خلص مسلسل الملحقية وبدا مسلسل روميتي الواطي

بصراحه انا من تجربتي بالغربه
انصحك ابدا ولا بعمرك وحياتك لاتسكن مع احد بالغرفه عشان راحتك النفسيه وغير كذا تاخد راحتك وقت النوم وقت تبديل الملابس ووقت المذاكره وهذا اهم شي
كل واحد ونظامه غير واوقات دواماتكم واختباراتكم تختلف خصوصا لين التخصص يختلف

ف اي واحد حتى لو كان صاحبك واوكي معاك ترى لمن يصير معاك بالغرفه تصير حزازيات مهما يكون

ف انصحك تكون بروحك
والله يعينك
وموفق يارب

عندك حلين

الاول روح حاول تغير السكن او تكلم المكتب يشيلونه

الثاني انتظر اقرب موقف منه وخذها فرصه وكلم الشرطه وعطهم المواقف من اولها لاخرها علشان مايكون موقف واحد بس

بس عندي سؤال لك . انت تقول معك شخصين من الصين ليش ماشكيت فيهم ؟

الله يعينك ياصاحبي هناك عدة حلول ولكن يجب عليك اختيار افضلها

انصحك عزيزي تكلم المالك وتقول له الروميت يتصرف تصرفات غبية باذن الله راح يساعدك .. وانت اكثر واحد هنا يعرف الحل المناسب لانك عايش الحالة

الله معاك

الف الف الف شكر للكل
انا توني جاي من مسؤول المكتب وقالي اذا بتنقل في شقة ثانية (بنفس السكن) لازم نقول لروميتاتك الموضوع واذا وافقو انهم يقسمون الاجار على 3 (لان الان قسمة 4 انا والصينيين وملعون الوالدين) بتقدر نتقل لشقة ثانية وتكمل كل شي طبيعي,,, بس اذا ما وافقو و(((هذا الاكيد)))) راح تدفع لغرفتك الجديدة وللغرفة اللي طلعت منها .... يعني ادفع اجارين واحد اللي ساكن فيه والثاني لغرفتي اللي تركتها فاضية هذا غير الفواتير ... وسالته لو بكسر العقد مرة وحدة وبسكن بسكن مختلف قال تدفع شهريا نفس الشي لغرفتي اللي تركتها والفواتير .. وللسكن الجديد
بس والله ما اسويها .... اروح اطلع واريحه مني واوسع عليه البيت ( واكيد هذا هدفه ) ولا وادفع بعد !!!!!!!!
فكرة البوليس حلوة ...
طبعا انا في ساكن في شقة 4 غرف كل واحد غرفة خاصة ... طابقين 2 فوق و2 تحت( وانا والملعون تحت) وكل 2 في حمام مشترك ( وانتو بكرامة) والمطبخ مشترك للكل .. وهذا نظام كل الاسكان بمدينتي
الصينيين حبوبين ومابيني وبيهم اي شي وبعدين انا سالتهم قالو ما نزلو المطبخ وسالت الافريقي وقال ما سويت شي ... مع انه قسم بالله واضح منه الكذب
الله يكون بالعون .. بنصبر وبنشوف اخرتها

ههههههههههههههههههههههههههههههه

شكلك أنت الي محرق البيتزا خخخخخخخخخ < يمزح :P

أول شيء توكل على الله وادع ربك انك ما تدخل في مشاكل مالها اول ولا تالي

مدام هالآدمي صرّح لك بالكره وبالعنصرية ضد الدين فهذه حتى كافية لو بغيت تشكيه عليها..

هالاشكال لا تتكلم معها، ولو حاول يتكلم معك او يستهبل ناظر فيه بنص عين بتنفيص

حاول ايضا تكون علاقة قوية مع الصينيين حتى لو صارت مشاكل يشهدون معك يعني لو بغى يستهبل عليك حاول تكون في نفس المكان حق الطلاب الاخرين عشان يكون الوضع مكشوف للكل ومشهود..

أيضاً كلم المكتب وقولهم لو طلعت منه تصرفات اخرى راح اطلع ولا راح اعطيكم اي فلس وراح اشتكيكم انتم قبله..!!!

ولا توسوس كثير، يجيله يوم ويجيك مطأطأ الرأس ، ربك ما يوفق هالاشكال الحسوده والحاقده..

