تغيير المرحلة من ماستر الى بكالوريوس ؟ من الملحقية او من الوزارة

أختي الله يحفظك بصراحة أول مرة أشوف إستفسار من هالنوع وماأخفيك محد هنا راح يقدر يعطيك الجواب الأكيد فعشان كذا أشوف أن الموضوع بيد الوزارة والملحقية صعب تبت في هكذا أمور من دون ماترجع للجنة في الرياض فخلي واحد من أهلك يروح للبعثات ويشوف إيش يقولون مع إني أتوقع أنهم بيرفضون لدواعي بيروقراطية والرجاء بالله كبير.

الله يعينك يارب ويرد عليك عنده خلفية عن الموضوع

لا أعتقد أن الملحقية او الوزارة ستوفق

أعرف واحد تخرج بكالوريوس من أمريكا و رجع السعودية و تم إبتعاثه مرة أخرى في المرحلة الخامسة لدراسة الماجستير، و لم تسمح له الوزارة بدراسة اللغة و هو كان يحتاج فترة اللغة فقط للبحث عن قبول، و حاول مع الوزارة ولكنه تم رفض طلبه بحجة أنه لا يُطلب عليه لغة و أن الوزارة لن تصرف عليه في هذا الأمر.

على كل حال انا ان كنت هادرس ففي جميع الاحوال اني سادرس ماستر واطلب ترقية للدكتوراة .... فبدل من ان ادرس ماستر ودكتوراة في تخصص انا لا اريدة وفي الاصل ليس امتداد لتخصصي السابق
فلماذا يرفضون ان ادرس شيء انا اريده وفي كلتا الحالين سيتم الصرف ... على الاقل اني صريحة وما ودي اهدر مال الدولة على حاجة ممكن اتفوق فيها لكن ما راح ابدع فيها لانها مه التخصص اللي ودي فيه ...

والله انا ما ادري ليش الدنيا دايما ماشية عكس ما اطمح له ولا انا الغلط فيني ما ادري ايش اقول بس

شكرا على الردود كلها .... والله يوفق كل من رد علي ويفرج همه

انا كلمت مشرفي قبل 4 شهور وقالي انه تقدرين وطلبت منه ضمان مالي بالتخصص واعطاني ضمان مالي مكتوب عليه اسم التخصص
ورحت للجامعة وطلب قبول منهم وبديت اجهز نفسي وظنيت انهم خلاص وافقوا لي
وامس لما كلمته يغير الكلام ويقولي لا مو مسموح وانه الموضوع هذا تخاطبين الوزارة
وشيء اكيد انه لو كلمت الوزارة وماعندي واسطة راح اكل هوا

طيب اختي انتي ايش تخصص البكالوريوس حقك

اذا كونتي مقدمة على ماستر غير تخصصك حاولي تكلميهم وتطلبي شي امتداد تخصصك تبع البكالوريوس

الله يوفق الجميع

عفوا انا فكرت بشيء ثاني ممكن تقولون لي رايكم اذا صح او لا وشكرا لكم

الحين لو اني رحت للوزارة او ارسلت احد من اهلي محد راح يسمع لهم ابدا ,,,,, ويبيلي واسطة وانا ما عندي
طيب اذا رحت للملحقية وطلبت من مشرفي او من احد مسؤل هناك يكلم المسؤل في الوزارة عن الموضوع هذا
هل تتوقعون انهم يرضون ؟
يا ليت تعلموني اذا هذا تصرف صحيح ولا
ما ودي اصرف تذكرة على واشنطن وارجع صفر اليدين
وشكرا لكم

تبين شوري لاتتعبين نفسك الموضوع صعب حتى لو بواسطة ماراح تمشي إلا من الوزير أو النائب او الموسى وكملي بتخصصك اللي انتي مبتعثة عليه وخذي دكتوراه اذا قدرتي وإذا مصَره وتبين تحاولين على الأقل زبطي أوراقك من قبول وغيرها عشان يقتنعون انك جادة ولاتتعدين الوزير أو نائب الوزير واشطفي البعثات لأنهم ماينفعون بريال ومايحترمون أحد والله يوفقك.

 المشاركة الأصلية كتبت بواسطة saleh_1991

تبين شوري لاتتعبين نفسك الموضوع صعب حتى لو بواسطة ماراح تمشي إلا من الوزير أو النائب او الموسى وكملي بتخصصك اللي انتي مبتعثة عليه وخذي دكتوراه اذا قدرتي وإذا مصَره وتبين تحاولين على الأقل زبطي أوراقك من قبول وغيرها عشان يقتنعون انك جادة ولاتتعدين الوزير أو نائب الوزير واشطفي البعثات لأنهم ماينفعون بريال ومايحترمون أحد والله يوفقك.

مشكور اخوي ما قصرت والله يوفقك وييسر لك امورك كلها يا رب
الله يجزاك الجنة ويسهل لك كل مر عسير
...واسفه على كثرة الاسئلة ..
عفوا اخوي .. يعني هل اكلم الموسى اولا ؟ واذا ما رضي ممكن اروح للوزير ؟؟

واذا انا ودي اروح بنفسي هل يدخلوني الوزارة ولا لازم رجل ...؟

يا رب تفرجها من عندك ... العمر ضايع ضايع .. وحرام يروح في حاجة مستقبلها ضعيف .. وفي كل الاحوال الابتعاث فرصة واحدة في العمر ...