الأعضاء الإشتراك و التسجيل

الملتقيات
ADs

حسبي الله ونعم الوكيل..انا اعترف كنت مغفله وقعت ضحية من وثقت بها وصدقتها..

حسبي الله ونعم الوكيل..انا اعترف كنت مغفله وقعت ضحية من وثقت بها وصدقتها..


NOTICE

تنبيه: هذا الموضوع قديم. تم طرحه قبل 2287 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية حفيدة الصحابه
    حفيدة الصحابه

    مبتعث جديد New Member

    حفيدة الصحابه الفلبين

    حفيدة الصحابه , أنثى. مبتعث جديد New Member. من السويد , مبتعث فى الفلبين , تخصصى non , بجامعة non
    • non
    • non
    • أنثى
    • non, non
    • السويد
    • Jun 2011
    المزيدl

    September 8th, 2011, 11:30 PM

    السلام عليكم ورحمة الله..انا سبق وان طرحت موضوع عن التخصص وتغيير التخصص لان تخصصي تربيه خاصه وقدمت تسويق وكان في بالي اغيره لتربية خاصه
    ياجماعه انا سنين تعبت حتى احصل محرم ويوم قدمت كنت قمة التفائل بمستقبل افضل ويوم طلع ترشيحي كنا فرحانين انا واخواتي وكلمت قريبتي في الولايات المتحده مبتعثه من اربع سنين وقلت لها اني قدمت تسويق وسأحول التخصص فحذرتني بشده ان ما اقدم لان تخصصي تربيه خاصه وجلست ساعه تتكلم معنا وتنصحنا من قلب واذا قدمت راح اضطر ادرس تسويق وهذا من المستحيلات وانا صدقتها للاسف كان هذا غباء مني.وقالت انه البعثه تحتاج اوفر مبلغ كبير و....هولت الامور لي
    وقلت لاهلي ورفضوا تماما اني اتغرب سنين عشان تخصص بعيد عن تخصصي وارسلت رساله للوزاره اني اسحب تقدمي للبعثه وانه في احد يستحق مقعدي وحرام اني اخذ مقعد غيري ولما سألت هنا بالمنتدى ارسلت لي أحدى العضوات انها نفس وضعي بالضبط وحولت عادي...!!! يعني كلام قريبتي غير صحيح؟؟؟؟
    ويوم سألت بنت خالتي مره أخرى ماردت علي يوم كامل ويوم ردت قالت انا مالي دخل فيكي ولاتقولين لاهلك انك بتجون مدينتي..!! والان ردوا علي الوزاره انهم موافقين بالغاء ترشيحي..!!
    يعني بعد ما أكتشفت انها خدعتنا وهولت الموضوع على اهلي وخلتهم يخافون وقالت لاتصدقون كلام النت لانه مو مضمون حسبي الله ونعم الوكيل سنين الى ماقدرت أدبر محرم وهذه اخر سنه لي اطابق فيها شرط العمر وكل سنه بجلس فيها بطاله وحاجه بذمتها الي يوم الدين


    بس حبيت اكتب هذا الموضوع لكم نصيحه لاتصدقون اية أحد وللأسف لايوجد عندنا مصدر أكيد للمعلومه تمسكوا بطموحكم ولاتفقدون الأمل وربي اكتبها وانا مقهوره وقلبي متقطع والحمدلله على كل حال
  2. اختي الكريمه روحي للوزاره وقابلي الدكتور ماجد الحربي وعلميه بالصدق والسالفه كلها تراه جدا حبوب ويساعد الا ما تلقين عنده شي

    الله يوفقج ويفتحها بوجهج امانه لا تياسين وجربي يمكن يكون نصيب لج فيها

    بالتوفيق
    7 "
  3. مثل ما قالو نصيييييييييحة روحي للوزارة وخبريهم بالسالفه خصوصا الدكتور الحربي

    ولو جايك رساله للتدقيق فنصيحة روحي لهم وقولي لهم السالفه ولا تمسحي رساله الجوال اللي وصلتك ورسالة الايميل اطبعيها


    وبالاخير اسال الله ان يسهل امرك ويفرج همك ويكتب لك اللي فيه خير

    وعليك بالاستغفار فهو سبب في تسهيل الامور
    7 "
  4. يمديك تتصرفين
    كلميهم وروحي للتدقيق وبإذن الله راح تقدرين تحلين الوضع لأنه جدا سهل

    للأسف هذا حال بعض المبتعثين .. مايبي يشوف أحد يعرفه في مدينته إما لأنه حقود أو لأنه قاعد يسوي شي زي وجهه وما يبي ينكشف
    إذا فعلا تبين البعثة .. لاتستسلمين لأن الي قاعد يحصلك عقبة بسيطة من ضمن عشرات العقبات راح تشوفينها وتنصدمين منها عشان كذا طعم النجاح فعلاً لذيذ لأنه لا يأتي إلا بمشقة
    الله يوفقك وييسر إمورك
    7 "
  5. روحي للوزارة وهلي السبحة وقولي لهم السالفة وباذن الله تتسهل امورك
    وبعدين قريبتك هذي الله يعينك عليها هذي ماتحب لك الخير
    المفروض ماتحطمك كذا لكن ( بعض الاقارب عقارب)
    توكلي على الله حتى لو تخصصك تسويق ترى مستقبل ومرغوب ولا يهمك كلام الناس
    انتي وحدك فقط من يحدد مستقبلك
    وتعرفين قدرتك ومصلحتك وين
    ونصيحة توكلي على الله ولاتسألي احد
    وبالتوفيق لك
    7 "
  6. لااله الا الله نفس اللي يحصل لي مع اني لم اقدم على البعثه من الاصل لكن مجرد اسئله انني سوف

    ابتعث بااذن الله واكلم بعض اقاربي هداهم الله لكن صدق من قال (( الاقارب عقارب )) الله يهديهم ماادري لماذا

    كل هذا الحسد والغيره والله نصيحه تقبلوها من اخوكم لاتتقبلون نصيحة احد من اقاربكم اللي تشكون في وضعه

    لان لايوجد عنده سوى الحقد والكراهيه والغيره وغيرها من الامور المشينه نصيحه من مجرب بالتوفيق للجميع .
    7 "
  7. عندك فرصة ي حفيدة الصحابة ، لكن الله يهديك الواحد لازم يمشي على كلام الرسول صلى الله عليه وسلم : اكتموا حوائجكم بالكتمان ..
    الواحد مايسوي شي إلا بينه وبين نفسه ويوم ينتهي من كل شي ساعتها يقول للي يبي
    الفرصة مازالت متاحة ارسلي رسالة للوزارة وخبريهم بالقصة كاملة وصدقيني بيرجعون ترشيحك هذا حقك ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.