الأعضاء الإشتراك و التسجيل

الملتقيات
ADs

خبرة 9 سنوات وراتب 10222 وبنيت بيت ملك يعني اذا رجعت ماراح ارمى بالشارع هل اذهب ؟

خبرة 9 سنوات وراتب 10222 وبنيت بيت ملك يعني اذا رجعت ماراح ارمى بالشارع هل اذهب ؟


NOTICE

تنبيه: هذا الموضوع قديم. تم طرحه قبل 2286 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية abugood
    abugood

    مبتعث جديد New Member

    abugood الولايات المتحدة الأمريكية

    abugood , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى حاسب آلي , بجامعة الجامعة العربية المفتوحة
    • الجامعة العربية المفتوحة
    • حاسب آلي
    • ذكر
    • الرياض, الرياض
    • السعودية
    • Dec 2010
    المزيدl

    September 13th, 2011, 11:54 AM

    7 أسئلة لو جاوبت عليها ستشق طريقك الى النجاح قل بسم الله ثم إبدأ



    ياجماعة الخير انا سويت مقابلة يوم الاحد قبل امس الموافق 11 سبتمبر 2011 بالسفارة الامريكية

    ودراسة اللغة بولاية يوتا وتبدأ الدراسة في 14 اكتوبر 2011

    ودراسة ماجستير محاسبة في ولاية اركانسس في 1 يناير 2012

    واخذوا جوازي وسددت رسوم الفيدكس وقالوا انتظر التأشيرة من اسبوعين الى 3 اسابيع

    الاسئلة السبعة هي :بالله من يملك الاجابة يجيب عما يستطيع عشان ادعيلكم من قلب هههه لاني احس اني متوهق

    س1: كم تتوقعون مدة لمن جرب تجي التأشيرة لانه ماباقي عن موعد الدراسة الا شهر و5 ايام تقريبا ؟
    س2: هل افصل من شركتي بعد كم يوم لانهم مايعطوني حقوقي الا اذا طلبت فصل قبلها بشهر ؟ او هل انتظر الى ان تجي الـتأشيرة ؟
    س3: الموظفة قالت ماعندك مشاكل ارسل جوازك علما انني اكتشفت بعد ماطلعت منها ورقة اللى عباها المكتب انهم مخطين في تاريخ ميلادي وصار عمري 21 بدلا من 31 ؟ وش بيصير بهالحالة؟
    س4: هل استطيع احجز التذكرة على الخطوط السعودية الحين او اصبر الى ان تجي التأشيرة يمكن تجي بدري يمكن تتأخر ؟
    س5: كم يوم تفضلون ان اوصل امريكا علما انه في اختبار تحديد مستوى بولاية يوتا في 14 اكتوبر انا اشوف 4 ايام عشان انزل قرب السفارة في واشنطن دي سي اسمها كذا صح وافتح ملف دارس على حسابة واستاجر يوم جنبهم وبعدها احجز من المطار على يوتا ؟هل يوجد اصلا بكل ولاية مطار
    س6: دراسة الجامعة تبدا ب 1 يناير 2012 وانا وقتها بكون لغة بولاية يوتا وش اسوي مع الجامعة هل اسوي تأجيل وكيف اسويه او اسحب عليهم الى ان اخلص المعهد وبعدها اقدم على اي جامعة لو بغيت اغير ؟
    س7 : انا بدرس سنة لغة بيوتا ومغطي تكاليفها هل ممكن خلالها الحق بالبعثة علما انني بكالوريوس حاسب واريد ماجستير محاسبة والا خاف الملحقية يغيرون تخصصي ويجبروني بشي اخر ؟
    :


    أسأل الله ان يوفق ويصلح ذرية من يجيب على مايستطيع من اسئلتي وان يرزقه مايتمنى من شهادة ودرجة علمية ممتازة
  2. 10 الف وتفصل من الشركه ترا هنا حتى لو ضموك والله عناء وتعب ومكده ماهي سهله 10 الف ماشاء الله يمديك تصيف كل سنه بديره ...وبعدين اقدر اجاوبك ع سؤال واحد الي هو المحاسبه انا بنفسي حاطين تخصصي محاسبه وجبت قبول لين ضموني بعدين بغير هندسه
    7 "
  3. أخي الكريم

    نصيحة أخ ....

