أنسحب وبكل فخر من هذا المنتدى المعقد !!

أنا أعلن انسحابي وبشكل تاام عن هذا المنتدى اللي زرع فيني الخوف والقلق وعدم الثقه بالنفس و ( الـ إحباط والوسوسه ) .. اول شي ببدالكم من الأول .. السفاره الأمريكيه واستخراج الفيزا .. اللي يقول تعال قبل موعدك بساعه والبس جزمه بيضا لا تلبس سودا لأنك اذا لبست جزمه سودا يعني انت حقوود وقلبك أسود !! والبس ساعه عشان يعرفون انت مهتم للوقت !!! والبس بدله رسميه عشان تبين لهم انك جنتل مان !! بالله هذا كلام ؟؟؟؟ انا رحت قبل موعدي بـ 10 دقايق ولا لبست ساعه ولا جزمه برتقاليه ولا حمرا !! ولبست ثوب بعد !! وأوظاعي مشت اوكي في السفاره ولا شفت أي شي من الخرافات اللي تكتب هنا عن السفاره .. هذا اول شي .. ثاني شي المطار !! ايش اللي تقعد 12 أو 6 ساعات في المطار وقلق وقروشه وتفتيش وووو انا ما أخذ مني ولا نص ساعه من أول ما نزلت من الطيارة إلى خراج المطار .. واللي يسب الولايه اللي هو فيها عشان محد يجيها ويصير و السعودي الوحيد في هذي الولايه !!!! ثالث شي الملحقيه !!!!!! ايش الهباااال اللي انتم مسوينه بخصوص الملحقيه ؟؟؟؟؟؟؟؟؟؟؟ مظاهرات ومدري ايش وكلام فاظي .. انا رحت للملحقيه وما شفت منهم إلا كل احترام وذوق وأخلاق عاليه !! وكلمت الـ د. العيسى وصراحه كان انسان جدا خلووق ورائع وخدووم .. واللي يسب الملحقيه هذا أكيد ساحب على الدراسه و درجاته ناازله وكل همه الفله ويقوول ليه معطيني هولد وليه راتبي ما ينزل.. معهدي كل يومين أو 3 يجون مشرفين من الملحقيه يشوفون درجاتنا وكيف ماشيه دراستنا .. يعني مهتمين فينا .. وانا اعرف كثيير مبتعثين رواتبهم تنزل على وقتها ولافي أي تأخيير .. !!
أنا والله يظيق صدري اذا مجرد تذكرت المنتدى هذا وتذكرت التعقيدات والمشاكل اللي انتم تطيحوون أنفسكم فيها !!

أنا أنسحب من هذا المنتدى وبكل فخر !!

و الله يسهل علينا جميعا ويهدينا جميعا :)

من شفتك تعميمك على ان المتضررين من الملحقيه هم فاشلين دراسياً وانت مالك الا كم يوم عرفت انك معهم معهم علاهم علاهم


لكن تدري شلون فرقات غنيمه

كفوو كلامك بطل اعجبني الموضوع والكلام لان الاغلب شكلهم الله بالخير الله لا يبلانا الرسول صلى الله عليه وسلم يقول تفاؤلوا بالخير تجدوه وهنا لا حتى ذرة تفاؤل مافيه وتسأل وين التفاؤل يرد وبكل برود هذا الواقع؟ ؟؟؟
ماشاء الله على هالواقع وانا لسى مارحت لم امريكا وكرهتها وكل هذا بفضل هالمنتدى الكويس

بالتوفيق

حياك الله والمنتدى فاتح ابوابه حتى لو ترجع بعد كم يوم تستفسر

تاكد ان فيه ناس تبي تجاوبك وترى منت اول واخر واحد انسحب

فيه غيرك من ناكرين الجميل الكثير

اقتباس:

---

المشاركة الأصلية كتبت بواسطة hiytham-aljohani

حياك الله والمنتدى فاتح ابوابه حتى لو ترجع بعد كم يوم تستفسر

تاكد ان فيه ناس تبي تجاوبك وترى منت اول واخر واحد انسحب

فيه غيرك من ناكرين الجميل الكثير

---

انا مو ناكر جميل .. ادخل على البروفايل حقي وشف مشاركاتي !!

