الله يسعدك ويوفقك يا ولدي متغربل دنيا واخره
وسلامتك وعمرك من الغربله
الان الوضع مايسمح لا بعين حمراء ولا زرقه
نفسيته تعبانه حتى المعهد صار يغيب عنه كثير
ومو قادر يكلمنا ولا يخرج ولا يجى
الله يختار له الصالح
عرض للطباعة
ام جيراننا زوجت بناتها تحت العشرين لعيال عمهم(السيئين)عشان مايصيرون صديقاتها احسن منها
الان جا الدور على الاولاد
معظم الاباء ماخذين الموضوع فشخره لا اكثر
عمره 21بالله ياعالم وش تحسون فيه؟
ياناس الولد مراهق وطالع من السعوديه ومكتئب ويغيب عن المعهد وماعنده اصدقاء ولا يطلع ولا شي وانتم قاعدين تقولون لها اقنعيه وكلنا كذا
والله لو هو ولدي وبعد هالاشهر لاحلف عليه يرجع واعامله كأنه جايب اكبر شهاده
الامر خارج من يده
هو مااشتكى الدراسه ولا الناس
الجو كله مااعجبه
بصراحة بما ان ولدك وصل لهذي المرحلة فمشكلة والله
والمشكلة الثانية حتى لو رجع السعودية حيتعب لانو ضيع فرصة
لاازم يحتك مع ناااااااااس الان الانسان بطبعة اجتماعي ويحب الناس
فاخاف تتدهور حالتة اذا استمر على هذا الوضع ويسر في طريق خطأ
انتي امة وانتي ادرا بالتصرف اللي تتخذية
الله يوفق الجميع
دونت ووري حبوبه
صدقيني خليه بس كم شهر يتعرف ع كم سعودي ويتأقلم مع الأمريكان بعدين بيقولك مش عاااااااوز أرجع خلااااص
عبد الرحمن الشري
الله يرضى عليك يااخي و يوفقك الى كل خير
الغربة فرقتنا
جزاك الله خير على المرور الطيب
دمتم جميعا في حفظ الرحمن
ام مزووون عادي وربي كلنا نمر بهلاحاله اول 3 الي 4 شهور
هذا مرض يسمي ال sick home
يعني شي طبيعي
حاولي تقولين له اطلع تمش روح المكان هذا
خاص اذا كان عند عائله يزود المبلغ اللي يدفعه الي 100 دولار ويطلب منهم يمشونه في الويك اند
او اذا طلعو يتكفل بتكاليف الطلعه
موضوع اي مبتعث يواجهه في بدايه عمره
انا وربي اوقات اتذكر اهلي وابيك بالعلم ان عمري 25 تقريبا
بس الشوق فيك فيك
والله مع الوقت بيتاقلم غصب
حاولي ما تكلمينيه كثير
يعني مره بالاسبوع
اضغطي عليه من ناحيه صور لي وين تروح صور لي الاسواق صور لي ملابس صور لي جزمات وانت بكرامه
خليه يسافر يروح ملاهي وربي انا رحت ملاهي نسيت السعوديه
خليه يغير جو
مشكلتنا نجي وننحجر في الشقه ونقول يا زين السعوديه
والله يكون بعونك
واعجبني تفاعلك بموضوع عدم رجعه ابنك
بالتوفيق
وما انصحك تشدين عليه بالكلام
مثل تطيح راسي والكلام هذا
وربي شي طبيعي
قولي له انا بجيك بس بالصيف
وكل يوم والثاني صرفيه لوقت ثاني لين يتاقلم والله بتمشي اموره
Amer-AL-rasheed
الله يوفقك الى كل خير دنيا واخره
المشكله من الضيقه الي فيه
ماله نفس يروح ويجي كثير وحاسس انه مو مرتاح
الله يعينه ويعينكم جميعا ويوفقكم الى كل خير
أم مزوني , يآ خآلتي
والله مافيه مخلوق هنا مرتاح , محد وده يبعد عن اميمته وبيته واهله
كلنا والله ودنا نرجع نشوف امهاتنا واهالينا , لكن حنا بذا علشان نوسع صدر مين
علشان والله اميمتي تقول هذا ولدي اللي تغرب وسافر وجاب لي الشهادة اللي ترفع راسي
اللي يمر فيه ولدك الله يخليه لك , عادي جدا , كلنا مرينا فيه , وكلنا ياربي لك الحمد , قدرنا نتأقلم مع الوضع
انا هنا بامريكا لي سنة ما شفت امي , وكل يوم تدق علي تصيح , ياوليدي متى ترجع يا وليدي متى ترجع
تحسبين انه جايز لي , لا والله موب جايز لي ابد
فهمي ولدك انه بامريكا متغرب ومسافر علشان يرفع راس امه واهله , وقتها بيحس بالمسؤوليه
وفهميه انه فيه ٤٠ الف طالب سعودي بامريكا , لا هو اول واحد يتمرمط ويتبهذل ويشتاق لاهله
عاد الحين الحمدلله السعوديين بكل مكان , وش تقولين عن اللي كانوا ببداية الابتعاث . لا يعرفون احد ولا احد يعرفهم
يا ما شفت ناس اول ما جت وهي تلعن الساعة اللي جو فيها لامريكا , شوفيهم الحين ومع الوقت فهموا الدنيا
صح تبهذلنا وصار بنا كل شيء , بس هذي الغربة تطلع رجال وتخلي الواحد يعتمد على نفسه وتعلمه وشلون يتحمل مسؤوليه نفسه
موب عيب ان ولدك مثلا اول مرة يسافر لحاله , بس ما ودك رجال بهالسن يفوت هالفرصة عليه , اللي كلن يحلم به
هو بس شجعيه وكلميه وفهميه انه موب جالس كل الاربع او الخمس سنوات لحاله . بيكون له اخوياء وزملاء وبيسكنون وبيسافرون وبياكلون مع بعض وبيصيرون على قلب واحد
وكان تبيني اكلمه لك لي الشرف والله خخخخخخخخ
الله يعينه ويساعده وين ماراح ... والله يعينك على فرقى ضناك , ويرده لك باعلى المراتب سالم غانم يرفع الراس
ويردنا لامهاتنا ان شاء الله ومحققين اللي حنا جايين له
ولدكـ :: سعد :)