الأعضاء الإشتراك و التسجيل

الملتقيات
ADs

تقرير معــانــتــي مع السعوديين !! ليش تسوني فيني كذا !!

تقرير معــانــتــي مع السعوديين !! ليش تسوني فيني كذا !!


NOTICE

تنبيه: هذا الموضوع قديم. تم طرحه قبل 2321 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة اسير الـغربه
    ياشباب تراني ماسجلت في المنتدى الا عشان هالموضوع ارجوكم افيدوني خصوصاً بأن اغلبكم مبتعثين ومارين بالي مريت فيه

    ياشباب انا اعاني اعاني اعاني اشد المعناه من تعامل الشباب السعوديين معاي في الغربه !
    طفشوني وشفت الهم وتعبت نفسياً
    المشكله تكمن بأني اول ماتعرف على شخص سعودي في مدينتي يكون محترمني ومقدرني ومع مرور اول اسبوع يبدا يبتعد عني ولا يكلمني !
    المشكله مو في شخص واحد في اكثر من شخص اتعرف عليه ونفس الطريقه اول يوم يومين اوكي بعد كذا يبتعد عني ويصرفني وانا بدوري ابتعد عنه بناء على طلبه الغير مباشر !!
    احياناً اتعرف على اكثر من شاب يكونوا معاي في الكلاس نطلع نتغد مره وحده ومن بعدها يطلعون كلهم ولا ياخذوني معاهم ويكونون شلاليه علي ويطلعون سوا بعد الكلاس ويخلوني لحالي !!
    والله ماني موسوس وانسان جداً طبيعي ومثقف ومنفتح بس مدري ليش الشباب يعاملوني كذا !!
    والله اكثر من 20 واحد اتعرف عليه وبعدها ياانه يكشر بوجه اذا شافني ولا انه يسلم ويمشي ولا يطلعون مع بعض ويسحبون علي !!
    المشكله يطلعون سوا ويتجمعون ولا ينادوني حاولت اروح معاهم لكني يبينون لي بأني غير مرحب فيني مايسلفون معاي واذا سولفت مايعبروني مدري ليششش !
    صرت اجلس لحالي في الويكند من منتدى لمنتدى صرت اكره الإجازات لإني لحالي طفشآآآن في مدينتي الصغيره !!

    المشكله زي ماقلت مو في شخص في اشخاص كثريين !! ياخذون ارقامي مايدقون علي ادق مايردون !!

    صرت اتمنى اني اتكلم صيني عشان اسوووولف مع الصيني الي معاي في الكلاس !!
    بتقلون لي اهتم بنظافتك اقولكم ولله الحمد مهتم بنظافتي الشخصيه !
    لكن كلمه حق انا شخص احب اتكلم كثير خصوصاً اول ماتعرف على الاشخاص احب اسولف ونصح !! هل تعتقدون هذا سبب نفورهم مني !! هل كلكم تعانون ولا فقط انا !!

    خارج الموضوع
    اتمنى تفيدوني كيف اقدر ادخل مع الامريكان لإن الامريكي جاري يضحك ويسولف معاي لكنه ماقد عزمني هل عادي ادخله وياه يعني بمعنى اخر هالأمريكي مايعرف يعزم ولا ماعندهم هذي العاده يعني بمجرد انه راح لحفله ارووح معاه ياليت تفيدوني بالموضوعين الله لايهينكم ويوفقكم


    اهلا عزيزي وكثير منا مر بنفس المرحله وان شاء الله بتعدي... نصيحه لك ازا قدرت شفلك عائله امريكيه كبار في السن متقاعدين جالسين في البيت ووقتها ابرع في البربره معاهم بتتونس وتعلم .. كما صاحبلك شباب امريكان محترمين .. هدفك تعلم اللغه ركز عليها والاخوان العرب والمسلمين مالنا غنى عنهم لاكن في حدود افضل لك ولهم .
    7 "
  2. الاخوان ماقصروا وانا ابي ازيد على كلامهم الشيء القليل
    اجعل من سفرك وتغربك عن اهلك ووطنك الأستفادة فحاول كل يوم ان تحدد عيوبك فاأنت تقول اني كثير الكلام وكثير النصايح حاول قدر المستطاع تقليلها
    وانت هدفك الأساسي هو الحصول على الشهادة ولن يتحقق هذا الى من خلال تعلمك للغة الانجليزية فاأجعلها فرصة أبتعادهم عنك تكوين علاقات مع الشعب الامريكي
    هاذه فرصة لاتعوض استغلها
    وفقك الله
    7 "
  3. كن زميل صامت وصديق مستمع وقليل الحديث في الحوار