    لا تبدأ في أي عمل حتى توصلك التأشيره ، وبعدها:

    1- قم بمخاطبة المعهد في تأخير بدء الدراسة إلى أقرب شهر من بعد استلامك للتأشيرة ..
    2- وعند استلامك I-20 ، ابداء في اجراءات الإستقاله من عملك ..


    والله يوفقك ويكتب لك ولنا اللي فيه الخير ..
    7 "
  4. المشاركة الأصلية كتبت بواسطة NORTHy
    10 الف وتفصل من الشركه ترا هنا حتى لو ضموك والله عناء وتعب ومكده ماهي سهله 10 الف ماشاء الله يمديك تصيف كل سنه بديره ...وبعدين اقدر اجاوبك ع سؤال واحد الي هو المحاسبه انا بنفسي حاطين تخصصي محاسبه وجبت قبول لين ضموني بعدين بغير هندسه
    وليش ما يفصل ...؟

    الشركات مالها امان ، الا اذا كانت شركة كبيره مثل أرامكو وسابك هنا نوقف ونفكر بكلامك ..

    لكن أنا الحين راتبي 12 ألف ريال ، ولي 9 سنوات متوظف ، وكل سنه تجديد عقد ...؟ إلى متى هالحال ، النفسيه تعبت ، بالأخير قدمت استقالتي ، وأنضميت للبعثه آخذ ماستر على خبرتي ومنها خلاص اكون مقتنع بنفسي كثير ... وارضيت حالي ....

    والله يكتب اللي فيه الخير لنا ولكم ..
    7 "
  5. المشاركة الأصلية كتبت بواسطة Hussain AlQahtani
    وليش ما يفصل ...؟

    الشركات مالها امان ، الا اذا كانت شركة كبيره مثل أرامكو وسابك هنا نوقف ونفكر بكلامك ..

    لكن أنا الحين راتبي 12 ألف ريال ، ولي 9 سنوات متوظف ، وكل سنه تجديد عقد ...؟ إلى متى هالحال ، النفسيه تعبت ، بالأخير قدمت استقالتي ، وأنضميت للبعثه آخذ ماستر على خبرتي ومنها خلاص اكون مقتنع بنفسي كثير ... وارضيت حالي ....

    والله يكتب اللي فيه الخير لنا ولكم ..
    الله يجزاك الجنة ليتها سابك او ارامكو والله انها شركة ابسط ماتقدر تقول عنها شركة المتردية والنطيحة وحارس الامن اللى قدام مستوصف والله ان له مسؤولية وثقة بنفسه احسن منا اي والله
    ولذلك مممكن اقرب شي هو رايك واخي اللى رد بالاول احاول اأأخر شوي او اذا جاء ردهم بتوكل على الله والله ييسر

    الدنيا مررررررررررررررررررررررة واحدة لن تعاد لك لكي تدرس من جديد

    برضه مازلت انتظر الاسئلة الاخرى تكفون لاني معتمد على الله اولا ثم على معلومات هذا المنتدى اسأل الله ان يبارك فيمن ورائه
    7 "
  6. خارج الموضوع : دامك تستلم راتب حلو و قاعد تأخذ خبره ليس تتعب نفسيتك يعني حتى لو قضبوك الباب استفدت إلي غيرك يمكن يكون أنفق عمره ولا حصل عليه : الخبره و بيت العمر نرجع للموضوع : بالنسبه للفيزه انت و حظك ناس يوم واحد ونأس 10 أيام أخوي له أكثر من 4 شهور ينتظر أما بالنسبه للدراسه تقدر تأجل سواء لغه أو جامعهبالنسبه للشركه أياك ثم أياك إن تفصل
    7 "
  7. س1: كم تتوقعون مدة لمن جرب تجي التأشيرة لانه ماباقي عن موعد الدراسة الا شهر و5 ايام تقريبا ؟
    عادة من يوم الي شهر

