هل تحس بنظره دونيه في امريكا لما يسالك احد انت من وين و تقوله انك سعودي ؟!

هل تحس بنظره دونيه في امريكا لما يسالك احد انت من وين و تقوله انك سعودي ؟!
اذا نعم ؟ برايك ما السبب و ايش الحل ؟
اذا لا ؟ الله معاك ،،،،

النظرة الدونية .......


الثقة بالنفس أولا

إذا كنت واثق من نفسك ما تفرق وش جنسيتك....!!!



اكتفي بالاسلام عزا....

حتى الان ماواجهت اي نظره دونيه ..بس اتردد كثير قبل ماقول اني سعودي ..لعدة اسباب واهمها
الخوف من العنصرية..
سمعة الطلاب السعوديين هنا مجهولة مادري هل هي سيئه او حسنه خصوصا اني توني جاي..

الحمدلله لسنا باأفضل الناس ولسنا أيضاً أدناهم والإنسان ياعزيزي ليس له القدرة على اختيار لونه وعرقه وفقره او غناه فهو مسير في هالامور وليس مخير ولكنه مخير في تحديد اهدافه ومصيره واحترام الناس فالامريكي وإن أطلق التعميمات ومثله مثل اي شعب باإمكانك تغير نظرته بالكامل او تؤكد التعميمات عن السعوديين.

ثانيا الدونية تأتي من الداخل وليس من الخارج وأيضا أنت من يفرض إحترامك على الغير بغض النظر عن دينك وجنسيتك والناس سيتعاملون على هذا الأساس.

والمتنبي يقول:
من يهن يسهل الهوان عليه ..... مالجرح بميت إيلام

ثالثا بالعكس أفتخر لما من أقول لغيري أنا من السعودية وأمشي دايم مرفوع الراس ولايهمني أحد وأيضا مااأتحسس إذا أحد إنتقد بلدي ولكن أغضب عندما يغلط عليها وربي أني أفكر دايما وأقول أنا صورة للسعودية قدام الناس خليني أعطيهم أحلى صورة عنها وتدري مرة في الجامعة بعد العيد لقيت السعودي الوحيد في جامعتي ومعرفتي فيه سطحيه وسلمت عليه السلام السعودي المعروف من حب الخدود وغيره وكنا قدام الله وخلقه الولد إنحرج وقال ماله داعي تسلم كذا (عشان اللي أنتم خابرين) قلتله ماعليك منهم تدرون رحت لكلاسي واحد من زملائي الاوزيز قالي انت ...... قلتله لاتفهم غلط هذي عاداتنا وتقاليدنا وبديت أشرحله ويسألني وياخذ ويعطي معي عن السعودية والأسلام وغيره عندهم حب فظيع للتعرف على الثقافات الأخرى وبالذات الغريبة والمجهولة لدرجة مرة أنا وزميل أسترالي مسلم أخذناهم هو وخويه معنا لغرفة الصلاة وصلينا قدامهم وعادي بالعكس أنبسطوا إنهم تعرفوا على شئ جديد ونسأل الله يهديهم للإسلام.

هي الشغلة نفسيـــــــــــة .. وأيضاً عدم الثقة بالنفس ..

الحين انت مبرمج عقلك الباطن بإنك كذا وكذا وكذا .. وخلاص تشوف الشي زي ما أنت مفكر قبل فيه ، وهذا التفكير السلبي لا تخليه يسيطر عليك
أصلاً يكون بعلمك أكثر الأمريكان مايعرفون وشهي السعوديّة أصلاً ، وثانياً مو بس الأمريكان طبيعة كل بني آدم يحكم على الي قدامه مو إنه من وين جاي لا ، من سلوكه ولباسه وتحظره فهمت عليّ ؟
يعني لو أنت جنتل وأسلوب بالعكس أنت كذا ترفع السعودية فوق :)

بالعكس اقولها وانا احس بالاعتزاز
I'm from Saudi Arabia

إذا شعرت إنك "دون" .. الناس بدورها ستنظر لك "بدونية"

أجيب على سؤالك ... أجيب وأنا كلي فخــر بل وأُشعر من يسألني بمقدار سعادتي أنني أنتمي لهذا البلد العظيم!
لأنه لو حس بمقدار فخري سيشعر فعلاً أن هذا البلد به شيء عظيم يجعل أبناءه يفتخرون بانتمائهم له

للان ما حسيت باي شي من اللي انت تقوله
بس انا اقول اني سعودي لاي شخص اقابله بدون ما يسالني وهذا فخر لي

من وجهة نظري

السؤال الذي من المفروض طرحه هنا (هل تشعر السعوديه بالفخر عندما يقال ان فلان من السعوديه؟)

كل شخصية تختلف عن الاخرى لكني انا احيانا اشعر بالسوء عندما يشار الى شخص سيئ السلوك(ولا كأنه سمع عن الاسلام) ويقال انه سعودي

لكن كل شخص حر

وللأسف ان التصرف من الشخص الواحد يؤخذ على الشعب كله على انها ثقافة هذا الشعب

وشكرا

الحمد لله أقولها وأنا أفتخر وبدون تردد

ولكن إن كان هالشيء بنفسك ترى راح تبقى عليه حتى لو يرفعوك فووق تحس إنك تحت لأنه هذا مبدأك

بالتوفيق ...,