(قل هل يستوي اللذين يعلمون واللذين لا يعلمون)

كاتب موضوع ومتعب نفسك علشان تدلفع عن الملحقية, ما تنسحب واحد ماسكك. الحمدلله الذي عافنا عما ابتلى غيرنا.

وبالمناسبة قوانين المنتدى تمنع مثل هذه المواضيع التافها ولا بعد ماتعرف تقرأ:
12- لكل عضو الحق في ترك الملتقى متى يشاء ولكن يمنع كتابة إعلان بذلك ومن يخالف سيتم حذف الموضوع وإلغاء عضويته من مبتعث.

المصدر: الإعلانات - ملتقى طلاب أمريكا Americas Forum
حفاظاً على حقوق الكاتب نرجو عدم حذف المصدر مبتعث

يارجال توكل على الله :D

الله يستر عليك حبيبي :)

وجهة نظر الغالي : )

وأنا أقول ليه ما تاخذ الشيئ اللي يعجبك وتررك اللي ما يعجبك، الله سبحانه وتعالى يقول

" فبشر عباد الذين يستمعون القول فيتبعون أحسنه أولئك الذين هداهم الله وأولئك هم أولو الألباب "

يعني يسمع كل شيء وهو بالأخير يختار يكون بأي وضع قلق، فرح، ادراك، حزن، سعاده ... الخ من مشاعر أنا ما أقول هذا لأني معترض على رأيك بالعكس لك وجهة نظر جميله، بعيده عن التعقيدات وهذا شيء رائع ..

وكلام العيال فوق صحيح ممكن تشوفها من جهه وحده وفيه ناس عندها مشاكل ، يعني مشي الوضع تختلف الامور من معهد الى أخر وسياسات الجامعات تختلف .. دام أمورك طيبه الحمدلله .

صراحة ولا شي من الي ذكرته عن تقديم الفيزا والتأخر بالمطار 6 ساعات وخلافه مر علي هنا في المنتدى كل المواضيع الي مرت علي كانت تتكلم عن سهولة استخراج الفيزا وسهولة المقابلة وايظا اجراءات المطار وسهولتها
مو ذنبنا انك تدخل مواضيع غلط ولا قديمة وبنفس الوقت ماتطلع على كل المواضيع الي تخص حالتك يعني لاتعتمد على موضوع واحد فقط
اما الملحقية فاذا هي عاملتك زين فهذا شي حلو وكله من بعد الله وسالفة اعتصام الطلاب فلا تجي تكذب الطلاب الي يعانون من الملحقية عشان بس عاملتك انت وكم واحد تعرفه كويس وحتى العيسى لو استقبلك بشكل حلو
غصب عليه اصلا مو من طيبه انت ماسويت غلط وهذا واجبه ولاتبيه يكشر بوجهك ويسفل فيك بدون سبب
اما سالفة المشرفين كان ودي اصدقك بس قوية يعني كل 2 او3 ايام يجون يشيكون بالله وين قاعدين مافيه الا انتم بس يالي بالمعهد مافيه طلاب بمعاهد ثانية ومين يمسك الشغل في الملحقية لاتقولي عشان البوابة يخلصون امور الطالب عن طريق الجوال وهم رايحين رادين على المعاهد المصيبة الأكبر لاتقول بعد انك في ولاية ثانية وفوق هذا وذاك الي اعرفه ان المعهد يرسل تقارير وكشوفات عن الدرجات للمشرف تبعك كل كم شهر يعني مايحتاج المشرف يزوركم كل كم يوم
في الختام اذا بتترك المنتدى الله معك وما احد درى عنك ولا احد راح يحلف عليك
بالتوفيق.