هل افصل من ارامكو .........
السلام عليكم ورحمة الله وبركاته
اخواني انا موظف في ارامكو تخصص امن صناعي طبعا دارس ستنتين نظام itc تدريب وانقلش
لكن ياخوان انا صراحة افكر في الفصل والذهاب للدراسة في الخارج
لكن التردد موتر فيني
يعني مرات اقول صعبه اروح واترك ارامكو ومرات اقول المستقبل افضل ومرات اقول مدري ابدا من جديد ؟
يعني مشتت لكن اتمني منكم افادتي ونصحي علما اني راح ابدا من جديد علي الثانوية وعمري بحدود 21 وعلي حسابي يعني لازم اخذ احتياطاتي
علما اني في اداوم في ارامكو وراتبي الاساسي 5375 تقريبا وتوني مترسم يعني ماكملت سنة وراتبي الاجمالي علما اني في منطقة نائية بحدود 11000 تقريبا
واخذ بدل السكن اذا كنت متزوج 25000 اواعزب ثلاث رواتب اساسية وراتبين زيادة في السنة في رمضان وفي شهر 7 وغير الادخار والبيت ؟ يعني ابي اذكر المميزات عشان احطكم في الصورة
وساكن مجانا واكل مجانا يعني والدوام سبعة ايام واربعة اوف شفت 12 ساعة
وفي ارامكو اشوف زملائي اللي خدمة تقريبا 15 سنة يوصل الي 25000 الي 30000 يعني قوي
لكن اظل ثانوي اجتماعيا صفر
وانا في الدراسة متوسط الي ممتاز
ارجو ياخوان التفاعل معي والاحساس في معناتي وشكرا لكم علي سعة صدوركم
اخوكم/ ارامكو
المصدر: http://www.mbt3th.us/vb/forum8/threa...#ixzz1XoO5JNch
حفاظاً على حقوق الكاتب نرجو عدم حذف المصدر مبتعث
رد: هل افصل من ارامكو .........
وعليكم السلام ورحمة الله وبركاته ..
يا رجال اقعد افضل لك ..
الوظايف الي كذا تطارد مطارد
بكالريوس واجد الي مالقو وظايف صاحية ..
ما شاء الله عليك امورك بالوظيفة تمام ..
لوني مكانك قعدت ,
وان كانك تبي الدراسة .. شف كان العمل يبتعثك ولا شي ..
ولا شف الدراسة عن بعد ..
بحيث انك تضمن وظيفتك
اما انك تترك الوظيفة . ما انصحك ابدا ابدا
رد: هل افصل من ارامكو .........
كلام عين العقل
امسك مجنونك لايجيك اجن منه
رد: هل افصل من ارامكو .........
الله يعطيكم العافية ماقصرتوااا الله يرضي عليكم
اتمني من الاعضاء التفاعل ولا قصور فيكم
رد: هل افصل من ارامكو .........
انا مع كلام أخوي ابو صقر ..
وأنا انصحك انك تكمل دراستك في الجامعة العربية أو أي جامعه معتمده من أرامكو ..
بحيث لو كان معك شهادة جامعية معتمده من أرامكو راح تكون القريدات قدامك مفتوحه مافيه عائق أنك ما تآخذ قريد والمستقبل قدامك كبير بأذن الله ..
أنا راح أذكر لك تجربتي :
أنا موظف متعاقد مع أرامكو (من الموظفين الكونتراكت) ..
ولي بهالوظيفة 8 سنوات ، ومن خلال عملي معهم ، أخذت شهادة البكالوريس في ادارة الأعمال (الموارد البشرية) ..
أبلغوني بأنهم بيرسموني على قريد 7 ، وانا جامعي والمفروض على الأقل 10 ..
فرفضت العرض وقدمت على الأبتعاث انا وزوجتي ، وهذا انا بكمل ماستر ان شاء الله ، والمستقبل بأذن الله أفضل ..
وأنا ما اقدمت على هالخطوه الا من الغبنه ، يعني ناس مثلي بنفس شهادتي ، هم معطينهم قريد 10 وانا 7 ؟؟؟ هنا الظلم قهرني ورفضت عرضهم ..
وأنت نصيحة أخ ، كمل دراستك عن طريق الأنتظام في الجامعة العربيه ، أو الأنتساب عن طريق جامعة الملك عبدالعزيز أو الملك فيصل ..
ملاحظه ذكرها أخي ابو صقر : خاطب جهة عملك اذا تقدر تكمل دراستك عن طريقهم ..
والله يكتب لك اللي فيه الخير ..
رد: هل افصل من ارامكو .........
نصيحة يالطيب دام معك الوظيفة امسكها وكمل انتساب اذا تقدر لان انتساب وانتظام نفس الشهادة تقريباً
وبالتوفيق
رد: هل افصل من ارامكو .........
وعليك بالاستخاره نصيحتي لك
ماحد عارف وش يصير بالمستقبل
الارب العباد
رد: هل افصل من ارامكو .........
أخوي ارمكو اللحين اللي اللي تخرج ماحصل وظائف
النصيحه تم على وظيفتك وكمل انتساب النصيحه
ولك الاختيار
ودي اقولك شي بعد أخوي فترت5سنوات مافي وظائف الطالب المتعثين هذا مذكور في جريد اليوم قبل فتر
ولك الاختيار
رد: هل افصل من ارامكو .........
ماشاءالله راتبك حلو ... والمميزات احلا ..
انا الصراحة ما اقدر اقولك الشي .. الاعضاء الي فوق اعلم واخبر مني ..
رد: هل افصل من ارامكو .........
بالنسبة لي لا تراهن على دراستك أي شيء..
بس حاول في البداية تاخذ إجازة بدون راتب لين ما تشوف وضعك تقدر تكمل ولا ترجع أحسن لك..
هذا من وجهة نظري المتواضعة