الأعضاء الإشتراك و التسجيل

الملتقيات
ADs

استلمت الفيزآ ولله الحمد

استلمت الفيزآ ولله الحمد


NOTICE

تنبيه: هذا الموضوع قديم. تم طرحه قبل 2287 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية awaad
    awaad

    مبتعث جديد New Member

    awaad الولايات المتحدة الأمريكية

    awaad , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى علوم حاسب , بجامعة لاتوجد
    • لاتوجد
    • علوم حاسب
    • ذكر
    • الرياض, الخرج
    • السعودية
    • May 2011
    المزيدl

    September 11th, 2011, 06:12 PM

    السلام عليكم ورحمة الله وبركآته
    اول شي باركوآ لي استلمت الفيزآ ولله الحمد

    ممم مثل ماذكرت ف موضوعي السابق
    اني راح اسوي اللي اقدر عليه
    ل اخدم هالمنتدى اللي خدمني كثير
    وراح احاول اجاوب على اللي اعرف له
    لجل نخدم بعض ع قد مانقدر




    مممممم بعد اربعه ايام من المقابله
    اللي نزلتها ف هالموضوع

    اليوم سويت المقابله ف الرياض 6 سبتمبر من طق طق للسلام


    استلمت رسآله ع الجوآل
    وانا منسدح ونايم ع الساعه 1
    تفيد اني اروح استلم الطرد حقي من فدكس العزيزيه
    طبعا انا اول شي جا ببالي
    انو السفاره
    لانهم ما اخذوني مني ولا ورقه بس الجوآز وورقة المقابله
    الحآصل كنت خآيف
    وجلست اقول
    لا لا مو السفاره يمكن وحده من المعجبات ارسلت لي
    هديه
    بس رجعت افكر لا لا اكيد السفاره لانه هالمكان اللي حددته
    انا ف الخرج
    لازم انتظر العصر ل يجي عشان اطلع الرياض اشوف
    اش الحكايه
    وقعدت من 1 لحد ثلاثه ف نار
    هل هي السفاره
    ولا هالرساله
    من المعجبات >> ارحمنا ي كريستيانو هههههههههههههههههه

    الزبده صار العصر
    وطلعت ل فيدكس وصلت
    عطيته الرقم
    قالي : اش اللي بتستلمه
    قلت له : مدري >> للحين مو متوقع ان السفاره بترسل خلال ثلاث ايام
    خصوصا ان ف ناس قعدت 4 شهور
    المهم راح جابه قال هذا من سفاره
    انت مافي معلوم قلت الا
    قال لازم يفتح هنا
    قلت : ليه
    قال : هذا عشان تاكيد
    قلت : له شكله جوآزي وف عيني دمعه قلت انطرت
    قال : لازم يفتح صديق
    قلت : يفتح يفتح
    فتحته وانا ارجف
    ولقيت الجوآز و الفيزآ لمدة خمس سنوآت
    ي الله لك الحمد
    من الفرحه مدري وش اسوي
    والهندي يقول مبروك مبروك
    وبغى يصيح معي
    بس الحمدلله ابتسمت واخذت الجوآز
    وحسيت نفسي
    طآير


    وهالحين انتظر موعد الدرآسه اللي ح تبدآ ف شهر وآحد ان شاء الله


    الهدف من الموضوع شيئين
    الاول : انو ابين ل الاعضاء ان الموضوع سهل ي الله لك الحمد
    الثاني : هل تنصحون اروح ل وزارة التعليم العالي ولا اقدم من هنآك احسن ؟



    والله يوفقني وياكم
    لمآ يحب و يرضى

    ( اقضوا حوائجكم ب الكتمآن )
    مو شرط كل البيت و الحآره وراعي البقاله يدرون انك رايح تقدم ل امريك
    لازم الواحد يثقل شوي
    الله يوفق الجميع
    ولاتنسوني من دعوآتكم عن ظهر غيب

    دعوة المسلم ل اخوه المسلم عن ظهر غيب
    مابينها وبين الله حجآب
  2. ألف ألف مبرووووووووووك
    مآشآء الله تبآرك الله
    انا اليوم عند المكتب اللي جآيب لي قبول ويقول من بعد العيد والسفآرة شغآآآلة على الفيز حآآآمي حآآمي (يعني يقول اغلب الطلاب اللي سوالهم مواعيد طلعت لهم بيومين أو ثلآث )
    المهم الله يوفقك ويسهل امورك
    واكيد ررررح للوزارة لعل وعسى تززززبط امووورك
    بآلتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.