خبرة 9 سنوات وراتب 10222 وبنيت بيت ملك يعني اذا رجعت ماراح ارمى بالشارع هل اذهب ؟

اخوي مفروض ماتبين الراتب + شغلات واجده ترا في ناس حساد وفي ناس تتمنى نص الي عندك يعني لو انك قايل بمسطلحات افضل طبع هذا من مصلحتك وشكرا

اقتباس:

---

س5: كم يوم تفضلون ان اوصل امريكا علما انه في اختبار تحديد مستوى بولاية يوتا في 14 اكتوبر انا اشوف 4 ايام عشان انزل قرب السفارة في واشنطن دي سي اسمها كذا صح وافتح ملف دارس على حسابة واستاجر يوم جنبهم وبعدها احجز من المطار على يوتا ؟هل يوجد اصلا بكل ولاية مطار

---

الي اعرفه ان فيزة الطالب ما تسمح لطالب بدخول امريكا الا قبل دراسته بـ 30 يوم بالضبط

بالنسبة للمحلقية واحد من الشباب طلع في اول رمضان الي راح هذا ومرتب وضعه الرجل على اساس انه يقعد كم يوم علشان يفتح ملف ويرتب وضعه وللآسف كان ذاك الوقت توهم مطبقين نظام فتح الملف عن طريق الايميل او البوابة الالكترونية حقتهم يعني خلاص ما يحتاج تمر لا واشنطن دي سي ولا شي !!! عطول على ولايتك وارسلهم اوراقك من هناك ..

وبالنسبة للمطارات لا تخاف موجوده بكل مكان واكثر مما تتصور بعد !!..

عالعموم هذا الي قدرت اكتب اتمنى ان فدتك بشيء ..

مشاءالله ربي يزيدك اخوي عطني وظفيتك وعطيك بعثتي وشرايك هههههههه
ياليت نقدر نسوي كذا لكن للاسف ماباليد حيلة
انا لو مكانك ماتحرك قدر انملة من وظيفتي ياكثر المبتعثين الي رجعو وقاعدين يفحطون على وظيفة مثل وظيفتك ولا حصلت لهم
انا من رايي انك تستخير وتراجع نفسك وتسوي دراسة دقيقة لأن القرار مصيري
وبالتوفيق فيما تختار.

أنصحك ماتفصل الا اذا استلمت فيزتك بيدك ..

أعرف حالات فصلوا ماجاتهم الفيز الا بعد 7 او 6 شهور ...لا تستعجل ..

أخوي بالنسبة لتخصصك حتى لو أخذت ماستر صحيح راح تطور مهاراتك ومعارفك لكن ماذا عن قطاع الباص او سيقولون كالعادة اوفر كوالي فايد حتى لو معك خبرة.

بالنسبة لي أخالف نظرة الإخوان المؤيدين أشوف قدامك فرصة كبيرة ومن دون ماتفرط في وظيفتك إذا توفرت واهم من الماستر الايام هذي وأظن إنك تعرفها بما إنك متخصص في المحاسبة الا وهي الشهادات المهنية كالزمالة السعودية في المحاسبة (سوكبا) او الشهادات المهنية في المحاسبة القانونية وهي اللي تغير معدنك عند الشركات من ذهب إلى ألماس وترفع راتبك بشكل كبير أو ممكن تشتغل لحسابك الخاص وتفتح مكتب بينما مع الماستر ماتقدر تسوي الشغلات هذي كلها أو تطلع الماستر وتاخذ الشهادة المهنية من أمريكا وبكذا تكون ضربت عصفورين بحجر وكسبت شيئين كبيرين والله الموفق.

HI GUY,

i am sorry my keyborde by english ,
frist of all i am with >>>>brother SALEH 1991, couse your age so big and you accept at SACM or UV
depande on your age also not just your qaulifications,

don't give up ... i will give you good advice

visite those websits

www.bekar.com.edu
Southern Orange County Pediatric Associates-Great Care for Great Kids!
Money Expert Club نادي خبراء المال

اسمع نصيحتي يالغالي ..

حاول تأخذ إجازة بدون راتب لو تدخل على مدير الشركة وتكلمه وتقوله أنه تقديرا لخدمتي عندكم أتمنى أن تعطوني إجازة بدون راتب لمدة وقدرها وأنا أقول خذ إجازة بدون راتب لو لمدة ست شهور ولو لاسمح الله ما أعجبتك الدراسة تعثرت لأي سبب لاسمح الله إلا وضيفتك موجودة وإن عطوك إجازة لمدة سنة كالوظائف الحكومية فهذا خير وبركة ..

والله الموفق ..

لا تعمل أي شيء إلا إذا كان عندك خطة B

اقتباس:

---

المشاركة الأصلية كتبت بواسطة أنهآر حلم!

