ودي اسأل ( هل تغيير التخصص او الجامعة ) سهل ؟؟؟ لو الواحد درس سمستر او اثنين

مرحبا
نفس السؤال
هل ممكن الواحد يغير الجامعة او التخصص بسهولة
يعني هل ممكن الواحد اذا محتار في تخصص يدخله وبعدين اذا حس انه صعب وماقدر يمشي فيه يغيره؟؟؟؟؟

اتمنى اعرف لو في احد مجرب يفيدني بتجربته وشكراً.

مااحد غير تخصصه:109: مايصير

والله يااخت مريوم انا زيك وانتظر اي احد يرد عليك حتى استفيد اذا ممكن خخخخخخ ....على العموم ربي ان شا الله يرزقنا باللي يسعفنا بالاجابه:D

سبحاااان الله..

والله انك بنت حلال.. كنت ناويه انزل موضوع بهالخصوص لان من فتره صادني موقف..
زملاء بالجامعه معاي كل واحد جايه اكتئاب ومتملل ومو stable تحسينه..

مشكلة شبابنا وبناتنا انهم قليلين خبره..
معليش لا تزعلون مني.. قولوا فئه طيب علشان محد يعصب..

فئه منهم قليلة الخبره..

يعني يجيك الطالب او الطالبه ويختار التخصص بشكل عشوائي..
ونلاحظ الكل طاااير فوق!!

الي رايح هندسة طيران.. ولي هندسة ميكانيكا..
ولي هندسة معمار..

حيلك حيلك على قولة اخواننا المصريين..

انت قبل لا تحط نفسك فالمأزق هذا.. هل قادر عالتخصص؟؟
وعلى بيئه فيها كلها امريكان ولغه دخيله عليك.. وتقرى فاليوم 90 صفحه
وكل كلمه اصعب من الثانيه وتوقف اليوم الثاني فالكلاس وتقول نبذه مفصله عن الي قريته
وتستعد لاي سؤال يسأله لك طالب امريكي؟؟

وهل عندك استعداد تكون فالـ Lab
3 او 4 ساعات مع قروب ..
وهل تصمم بروجكت كامل..
وهل تروح المصنع مع القروب وتكتب تقرير مفصل..
وهل تقدر تسلم بين كل يومين تقرير عباره عن 9 صفحات بلغه اكاديميه وعلميه..

؟؟؟

لما تجاوبني على هذا السؤال ..
اقولك هنيئاً لك انت أهل للهندسه والتخصصات الزفره ..

اما لما تكون متخرج من ثالث ثانوي بنسبة 56%
والانجليزي عندك شبه معدوم..
فا انا اشوفها صعبه شوي..

حتى لو جيت امريكا ودرست سنه كامله لغه..

لما تتصطدم بكلاس فيه 30 او 35 طالب وتشيل على ظهرك كتاب بو 600 صفحه..

راح تكتشف ان اللغه الي درستها في مدة سنه هبااءً منثورا :)

يمكن انا تعمقت فالفكره.. وخرجت من الفكره الرئيسيه..
بس هذا يؤدي الى تلك..

ياريت لو الكل ينتبه من البدااااايه ويختار تخصصات سهله ومايعقد نفسه
ويحط نفسه في امور وزاره وتبديل وتحويل ..






اما بالنسبة لامكانية تغيير التخصص او الجامعه..
نعم بامكانك.. الكل عارف الاجراءات الروتينيه من تسجيل قبول بجامعه ثانيه وتسنفر المواد
وتتوكل على الله..

الله يعطيك العافيه اخت لينا ...لكن مو كل مين بيغير تخصصه معناته ماعندة حسن اختيار من البدايه او ما عندة قوة تحمل الصعوبات في التخصص اللي اختارة في البداية..هذا السبب اللي طرحتيه مجرد سبب من مئه سبب ثاني ممكن تخلي الشخص يغير تخصصة ...انا مثلا التخصص اللي ابغاه في دراسه الماستر ما يقبل غير 5 طلاب كل سنه دراسيه جديدة .يعني امل اني انقبل في هذا التخصص اللي راغبته امل ضعيف ويكاد معدوم لان التخصص هذا تبدا دراسته في الخريف بس.. يعني كل خريف يدرس 5طلاب في هذا التخصص..عشان كذا انسب حل عشان التحق بهذا التخصص ممكن اني ادرس بتخصص مشابه له وبعد فترة احول سواء في نفس الجامعه او في جامعة اخرى

طيب وش هو اسهل تخصص دراسه هل هو الكمبيوتر ساينس ياليت تفيدونا

وهل تخصص الهندسه الكهربائيه ايضا سهل او لا؟؟

واكرر سؤالي وشهو اسهل تخصص

نظام جامعات امريكا بالنسبه للبكالرويس فيه 60 ساعه تقريبا general education و كل طالب في الجامعه لازم يخلص ساعات GE بغض النظر عن تخصصه بس طبعا الطالب يحرص على انه يخاذ كلاسات في هذي الستين ساعه يكون له علاقه بتخصصه لأن فيه required و كويز عشان تقدر تاخذ مواد ال Major , خلال دراستك لهذي السااعات تقدر تغير تخصصك بسهوله لأن ما بعد دخلت على كلاسات ال major
اما على التحويل من جامعه لجامعه لازم تكون مخلص 30 سااعه عشان تقدر تحول من جامعه الى جامعه على انك transfer student بأختصار انك من تدخل الجامعه في جامعه امريكيه ما تقدر تقدم على جامعه اخرى على انك freshman لازم تدخل على انك transfer st و هنا لازم تراعي انك مخلص 30 ساعه و مواد معينه على حسب الجامعه يلي بتنقل لها وش متطلباتها و شنو السيستم حقها في الترانسفير
اما الدراسات العاليه ماعندي خبره كثير بس اتوقعها متشابه .. و كل جامعه تتطلب اختبارات مختلفه بانسبه للدراسات العليا

good luck