    س2: هل افصل من شركتي بعد كم يوم لانهم مايعطوني حقوقي الا اذا طلبت فصل قبلها بشهر ؟ او هل انتظر الى ان تجي الـتأشيرة ؟
    أكيــد تنتظر التأشيره والحقوق تقدر تستلمها بأي طريقة ثانيه سوي تفويض أو تعرف احد بالشركه يسلمها لك وانت مسافر

    س3: الموظفة قالت ماعندك مشاكل ارسل جوازك علما انني اكتشفت بعد ماطلعت منها ورقة اللى عباها المكتب انهم مخطين في تاريخ ميلادي وصار عمري 21 بدلا من 31 ؟ وش بيصير بهالحالة؟
    أكون صريح معك. أحيانا الخطأ يسبب رفض الفيزا.. لكن في حال الرفض تقدر تقدم مره ومرتين وثلاث وكثير طلعتلهم بالمره الثانيه او الثالثه

    س4: هل استطيع احجز التذكرة على الخطوط السعودية الحين او اصبر الى ان تجي التأشيرة يمكن تجي بدري يمكن تتأخر ؟
    اذا تعرف موظف بالخطوط. تقدر تحجز تذكره والدفع يكون قبل الرحله بيوم.. وياكثر اللي يزاحمون الحجوزات بحركاتهم هذي.. يعرفون موظف ويضايقون الناس بخمس ست رحلات


    س5: كم يوم تفضلون ان اوصل امريكا علما انه في اختبار تحديد مستوى بولاية يوتا في 14 اكتوبر انا اشوف 4 ايام عشان انزل قرب السفارة في واشنطن دي سي اسمها كذا صح وافتح ملف دارس على حسابة واستاجر يوم جنبهم وبعدها احجز من المطار على يوتا ؟هل يوجد اصلا بكل ولاية مطار
    الولايه عندهم تعتبر كأنها دوله وفيها عاصمه.. وميزة أمريكا بكل مدعس مطار
    وانت ونفسك تختار الوقت اللي يريحك.. اذا حاب تتعرف على المدينة تعال بوقت مبكر واذا ما همك الوضع.. تعال قبل الدراسة بثلاث أو اربع ايام علشان يمديك تقابل السعوديين بالمعهد ويعلمونك وين السكن المناسب
    ودي سي يكفيها يوم عمل واحد من الساعه 9 الي 5 يعني ليلة او ليلتين كافيه


    س6: دراسة الجامعة تبدا ب 1 يناير 2012 وانا وقتها بكون لغة بولاية يوتا وش اسوي مع الجامعة هل اسوي تأجيل وكيف اسويه او اسحب عليهم الى ان اخلص المعهد وبعدها اقدم على اي جامعة لو بغيت اغير ؟
    انصحك ترسلهم رسالة تكتب فيها انك تبغى تأجل للترم اللي بعده أو اللي بعده.. لأن قبول الجامعات الايام هذي صاير أغلى من الذهب فلا تفرط فيه


    س7 : انا بدرس سنة لغة بيوتا ومغطي تكاليفها هل ممكن خلالها الحق بالبعثة علما انني بكالوريوس حاسب واريد ماجستير محاسبة والا خاف الملحقية يغيرون تخصصي ويجبروني بشي اخر ؟
    اكون صريح معك تخصص الادارة مزحوم عليه بقوه بالمحلقيه
    انا حاسب مثلك وعندي خلفيه عن القبولات.. فراح اعطيك نظرتي اذا كانت تهمك مدة الدراسة
    اذا اخذت ماجستير تحت الادارة.. فالمدة راح تكون طويله جدا يعني راح يطلبون منك ساعات بكالوريوس واجد يمكن 4 أو خمس مواد
    اما اذا اخذت ماستر تحت الحاسب.. فالمدة راح تكون قصير بمعدل سنه ونص ان كثرت
    اما اذا مالك خلق حاسب ففيــه تخصصات بأمريكا تحت الحاسب والادارة ومدتها نفس مدة الحاسب .. مثل تقنية معلومات وتجارة الكترونية . ونظم معلومات وغيرها



    اتمنى اني افدتك بإجاباتي
    بالتوفيق لك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.