    استانف الحديث عندما يتوجب عليك الحديث وليس حين تريد الحديث

    ليس مهما ان تقنع الناس بما تفكر فهم ليسو مرغمين فهي افكارك خاصتك انت فليس مهما يعرفون من انت وماهي افكارك لانك مكتفي بماتملك من مقومات ولا حاجة لترى نفسك من خلالهم
    انت شخص لطيف والحياة ستعلمك الكثير حاول ان تستمتع بتجربتك
    والاهم انك تفعل ذلك من اجلك انت لانك الذي يجب ان تهتم به انت تستحق ,المهم هنا ان ترى نفسك سعيدا
    اسعدها واستمتع
    7 "
  4. جالسين يخدمونك كذا خدمة العمررر
    اسكن مع روميت أمريكي واتعرف ع اصحابه وجيرانهم واختلط فيهم وعيييش ثقافة البلد واحضر حفلات واسهر وانبسط وعيش أمريكا ع حقيقتها وصدقني راح تطور لغتك بشكل أسرع من أن تصدقه
    لا عاشت شلل الكبساات
    تحياتي
    7 "
  5. حبيبي مهما تكلمنا في الموضوع محد راح يقدر يعطيك الجواب الشافي الا لمن يتعرف عليك ويعرفك عن قرب ويقدر يقولك ايش الخلل عندك واللي خلى الناس تبعد عنك فنصيحتي لك هي:

    1- الأن جيب ورقة وقلم وأجلس مع نفسك جلسة مصارحة وأسترجع قد ماتقدر من الذكريات والمواقف مع الناس هذي وشوف إيش أقرب تصرف بدر منك وصار مع الغالبية ممن مشيت معهم وهالشئ هذا لنفسك حتى تقدر تتخلص من احد عيوبك.
    2- غير طريقتك مؤقتا في اللي تقدر عليه فإذا كنت راعي هرج حاول تستمع أكثر وإذا كنت مثلا تطق الميانة على طول خلك رسمي وهكذا وشوف وش يصير معك.
    3- شوف أحد اللي ماشيتهم ومن اللي تتوسم فيه الحبابة والطيبة وأسأله بصراحة إيش الغلط اللي صار منك حتى تعرف مكمن الخطأ بالتحديد على قولة القائل "رحم الله من أهدى إلي عيوبي"

    - والأهم من هذا كله وخذها نصيحة من أخوك الكبير وجرب وخبر نوعيات متعددة من بني يعرب في الغربة (وعلى فكرة المبتعثين هم نماذج مصغرة من مجتمعنا السعودي), لاتحرص كثير على مماشاة وصداقة السعوديين خصوصا والعرب عموما لأنه كثير منهم إلا مارحم ربي حسد ونفاق وخيانات من وراك ومظاهر ووصاخة ونذالة على أصولها لو تصير لك بلوة راح وسحب عليك ويمكن هو اللي حاطك فيها ولو عندك خير أو شئ يفيده بيتمصلح معاك وإذا جاء وقت المذاكرة لهاك عنها أو إذا شافوك دافور بالدراسة وصار فيه شغل قروبات دخلوا معك وخلوا الشغل عليك وهذا غيض من فيض وممكن غيري يختلف معي أو لديه تجربة مخالفة فلذلك خلهم زمالة فقط أو تنقى اللي حولك تنقية مثل ماتتنقى الخضرة والفاكهة الطازجة من تشوفه يصلح خوي ومو بس كذا جربه وحطه بمواقف وإختبره مرة بعد مرة حتى يبان لك معدنه وتعرف هو أصيل وراعي مراجل وفزعات أو هو من الرخوم.

