السلام عليكم ورحمة الله وبركاته
تحيه لشباب والصبايا حبيت اطرح موضوع قد يوافقني البعض فيه شباب صراحه انا احس انه يوم كان الحميضي مدير للبعثات افضل من الموسى الجديد هذا من بدايتها المفروض البعثات 20 الف او 15 الف . قبل فقط 5110 طالب وطالبه
وكل جريده تنصب علينا
ومن جد صارت وزاره التحطيم العالي
انا عن نفسي صراحه طلعت الضمان المالي بامر من عند الحميضي امر يعني واسطه من فوق المهم واصدر لي الضمان المالي وقال اذا جبت القبول تعال ةاصدرلك القرار وكل شي وقلت اوكي وتعرفون مراسله الجامعات بما اني غشيم ماادري وين الله حاطني بالانجليزي طولت المهم نقلو الحميضي للنمسا وانا جبت قبول ورحت للتعليم وكان وقتها شهر 8 اظن المهم بعد الصيف يعني جيت للمركز البعثات الجديد للعلم طبعا انا من سكان جده المهم
قلت جبت قبول وش اسوي قال هات صوره من جوازك نرسل ايميل للسفاره عشان تسوي المقابله قلت اوكيه
المهم خذيت موعد ب11 رمضان وقابلت السفاره وانقبلت بالمقابله الحمدلله تخبرون ماعندي سفرات يميمن يسار سوريا ايران كل سفراتي لندن ودول حبيبه لامريكا لول قالو ناقصك ايميل من التعليم العالي اثريه ماوصلهم واذا جانا بعدها بااسبوع تصدر لك الفيزا قلت اوكي
رحت للتعليم العالي اسف قصدي التحطيم العالي للعلم شباب انا كنت ادري بجامعه الملك عزوز بجده هندسه ترو نسبتي 75 لول لاتحسبوني دافور تخبرون واسطع بعد وقشرت بصل بالجامعه قلت اطلع مدام جاني ضمان مالي
المهم رحت للتعليم وقلت للرجال ارسلي ايميل للسفاره قال عطني رقم الطلب قلت ماعندي قال شلون اجل طلعت الضمان المالي قلت طلعولياه كذا قالي استنا واحد اسمه الدكتور ماجد الحربي
والله وماقالت طبعا المهم انتضرته وانا صايم تخبرون واصله المهم طويل العمر جاي ووقفو العالم طابور قدامي يسالونه ويقولون مشاكلهم المهم الي بااول الصف مدرري وش مكلته المهم قال الحربي يالله الي بعده يتكلم من فوق خشمه مسوي صايم معصب لول المهم جا الي بعده الا نفس مشكلتي ماعنده رقم طلب بس هو ماجستير انا بكالوريس مدري اشوفه يقوله لا ومدري شلون الا جنبه ابوه الي يتكلم مع الحربي قال ابوه ماعرفتني ماجد انا زميلك بجامعه ام القرى قال مين المهم عرفه ضبط اوراقه وقال تعال ادخل المكتب مدري شعندهم المهم قال الي بعده اثريه ولد قدامي مقبول بالبعثات المرحله الثالثه وفاتته المقابله مع التعليم بالفندق قال انتم قلتولي ترسلون رساله على جوالي والايميل قال الحربي ايه ماجتك
قال الولد والله ماجاني شي لا رساله على الجوال ولا الايميل قال الحربي مالي دخل ليش ماتقرا بالجرايد حنا معلنين قال الولد وشدخلني انا انتم قلتو على الجوال والايميل وماجاني شي شيكو من عندكم قال الحربي مالي دخل راحت عليك البعثه والله لو اني بدال الولد ساطره بمخمس.
المهم جا دوري قال وش سالفتك قلت كذا وكذا قال شلون مطلعها هذي وسيله غير قانونيه قصده واسطه بغيت اقول وخويك الي تو مضبطله المهم قلتانا جبته امر من فلان هذا مو قانونيه وهي يسكت انخرش لول قال خلاص رح للموسى هو مسؤول انا مااقدر اسوي شي المهم سويتلي امر ورايح للموسى السبت الجاي او العنقري وزير التحطيم العالي
المهم ياشباب انا عن نفسي جيت كم مره للتعليم العالي واخوي مبتعث من وقت الحميضي مرحله اولى وخويي المرحله الثانيه كلهم يمدحون الحميضي والاداره الثانين مثل المعجل وغيره 90 بالميه من الي قابلتهم بالوزاره يغلطون على المدير الجديد ويقولون انه شديد وجاي معقد من جامعه الامام ويتعابط ومدري وش سالفته انا عن نفسي ماقابلته ولا بيني وبينه اي شي يعني انشالله امري محلول بس الي ماعنده واسطه مثل الولد الي كان قدامي وش بيسوي .
واتمنى من كل قلبي تنحل جميع مشاكل المبتعثين وتتسهل لهم اجراءات بعثتهم وارجو\من كل شخص صارتله سالفه انا يكتبها بالمنتدى يمكن احد المسؤلين يشوفها
