الملحقيه توهقني ,, والمشرف هو السبب
السلام عليكم ورحمة الله وبركاته ,
بـ اختصار هذا هو موضوعي ::
انا ولله الحمد اختبرت اختبار ايلتس وجبت فيه 5.5 وبهذا الخصوص حاولت اني ابحث لجامعه تقبلني , لانه الجامعه الي عندي ما تقبل 5.5 وقبل لا ابحث عن جامعه سئلت المشرف اذا كنت اقدر اغير جامعه او لا وقالي تقدر تغير اذا كانت الجامعه موصى بها من خلال موقع الوزاره واذا كان فيها التخصص حقك .
بعد كذا سويت الي قالي عليه وشفت لي جامعه وبحثت عنها في موقع الوزاره وطلع لي الجامعه موصى بها ومافيها اي كلام , وبعد ما جبت القبول من الجامعه , وطلبت اني اطلع من جامعتي وانه يتغير السيفيس حقي ,,,, يررد علي الملحق بكل برود اعصاب طلبك ملغى لانه الجامعه ممتلئه وفيها تكدس !!!!
بالله انا وش ذنبي اذا موقع الوزاره قالي الجامعه سليمه ومافيها اي كلام ,, وعلى فكره اسم الجامعه Oregon State University بـ امكانكم انكم تبحثون عنها وراح تشوفون انها ما عليها اي كلام في موقع الوزاره ,
بالله الحين انا وش اسوي ؟ الملحقيه وش تبي منيي يعني ؟ الي يبونه مني اسويه وآلي ابي منهم ما يسونه ,
ملحوظه : من خلال البوابه الالكترونيه الجديد المشرفين صاروا يردون , بس اغلب ردودهم ما تكون واضحه , لاني قبل لا اسوي نقل لـ اورقن سئلته ,, فيه جامعه تنصحني فيها , قالي انت دور وشوف لك جامعه موصى فيها ..!!!!
بـ الله اناا بسـئل بس ,, المشرف وش وظيفته ؟؟؟ لا يدور لنا جامعات ولا شي ؟ طيب حنا نسئل مين ولا مين ؟؟
آلملحقيه بلاا ع راسنا وبـ اذن الله اذا صار شي معاي في الملحقيه الغي بعثتتي وآرجع السعوديه , وغيري اولى بالبهدله وآلتعب والارق النفسي ,
وفي الختام , الموضوع كتبته وانا حدي مقفل , يعني مو مرتب ولا حاجه بس الواحد وده يفضفض على الي في قلبه ,, والله يوفق الجمييع
رد: الملحقيه توهقني ,, والمشرف هو السبب
الله يكون بعونك على هالمشرف التعبان .
يا ليت تحط اسمه عشان ينفضح بين الشباب .
وظيفة المشرف الأساسية هي التطفيش فقط باستخدام Hold
رد: الملحقيه توهقني ,, والمشرف هو السبب
اخوي لو حطيت اسم المشرف تظمن لي انه ما يصير معاي مشكله ؟ :P
هي خاربه خاربه بس ما نبي نعميها انا الحين جالس اتواصل معاه وبـ ايميلات شديدة اللهجه اذا ما صار معاي شي /, اناا احمل المحلقيه والمشرف وموقع الوزاره
يا ناس والله حرام الي صير معاي , انا لأني كنت ما ابي اضيع اكثر من سنة في اللغه قررت اني انتقل لجامعه ثانيه , وفي النهايه يصير معاي كذا ,
ملحوظه : هذا المنتدى مملوء بالجواسيس والناس الي تشتغل عند الملحقيه
رد: الملحقيه توهقني ,, والمشرف هو السبب
لو سمحتوا الي عنده ارقام او ايميلات الروؤس الكبيره في الملحقيه يضعها لي هناا , وآلله لا استلمهم استلام بالله وش ذا التخلف ؟؟؟؟؟؟؟؟؟ اناا والله عجزت افسر الي صار معاي
من جد الحاله كسيفه والواحد تعب نفسيأأأأ
رد: الملحقيه توهقني ,, والمشرف هو السبب
ادخل على موقع الملحقية وبتحصل ارقام مكاتبهم وايميلاتهم
وخليك قوي بكلامك حسبي الله عليهم
الله يسهل امرك ويفرج همك
رد: الملحقيه توهقني ,, والمشرف هو السبب
تبي الصدق ولا تزعل جامعة اوريغون اخبرها من عام 2009 وهي موقفة ههههههههههه
رد: الملحقيه توهقني ,, والمشرف هو السبب
روكي وآلله العظيم الموقع مو حاط عليها لا ايقاف ولا شي وتقدر تشيك بنفسك الان , واذا على كلامك الجامعه موقوفه من 2009 ,, ولد عمي التحق في البعثه هناك في 2010
روكي , ارجو انك تكون جاد في تعليقاتك ولا بلاش تعلق وتكذب الناس
رد: الملحقيه توهقني ,, والمشرف هو السبب
اختي ثبات شاكر لك على المشاركه , وانا الان بصدد ارسال رساله لجميع منهم مسؤلين
رد: الملحقيه توهقني ,, والمشرف هو السبب
حشى يا احمد انا ما اكذب احد .. انت مشكلتك تروح لموقع التعليم العالي هذا من بدا برنامج خادم الحرمين الشرفين وهم ما سوو له تحديث بقسم الجامعات الموصى بها لا .. فيه مواضيع هنا بالمنتدى تحصلها الجامعات الموقفة بسبب التكدس عام 2009 .. الجامعات الموقفة عام 2010 .. الجامعات الموقفة عام 2011 .. راجعها الله يرضالي عليك
رد: الملحقيه توهقني ,, والمشرف هو السبب
بالنسبة لخويك الي التحق .. الي جاي على حسابه بإمكانه يروح أي جامعة يبغاها وأي معهد يبغاه ( إذا كان على حسابه ) وعادي يلتحق