اهم شيء خلك مثال للمسلم الصالح ^^

موفق

ياشيخ الله يعينك والله , حالتي ماهي بعيده عنك بس بالعكس .,,



بـ اختصار الروميت حقي امريكي ومزعج امي ,, الولد معجب فيني او يحبني ما ادرى وش القصه , اهم شي الولد حساس كثير

يعني تخيل مره رحت السنما الحالي ,, جاني ويقولي ليه تروح بدوني ويسئلني اذا هو مزعجني او لا ((( طبعاا هذي في بدآية العلآقه

شوي شوي الولد زودها .. بس مره قفلت معاي ,, انا كنت راجع من السعوديه وكان واحد من الشباب بيستقبلني في المطار وهو مع هذا الواحد ,, ويوم جيت اسلم عليهم سلمت سلام طبيعي ,,

يوم رجعت البيت يقولي ... آنت سلمت على خويك سلام غير السلام الي سلمته علي (( يعني كأني مالي خلق .!!

يآخي تفكيره مزعج وخصوصا آخر الليل يجيني يفضفض ,,

كل هذي الامور ممكن نعديهها .

لاكن دورة المياة واللي يقرآ بكرآمه ,, آلله لا يوريك قسم بايات الله مزبله الصابون تشوفه في الارض وشامبو وشعرر وحاااجاات ثانيه :P ؛ لاحد يروح فكره بعيد


آلله يعينك يـ آخي .. اناا عن نفسي غيرت المدينة كلها بس عشانه وانا الحين ساكن لحآلي ومرتاااااااح اخررر راحه

بس ياخوي احسن شي انك تقعد معاه وتكلمه مرة واثنين وطيب خاطرة والله هذا اللي يفيدك ووحابب اخبرك انو مسلسل الملحقية ما زال مستمر والله من خلال المنتدى كثيرين يعانون مع الملحقية الله يهونها عليهم مثل ما هونها عليك.

الخطوات /
كل الهدف انك تصل لشخص يأخذ العقد تبع الغرفة مكانك
1. اسأل الصينين إذا عندهم صديق يبغى ينقل مكانك .. من دون ما يعرف الأفريقي خويك
2. اذا مالقيت الصيني. ادخل موقع Craigslist > Cities واختر مدينتك .. روح قسم rooms / shared أو قسم sublets / temporary حط اعلان واذكر فيه ان العقد sublease و الباقي من المدة كذا .. وجميع التفاصيل و الصور .. شوف الاعلانات الثانية عشان تأخذ فكرة أحسن.
3. إذا ماحصلت خلال اسبوع حاول تنزل السعر بحيث مثلا تقول أول شهر مجاني (أنت تدفعه) أو بأي طريقة ثانية عشان تمشي
4. بنفس الوقت اللي انت تدور فيه على شخص يدخل مكانك ابحث عن غرفة تناسبك في نفس الأقسام اللي فوق.

*من وجهة نظري ان تسكن مع طلاب احسن بكثير من عائلة عشان اللغة .. بس على الله يوفقك بروميتات فلة و راعين كشتات .. ولا بد ان تحصل بعض الطعات بس كل هذا يهون عن العائلة.

موفق ،،

من جد أنتم على نياتكم !

واحد يسرق العصيرمن الثلاجه وواحد أحرق بيتزتك وواحد مدري إيش يسوي !!

طيب لاتحطون أكلكم بالمطبخ حطه بالغرفه عندك هههههههههههههه كله عشان مايأكل !!!

أستغفر الله بس بعض الاجانب فيهم خبث !!

والله موضوعك مره امتعتني

انا تقريبا صار لي موضوع مشابه لك

انا كنت موقع عقد ١٢ شهر مع سكن

وحطوني في شقه فيها ٢ وانا الثالث

واحد سعودي خال والثاني سريلانكي

المهم السيلاني حوم كبدي اذا طبخ صارت ريحة ملابسي دجاج مسالا

والسعودي الخال مايقط ولا يدفع ولا شي وصاك على نفسه في غرفته ويطلع على ريحة الاكل

المهم يالربع ايش صار

رحت للاوفيس وكلمتهم قالوا ماعندنا مانع بس لازم تدفع فلوس للتحويل قلت معصي

وارسل رساله للاداره واقول لهم اني ماني مرتاح مع رومايتاتي

والله ويغيرون لي بدون مادفع ريال واحد

ويحطوني مع امريكي راعي مروانا بس الصراحه كان كوول مره

والحمد لله مشت اموري

وانا الحين طلعت منهم كلهم