خارج الموضوع : دامك تستلم راتب حلو و قاعد تأخذ خبره ليس تتعب نفسيتك يعني حتى لو قضبوك الباب استفدت إلي غيرك يمكن يكون أنفق عمره ولا حصل عليه : الخبره و بيت العمر نرجع للموضوع : بالنسبه للفيزه انت و حظك ناس يوم واحد ونأس 10 أيام أخوي له أكثر من 4 شهور ينتظر أما بالنسبه للدراسه تقدر تأجل سواء لغه أو جامعهبالنسبه للشركه أياك ثم أياك إن تفصل

---

رأيك موفق اشكرك والله

اقتباس:

---

المشاركة الأصلية كتبت بواسطة حسام88

س1: كم تتوقعون مدة لمن جرب تجي التأشيرة لانه ماباقي عن موعد الدراسة الا شهر و5 ايام تقريبا ؟
عادة من يوم الي شهر

س2: هل افصل من شركتي بعد كم يوم لانهم مايعطوني حقوقي الا اذا طلبت فصل قبلها بشهر ؟ او هل انتظر الى ان تجي الـتأشيرة ؟
أكيــد تنتظر التأشيره والحقوق تقدر تستلمها بأي طريقة ثانيه سوي تفويض أو تعرف احد بالشركه يسلمها لك وانت مسافر

س3: الموظفة قالت ماعندك مشاكل ارسل جوازك علما انني اكتشفت بعد ماطلعت منها ورقة اللى عباها المكتب انهم مخطين في تاريخ ميلادي وصار عمري 21 بدلا من 31 ؟ وش بيصير بهالحالة؟
أكون صريح معك. أحيانا الخطأ يسبب رفض الفيزا.. لكن في حال الرفض تقدر تقدم مره ومرتين وثلاث وكثير طلعتلهم بالمره الثانيه او الثالثه

س4: هل استطيع احجز التذكرة على الخطوط السعودية الحين او اصبر الى ان تجي التأشيرة يمكن تجي بدري يمكن تتأخر ؟
اذا تعرف موظف بالخطوط. تقدر تحجز تذكره والدفع يكون قبل الرحله بيوم.. وياكثر اللي يزاحمون الحجوزات بحركاتهم هذي.. يعرفون موظف ويضايقون الناس بخمس ست رحلات

س5: كم يوم تفضلون ان اوصل امريكا علما انه في اختبار تحديد مستوى بولاية يوتا في 14 اكتوبر انا اشوف 4 ايام عشان انزل قرب السفارة في واشنطن دي سي اسمها كذا صح وافتح ملف دارس على حسابة واستاجر يوم جنبهم وبعدها احجز من المطار على يوتا ؟هل يوجد اصلا بكل ولاية مطار
:) الولايه عندهم تعتبر كأنها دوله وفيها عاصمه.. وميزة أمريكا بكل مدعس مطار
وانت ونفسك تختار الوقت اللي يريحك.. اذا حاب تتعرف على المدينة تعال بوقت مبكر واذا ما همك الوضع.. تعال قبل الدراسة بثلاث أو اربع ايام علشان يمديك تقابل السعوديين بالمعهد ويعلمونك وين السكن المناسب
ودي سي يكفيها يوم عمل واحد من الساعه 9 الي 5 يعني ليلة او ليلتين كافيه

س6: دراسة الجامعة تبدا ب 1 يناير 2012 وانا وقتها بكون لغة بولاية يوتا وش اسوي مع الجامعة هل اسوي تأجيل وكيف اسويه او اسحب عليهم الى ان اخلص المعهد وبعدها اقدم على اي جامعة لو بغيت اغير ؟
انصحك ترسلهم رسالة تكتب فيها انك تبغى تأجل للترم اللي بعده أو اللي بعده.. لأن قبول الجامعات الايام هذي صاير أغلى من الذهب :) فلا تفرط فيه

س7 : انا بدرس سنة لغة بيوتا ومغطي تكاليفها هل ممكن خلالها الحق بالبعثة علما انني بكالوريوس حاسب واريد ماجستير محاسبة والا خاف الملحقية يغيرون تخصصي ويجبروني بشي اخر ؟
اكون صريح معك تخصص الادارة مزحوم عليه بقوه بالمحلقيه
انا حاسب مثلك وعندي خلفيه عن القبولات.. فراح اعطيك نظرتي اذا كانت تهمك مدة الدراسة
اذا اخذت ماجستير تحت الادارة.. فالمدة راح تكون طويله جدا يعني راح يطلبون منك ساعات بكالوريوس واجد يمكن 4 أو خمس مواد
اما اذا اخذت ماستر تحت الحاسب.. فالمدة راح تكون قصير بمعدل سنه ونص ان كثرت
اما اذا مالك خلق حاسب ففيــه تخصصات بأمريكا تحت الحاسب والادارة ومدتها نفس مدة الحاسب .. مثل تقنية معلومات وتجارة الكترونية . ونظم معلومات وغيرها

اتمنى اني افدتك بإجاباتي
بالتوفيق لك

---

صراحة انك كفيت ووفيت واجاباتك هذي فتحت 3 اسئلة جديدة برسلها قريبا جدا