يعني شغلكم طيب وابو هنود ردلي هالحركه بعدها حبه حبه اكتشفت ان الموظفين مافي اسهل والطف منهم وحسيت براحه نفسيه واخذ واعطي معاهم ويحليلهم منتااازين منتااازين

    وبالنسبه للاوراق واستغرب من الي قابلتهم بالسفاره اكثرهم يرجعونهم نواقص يعني تخيلوا طالبه جايه هي وابوها من جده علشان المقابله ومامعهم اي توني يعني بالله للدرجه هذي ماسوو اي بحث او معلومه ..

    1_الاوراق اي توني مع اني ماشفت عليه اي ختم وهو عباره عن ورقه زي الصوره لان مافيها الوان فما ادري اذا ارسلها لك بالايميل وطبعتها تنفع او لا اهم شي الريكودر يكون زي الاصلي وهذي مافتيلك فيها الي عندهم فكره من الاخوان يعطونك العلم هل تمشي او لا بس رايي ولاتعتمد عليه بس راي منطقي دام الورقه ماهي ورق مقوى ولا فيها الوان ممكن تمشي اذا جت بالايميل مع ملاحظه ان الاي توني جاني وعليه توقيع بالقلم الازرق وهذا الضاهر الي لازم تستفسر عنه هل يمشي الاي توني من غير توقيع او لا واااااااااانتبه انت توقع لانه ممكن بعد فتره تدور الايام ويكتشوفن هالشي ..
    2_ كشف حساب بنكي لثلاث شهور ونصيحه لاينزل عن 50 الف ريال
    3- صوره 5+في 5 خلفيه بيضه وتنبه المصور مايعملها اي تنقيح واذا كان يعرف نظام صور السفاره يكون افضل ولاتنسى تطلب منه يحطها على سي دي علشان ترفعها في الابلكيشن الكترونيا واذا رفعته بالابلكيشن الصور تبقى معاك ماراح يطلبونها منك دامها مرفوعه بالابلكيشن خلها احتياط معاك
    4_ طبعا اذا رايح على البعثه ارفق الضمان المالي وهو يغني عن كشف الحساب على ماعتقد وهذي يفيدونك فيها الاخوان الي راحوا من الاساس على بعثه الملك
    5_ بالنسبه للشهاده قالوا تترجمها لكن اليوم ماطلبوا مني الشهاده ولاشفاوها اصلا فانت ترجمها احتياطا
    6_ تاخذ معاك الجواز وبطاقه الاحوال مع انهم ماطلبوا بطاقه الاحوال ولا سالوا عنها
    وسلامتك
    7 "
  4. معليش نسيت نقطتين مهمتين ذكرها لك اخونا الي رد اثناء كتابتي للرد جزاه الله خير
    والي هي تسدد مبلغ 532 ريال لك ونفس المبلغ اذا معاك مرافق من بنك سامبا
    والسيفيس الي هو الرقم الي يجي مع الاي توني تسدد عن طريقه لكن الطريقه ماعرفها لان مكتب الخدمات هو الي سدده


    الا اخوي سموي نبهتني على نقطه الاي توني خذوه من غير ماصوره هل المطار يطلبون الاي توني بعد واذا كانوا يطلبونه هل السفاره ترجع الاي توني مع الجواز والا يحتفظون فيه
    انا توقعاتي لو في انظمه اداراتنا الحكوميه يسونها ومايرجعون الاي توني بس ماتوقعها من سفاره امريكا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.