    - بعد الهرجة الطويلة مع إني وأعوذ بالله من كلمة أنا شخص إجتماعي وأحب أتعرف وأبني علاقات مع الغير وبالخصوص أبو سعَود لكن من شئ شفته بعيني وجربته هنا قلت يمكن الغربة أهون من السعودية تدري عاد إني ناقل لجامعة مافيها إلا 2 سعوديين بس وماأعرفهم إلا بالسلام وإسطوانة كيف الحال وبس وماعليهم شفاقة ويعلم الله إني الأن مرتاح وشاري راحة بالي ياعزوتي.

    وذكرتني بالشاعر حينما قال:

    بَالَكْ تِمَاشِي واحِد لَكْ يِرَدِّيـكْ ******* طَالِعْ بَنِي جِنْسَكْ وَفَكِّرْ بِممْشَـاكْ

    رابِعْ أصِيلٍ في زَمانَكْ يشَاكيـكْ ******* لاَ شَافْ زلاتك عنِ الناسْ غَطَّـاكْ

    وَ احَذِّرْكْ عنْ طَرْدْ المِقَفِّي حذَاريكْ ****** علَيك بِالْمِقْبِلْ وَاتْرُكْ اللِّي تَعَدَّاكْ

    وَمِنْ بَعْدِ ذا لاَ تَصْحَبَ النَّذْلْ يَعْدِيكْ ****** وَعَنْ صُحْبَةَ الأنْذالْ حَاشَاكْ حاشاكْ

    تَرَا الْعَشِيرَ النَّذْلْ يَخْلِفْ طَوَارِيـكْ ******** وانَا اَرْجِيَ اَنَّكْ مَا تَجِي دُونْ آبَاكْ

    والْهَقْوَةَ اَنَّكْ مَا تَجِي دُونْ اَهَالِيكْ ******** ولا ظُنّْ عُودَ الوَرْدْ يُثمِرْ بتُـنْبَـاكْ

    والحُرّْ مِثْلَكْ يَسْتَحِي يَصْحَبْ الدِّيكْ ****** وإنْ صَاحَبُهْ قَافَا مِقَافَاةَ الاَدْيــاكْ

    أوقات أتمنى لو إني عايش بزمان أول من كثر ماأسمع شيباننا يسولفون عنه عن طيبة الناس وبساطتهم وفزعتهم ووفاءهم لبعض على الفقر اللي كانوا فيه وبساطة المعيشة لكن قلوب الناس كانت نظيفة ياعزيزي وأما اليوم الله المستعان تلقى الأخو يقطع أخوه عشان وصخ دنيا أو عشانهم مختلفين على موضوع والصديق يفارق صديقه وعشرة سنين وعيش وملح عشان بنت ولا ومصلحة وهذي شفتها بعيني على فكرة والولد يمد لسانه إن ماكان إيده على والديه صدق إذا طغت المادية على مجتمع ضاعت المبادئ والقيم الأجتماعية وأصبح كل شخص يعيش لوحده ولذاته فقط ويبحث عن مصلحته الشخصية لذلك أخوي إذا لقيت رجل عليه الكلام بهالزمان لاتفرط فيه وتبيعه لأنه مثل الألماس والله يعيننا وإياك.
    7 "
  6. يمكن خيرة تعرف علي اجانب امريكان او اي انترناشنل لغتهم زينه بس انتبه مو اي احد شف ناس طيبين او دوافير حقين دراسه
    بس طبعا لازم يكون لك معارف سعوديين لان وقت الجد لاسمح الله الاجانب ماراح يفيدوك لاتأمل عليهم واجد ولاتركض ورا ابوسعود مع الوقت يجوك لين عندك
    7 "
  7. اخي الفاضل فكر بشكل ايجابي اكثر يعني يمكن لو صاحبت هدول الشباب طحت في مشاكل انت في غنى عنها او زي ما قالو الاخوان كثرة الاختلاط بالعرب او السعوديين تحديدا يضعف لغتك الانجليزيه وهذا امر يبعدك تماما عن هدفك الاساسي
    الله يوفقك انشاءالله
    7 "
3 من 9 صفحة 3 من 9 ... 2348 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.