الأعضاء الإشتراك و التسجيل

الملتقيات
ADs

استلمت فيزتي الحمدلله

استلمت فيزتي الحمدلله


NOTICE

تنبيه: هذا الموضوع قديم. تم طرحه قبل 2320 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية m7md.us
    m7md.us

    مبتعث جديد New Member

    m7md.us الولايات المتحدة الأمريكية

    m7md.us , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Electrical Engineering , بجامعة Soon
    • Soon
    • Electrical Engineering
    • ذكر
    • Milwaukee, Wisconsin
    • السعودية
    • Jun 2011
    المزيدl

    September 14th, 2011, 05:30 AM

    السلام عليككم ..

    ابشرككم امس وانا بالجامعة جتني رسسالة من فيديكس ..
    انا شفتها ولا ماشفتها ضاعت علومي , توقعت انه رفض ..
    المهم المحاضرة 4 ساعات انا ماقدرت اصبر ,
    كان الدكتور امريكي من كاليفورنيا
    قلت له اسمح لي يادكتور بطلع وارجع بعد ساعة المهم كنه وده يقول لا , قلت موضوع الشغل عن الفيزا الامريكيه المهم عطاني ذيك الابتسامه وقال بالتوفيق
    انا وانا طالع من الجامعة ماعاد ادل طريق الملك عبدالعزيز مع الخوف كلمت خويي ووصف لي الطريق وفرع فيديككس ههههههههههههههه
    انا كان خوفي انها رفض لاني الرسالة جت بعد يوم من الموعد وكاتب رقم هويتي غلط يوم اقدم عشان كذا ماتوقعت ابد انها بتطلع . .
    المهم نزلت لفيديكس وانا ككلي انكسار وخوف وترقب وحماس ..
    وصلت له لعب باعصابي ماخلاني افتح الكيس الا يوم خلاني اوقع واعطيه رقم الهوية المهم انه مابقى فيني قطرة دم . .
    السوداني بغيت اقول له ان كانها الفيزا عشيتك هههههههههههههههه , مسكت الجواز ومافتحته جلست شوي ابحلق بعيوني واقول الله يلعن الحظ اللي جاب موعدي في 11 سبتمبر ..
    اول مافتحت الجواز جت الصصفحة على الفيزا , انا من الفهاوة والفرحه قلت للسوداني بصوت مبحوح هذي الفيزا ؟!
    قال ايوه هذي الفيزا باستغراب والله لولا الحياء من الموجودين كان طبيت عليه وقمت اخمخممه ..

    ماحب احد يقول لي قل ما شاء الله ههههههههه
    بس اذا تسمحون اقولها بقولها لأن العين حق ..
    ^ ماخربني الا امي الله يخليها , عقدونا بسالفة العين هههههه

    والحمدلله على كل ححال
    بس حبيت اقول لأي شخص متخوف من الفيزا تراها الحمدلله سسهالات ..
    وبالنسسبة لي اشوف انها اسهل شي بموضوع الدراسة بامريكا ..

    عندي كم سؤال بسأله ..
    اول شي انا ابي اروح على الخطوط القطرية ..
    وشفت موضوع قبل شوي ان واحد راح بالخطوط القطرية وماختمو له ختم خروج وسببت له مشكلة مع الملحقية ..
    ثاني شي اسعارها اعلى من الخطوط السسعودية بمراحل او متقاربه ؟
    ووش تنصحوني باي خطوط علما باني باروح درجة سياحية
    والحجز اروح لواشنطن ولا مدينتي اللي بدرس فيها ؟
    اليوم واحد يقول لي الملحقية الحين ماتستقبل احد و "لازم" تقدم عن طريق الانترنت .. !
    واخيرا انا دراستي تبدأ 14 نوفمبر ان شاء الله , ما التاريخ المقترح برأيكم للسفر ؟


    تحياتي
  2. عليكم السلام ورحمه الله وبركاته ...

    أخي الكريم ...

    مبارك لك الفيزا ...

    بخصوص تساؤلاتك ...

    لا علاقة ترتبط بين الخطوط القطرية ...

    وختم الخروج ...

    فهذا الموضوع مرتبط بالطالب ...

    ودائرة الجوازات ...

    فقبل الخروج من أمريكا ...

    لا بد من الطالب التوجه إلى ...

    قسم الجوازات ...

    والتشييك على امكانية ختم الخروج ...

    ثم ما علاقة الختم بالملحقية ؟ ...

    لم أفهم هذه النقطة ...

    عموماً ...

    الخطوط القطرية ...

    خدماتها ممتازة ...

    وانصح بها ...

    لتجربة سابقة بها ...

    أما نقطة الذهاب للملحقية ...

    فالآن ...

    لا حاجة الطالب للذهاب للملحقية ...

    فقط ...

    قدم طلب فتح بالملف من البوابة ...

    وتابع ذلك عندما تصل لمدينة الدراسة ...

    أما تاريخ دراستك ...

    فيسمح لك بالدخول قبلها ب 30 يوم ...

    كحد أقصى ...

    والذي ينصح به ...

    أن تكون قبل موعد دراستك ...

    باسبوعين او اسبوع على الأكثر ...

    لترتيب جميع أوضاعك ...

    من سكن وخلافه ...

    أسأل الله لك التوفيق ...

    وللجميع ...

    أخوكم ..

    بــن نيــــاز
    7 "
  3. والله يآهم حرقوو دمي على ماطلعت الفيـززا .
    جلست ثلآث اسآبيع ورب الكعبه وسوست حسيـت ان فيني بلآء
    ولد عمتي قدم معي وبعد يومين طلعت وانا صآر لي ثلآث اسابيع
    النفسيه تحطمت .. النشآط رآح .. والامال بح المهم .. صرت متردد
    اطلب جوازي واسحب عليهم واقول هونت ماني دارس
    ولا كيف .. وصلت لـ مرحلة اليئس
    وبعدها بكم يوم جالس العب سـوني [ بلايستيشن]
    الا خش علي ابوي .. كان وقتها صبآح السآعه 8
    خش مبتسم . قآل فيدكس آرسلو رسآله
    يوم قآل كذا وانا اقمز والله بغيت اطلع فرقآوي ، شطحه / فرقآوي = فنيله وسـروال ..
    وطيران لـ فيدكس .. قلت وين هذا حق سفآره .. قآل الهندي [ ايوه موزود ]
    قلـت جيب ممكن .. قآل لحزه لازم في وقع
    من العجله بغيت اوقع على جبهته
    طبعآ الكيس مافيه شششقيته بالمفتاح
    الا الورقه داخل الجواز .. يوم فتحتها الا هذا وجهي اسود وابيض
    تقول مصـري ..
    وقلـت كذا بـ هاللهجه وربي [ افففففففففففففففففففففففففيه ]
    فيه سعودي ضحك .. وقال الله يوفقك ويسهل امورك
    بغيت اضمه من الفـرحه ..
    وبس :$
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.